Оқу сауаттылығы 1

​Мәтінді мұқият түсініп оқы, тапсырмаларды орында!

Байлық пен ақыл
Қарияның төрт ұлы болыпты. Ұлдарын жинап алып:

–            Балаларым, мен қартайдым. Сендер ержеттіңдер. Кімнің ақылы мен байлығы сай болса, сол менің мұрагерім болады, – депті. Yлкен ұлы асыл тасты жүзікті қолын көрсетіп:

–                Міне, кім бай болса, сол ақылды, – депті. Eкінші ұлы асыл киімдерін киіп келеді де:

–                   Мені көргендер ақылым мен байлығымның алдында бас иеді, – дейді. Yшінші ұлы күміспен, алтын тастармен әшекейленген белдігін буынады да:

–                   Мұндай белдік ешкімде жоқ, – дейді.

Әкесі басын шайқайды да, ең кіші ұлына қарап:

–                   Сен қандай байлығыңмен мақтанасың? – дейді.

Cонда кенжесі былай депті:

–                   Менде асыл тасты жүзік те, сәнді киім де, қымбат тастармен әшекейленген белдік те жоқ. Тек еңбек сүйгіш екі қолым, қайрат-жігерге толы жүрегім ғана бар.

Қария кенже ұлының жауабына риза болыпты. Оны өзінің мұрагері етіп қалдырыпты. Ал үлкен балаларына інісінің айтқанынан шықпауды өсиет етіпті.

By Гулнара Серкебаева

Multiple Choice

1.                Әкесінің балаларына айтқан өсиеті

•               алтын белдігі бар үшінші ұлды құрметтеу

•               кенже ұлдың айтқанынан шықпау

• асыл тасты жүзігі бар үлкен ұлды сыйлау

•             асыл киімді екінші ұлдан үлгі алу

Multiple Choice

           Әкесінің балаларын жинаудағы негізгі ойы

•               байлықтарын тексеру

•              жомарттығын білу

•               мейірімділіктерін байқау

•               ақылдылықтарын анықтау

Multiple Choice

1.                Қарияның үлкен ұлына тән қасиет

•               белдікке мақтану

•               байлыққа масаттану

•              киіміне шаттану

•             жүзігіне қуану

Multiple Choice

1.                Mәтін мазмұнына сәйкес келетін мақал

• Білімсіз адамның өрісі тар, құлашы қысқа

• Ақылы көпті дау алмайды, досы көпті жау алмайды

• Еңбек етсең ерінбей, тояды қарның тіленбей

• Өзіңе сен, өзіңді алып шығар, еңбегің мен ақылың екі жақтан