Wawancara Bahasa Sunda Kelas X

Komunikasi lisan dua arah dina wangun tanya jawab pikeun meunangkeun informasi ngeunaan tujuan anu geus ditangtukeun samemehna disebut ....

• paguneman

• wawancara

• warta

• sawala

• biantara

Tengetan bagian-bagian tina kagiatan wawancara ieu di handap!

(1)Ngawanohkeun

identitas diri ka narasumber.

(2)Amitan

ka narasumber ku cara sasadu jeung nganuhunkeun.

(3)Neangan

jejer anu rek diwawancarakeun.

(4)Nepikeun

pananya anu patali jeung jejer wawancara.

(5)Nepikeun

tujuan wawancara.

Kagiatan anu ilaharna ditepikeun dina bagian bubuka wawancara dituduhkeun ku nomer....

• 1 jeung 3

• 1 jeung 5

• 2 jeung 4

• 2 jeung 5

• 3 jeung 4

Kagiatan anu kudu dilakukeun dina bagian eusi wawancara nyaéta....

• ngarahkeun naon-naon anu rek didiskusikeun sarta nu bakal dilakukeun dina wawancara

• nu ngawawancara jeung narasumber silih pairan jeung mere tanggapan

• ngagunakeun tatakrama basa make ragam basa loma

• nyieun laporan dina wangun paguneman jeung narasi

• kagiatan nyindekkeun jeung nutup wawancara

Kagiatan nyieun kacindekan dina wawancara ilaharna aya dina bagian....

• bubuka

• eusi

• panutup

• manggalasastra

• prolog

Jalma anu dipercaya pikeun mere jawaban nu mangrupa informasi atawa data anu diperlukeun ku nu ngawawancara disebut....

• narator

• notulen

• narasumber

• wartawan

• moderator

Baca téks wawancara ieu di handap!

Murid: “Bapa kumaha damang?”

Pa Guru: Alhamdulillah, sae. Kumaha sawangsulna?”

Murid: “Alhamdulillah. Pangesto. Pa hatur nuhun tos nyayogikeun waktos kanggo ieu wawancara.”

Pa Guru: “Muhun sami-sami.”

Téks wawancara di luhur kaasup kana bagian....

• bubuka

• eusi

• panutup

• manggalasastra

• prolog

Baca téks wawancara di handap!

A: Minangka pamaén senior, akang tangtos wanoh jeung bobotoh. Kumaha numutkeun Akang kontribusi Viking kanggo pamaén Pérsib?

B: Kontribusi bobotoh, pangpangna Viking, saé pisan. Karaos pisan ku pamaén mah. Viking teu weléh satia masihan sumanget, upamina mun nuju tanding. Boh upami maén di Bandung boh nuju maén tandang. Mun nuju maén tandang, Viking sok ngabring ngadukung Persib, sanaos sakedik tapi éta téh kacida ageung pangaruhna kanggo pamaén mah.

Téks wawancara di luhur nyaritakeun ngeunaan ....

• pamaén senior

• bobotoh jeung pamaén senior

• kontribusi bobotoh nalika pamaén keur tanding

• Viking sok ngabring ngadukung Persib

• pamaén senior nu wawuh ka bobotoh

Baca sempalan téks laporan wawancara ieu di handap!

Lian ti lagu anu dua tadi, dina album anu panganyarna téh Rita ge ngahaleuangkeun lagu séjénna beunang nyanggi Ubun Kubarsah, nyaéta lagu “Paris Romantis” jeung “Bulan di Priangan.” “Neda pidu’ana, mugi-mugi taun ieu kénéh éta album tiasa réngsé,” ceuk Rita.

Laporan narasi hasil wawancara di luhur maké ragam basa....

• kasar

• loma

• lemes

• kasar jeung loma

• loma jeung lemes

Tengetan kagiatan ieu di handap!

(1) Nangtukeun téma.

(2) Nyusun laporan wawancara.

(3) Nyusun daptar pananya.

(4) Ngalaksanakeun wawancara.

(5) Nangtukeun narasumber.

Hal anu dilakukeun dina kagiatan tatahar dituduhkeun ku nomer....

• (1), (2) jeung (3)

• (1), (3) jeung (5)

• (2), (3) jeung (4)

• (2), (3) jeung (5)

• (3), (4) jeung (5)

Laporan hasil wawancara dina wangun narasi ditulis ku cara....

• nuliskeun unggal pananya jeung jawaban antara nu ngawawancara jeung nu diwawancara kalawan lengkep.

• nuliskeun hasil wawancara ku cara ngarobah kalimah langsung jadi wangun teu langsung dina bagian inti wawancara.

• nuliskeun hasil wawancara ku cara ngarobah kalimah langsung jadi wangun teu langsung ti bagian bubuka nepi ka panutup dina wawancara.

• nuliskeun informasi anu dianggap penting dina kagiatan wawancara dumasar kana sawangan pribadi nu ngawawancara.

• nuliskeun hasil wawancara nu mangrupa fakta jeung opini anu didasarkeun kana 5W jeung 1H.