Pilis salah sahiji jawaban anu kuhidep anggap bener.
Saum
Iwal ku kasabaran jeung katawekalan dirandapan
Nyanghareupan sagala gogoda jeng dodoja
Beuteung nu murilit menta eusi kukurubukan
Tikoro garing hanaang
Awak rampohpoy taya dangiang
Sabulan campleng
Ngalap sagala barokah
Dieusian ku rupa-rupa ibadah
Ti mimiti hibar fajar nepi ka surup srangenge midang
Mun dina mangsa peuting
Waktu sare dikurangan
Waktu hudang digasikan
Iwal ku kasadaran jeung katawekalan
Sagalana sagala hampang
Malah diteangan jeung ditungguan
Datangna dihiap-hiap
Balikna dipidangdam
Ku tangtungan nu tarawekal
Najan teu kurang rasa nu aral
Sagalana karasa jadi siksaan
Teu kuat nandang cocoba
Najan waktuna can datang
Tangara nu mawa beja
Da puguh taya kaera
Dalahar balakecrakan
Jajauheun inget dosa
Iwal ku kasadaran jeung katawekalan
Ninggang ka jalma nu sabar
Nikmatna karasa pisan
Deukeutna waktu keur buka
Jauhna manggih lebaran
1. Tema nu kapanggih tina sajak nu judulna saum teh nyaeta ........