Bahasa dunia

Rajaning peksi punika naminipun Jathayu. Piyambakipun dados mitra raketipun Prabu Dasarata. Nalika sumerep putranipun mitranipun dipuncidra Rahwana, Jathayu enggal tumandang damel mitulungi. Kreta kencana dipunterjang kemawon, Sinta dipunrebat. Rahwana nggegegi, boten nguwalaken saengga dados udreg-udregan rebatan Sinta ing gegana. Eman, Jathayu kalindhih, dipuntatoni saha dipunajar dening Rahwana. Salah satunggaling swiwi sengkleh tugel. Jathayu tskdih megap-megap dipuntendhang, kumleyang ing awang-awang dangu-dangu dhawah ing siti, klebekan.

Putranipun Prabu Dasarata dicolong Rahwana, weruh kedadeyan iku Jathayu enggal tumandang . . . .

• dhelik

• mlayu

• keplok

• nulungi

Jathayu iku salah sawijining jeneng kewan manuk utawa peksi. Miturut crita pewayangan ing dhuwur Jathayu iku minangka dadi . . . .

• dhutaning peksi

• rajaning peksi

• abdine peksi

• mitrane peksi

Miturut pethikan wacan ing dhuwur Jathayu anggenipun nulungi Sinta kanthi cara . . . .

• kreta dipunterjang, Sinta ditinggal mlayu

• kreta dipunterjang, Sinta dipunrebat

• nyedhaki kreta, Sinta ditakoni

• ninggalke kreta, Sinta dipunrebat

Anggenipun nulungi Sinta ing gegana, Jathayu kalindhih amargi . . . .

• dipuntatoni saha dipuntulungi dening Rahwana

• dipuncedhaki saha dipuntulungi dening Rahwana

• dipuntulungi nanging dipunajar dening Rahwana

• dipuntatoni saha dipunajar dening Rahwana

Peksi Jathayu iku karo Prabu Dasarata kapernah . . . .

• sedulur

• kanca raket

• mungsuh

• nak dulur

Jathayu iku bisa mabur amarga Jathayu iku bangsane . . . .

• manuk

• unggas

• kupu-kupu

• kinjeng

Sinta sagedipun namung nangis, sinten kemawon ingkang sumerep pesambatipun Sinta tumut trenyuh lan sedih, jagad tumut nandhang sungkawa.

Ukara ing ngandhap punika ingkang nggambaraken jagad tumut nandhang sungkawa, inggih menika . . . .

• angkasa padhang jingglang nanging soroting kucem

• angkasa padhang jingglang kena soroting surya

• angkasa timbreng nglemeng nggameng kesaput mega mendhung

• angkasa timbreng nglemeng nggameng kena soroting surya

Ing tengah wana, Rama anggenipun mbujeng kidang boten angsal damel. Rama lan Lesmana lajeng madosi Dewi Sinta. Ing tengahing margi, Rama manggihaken sekar cundhuk sarta saperangan panganggenipun Sinta pating kececer. Rama lajeng nginten menawi Sinta kadhusta dening tiyang. Rama duka sanget mila jagat sakisinipun badhe kajungkir walik, nanging Lesmana enggal atur pangarih-arih saengga Rama lilih penggalihipun. Kekalihipun lajeng nglajengaken lampah madosi Dewi Sinta. Ing satunggaling panggenan, Rama lan Lesmana kepanggih kaliyan Jathayu ingkang taksih menggeh-menggeh kados badhe koncatan nyawa. Sanajan makaten kawontenanipun, Jathayu taksih saget cariyos lan atur pitedah bilih Sinta kadhusta dening pandung lan kabekta tumuju dhateng negari Alengka. Purna anggenipun matur, Jathayu dumugining pejah. Nalika raganipun dipunbesmi dening Rama, keluking latu kados asung pitedah ing pundi peneripun negari Alengka lan wonten swanten gaib ingkang suka pitedah caranipun saged kepanggih kaliyan Sinta.

Sing dioyak Rama ing tengah wana yaiku . . . .

• Naga kencana

• Kidang kencana

• Garudha kencana

• Kreta kencana

Rama lan Lesmana anggenipun mbujeng kidang boten angsal damel. Rama lan Lesmana wangsul wonten papanipun Sinta, Rama kaget amargi . . . .

• Sinta boten wonten

• Sinta nengga Rama

• Sinta madosi Rama

• Sinta ninggalke Rama

Ing papan panggenanipun Sinta, Rama manggihaken . . . .

• sekar setaman

• sekar arum

• sekar cundhuk

• sekar kinanthi