Кантрольная тэставая работа 9 клас (Варыянт 4)

Адзначце правільныя сцверджанні:

• Складаназлучаныя сказы – гэта сказы,у якіх адна з граматычных частак сэнсава падпарадкоўваецца другой.

• Складаназлучаныя сказы – гэта сказы,у якіх граматычныя часткі раўнапраўныя.

• У складаназлучаных сказах сэнсавыя адносіны падобныя на сэнсавыя адносіны паміж аднароднымі членамі.

• У складаназлучаных сказах сэнсавыя адносіны падобныя на сэнсавыя адносіны паміж галоўнымі членамі.

• У складаназлучаных сказах сэнсавыя адносіны падобныя на сэнсавыя адносіны паміж даданымі членамі сказа.

Адзначце складаныя сказы:

• Мы сабраліся звечара і, як толькі пачало брацца на дзень, рушылі ў дарогу.

• Нібы толькі што народжаная, свеціцца аксамітнай свежасцю атава.

• На дол, ледзь чутна шапочучы, сыпаўся часам дробны, як крупы, сняжок.

• Сырыя вятры доўгай восені, якія заўсёды надакучліва шумелі ў голлі бярозы і секлі мне ў твар кроплямі дажджу, сёння замоўклі.

• Людзі замітусіліся, заспяшаліся так, быццам неспадзеўкі здарыўся пажар.

Адзначце правільныя сцверджанні:

• Складаназалежны сказ – гэта сказ, у якім граматычныя часткі звязваюцца сэнсава і інтанацыйна.

• Складаназалежны сказ – гэта сказ, у якім адна з граматычных частак сэнсава падпарадкоўваецца другой і звязваецца з ёй пры дапамозе падпарадкавальнага злучніка або злучальнага слова.

• Складаназалежны сказ – гэта сказ, у якім граматычныя часткі адносна раўнапраўныя, самастойныя па сэнсе.

• Галоўная і даданая часткі ў складаназалежным сказе звязваюцца злучальнай сінтаксічнай сувяззю.

• Галоўная і даданая часткі ў складаназалежным сказе звязваюцца падпарадкавальнай сінтаксічнай сувяззю.

Адзначце сказы з размеркавальнымі сэнсавымі адносінамі:

• Або птушак там не было, або яны проста не адважыліся падаваць голасу.

• У хмары месяц пайшоў, і бляск зорны патух.

• Прайшоў невялікі дождж, ды зноў стала суха.

• Гара высокая ў тумане, а пад гарой зялёны гай.

• То нямеюць нівы ў полі, то дрыжыць пяшчотна гай.

Адзначце сказы, у якіх паміж часткамі нельга ставіць коску:

• На досвітку сінім ярчэе мароз і свеціцца іней на голлі бяроз.

• Верасень на плечы ўскінуў плашч барвовы і пад сонцам крочыць праз гаі, дубровы.

• У гэты момант дзверы з кухні адчыніліся і ў пакой увайшла бабка.

• Толькі жаўранак заспявае ў вышыні ды ветрык зашастае каласамі.

• Раптам у лесе шаснула і на паляну выскачылі дзве казы.

Адзначце складаназалежныя сказы:

• У густым змроку хаваліся станцыйныя пуці, на якіх дзе-нідзе паблісквалі стрэлачныя ліхтары.

• Вербалоз толькі што распушыў свае каткі, над імі гудзелі першыя смелыя чмялі.

• Чалавек глядзеў на паблёклыя зоркі, адна з якіх, здавалася, прычапілася за самую верхавіну рабіны.

• Свіцязь купае сонца ў сваёй купелі, узіраецца, усміхаючыся, у вячыстыя карункі дрэў, якія шырокім, багата вышытым поясам атуляюць яго, лашчацца да яго.

• Адны ўмеюць складна расказваць пра перажытае; ёсць здатныя прыхлусіць, ды так, што самі вераць у тое, чаго ніколі не было.

Адзначце сказы, у якіх трэба паставіць дзве коскі:

• Яловы лес дзе я іду цёмны і густы.

• Мірон прытрымліваўся погляду што чалавек усё можа зрабіць калі захоча.

• Наведвайце бацькоў пакуль яны жывыя пакуль дымяцца коміны нагрэйцеся ў бацькоў.

• Старая леснічоўка з саламяным дахам што наехаў на вокны як вялікая шапка на вочы чалавеку стаяла адразу за крынічкай.

• Вядома таксама што адзін дурань можа задаць столькі пытанняў на якія не адкажуць сто разумнікаў.

Адзначце, дзе правільна вызначана даданая частка складаназалежнага сказа:

Трэба адрэзаць дарогу для войнаў, каб чалавецтва магло жыць спакойна.

• месца

• прычыны

• спосабу дзеяння

• часу

• мэты

Адзначце складаныя бяззлучнікавыя сказы з разнатыпнымі часткамі:

• Пасееш у пару – будзеш мець хлеба гару.

• Дыхалася вельмі легка, Леня ўзяў Жэню пад руку і павёў яго на вуліцу.

• Усе ведалі: Хоня заляцаецца да Ігнатавай Хадоські, жаніх, можна сказаць.

• Ідзе па вуліцы – лебедзь плыве.

• Сціхла гамонка жалеза – пачалася гамонка людзей.

Адзначце сказы, у якіх на месцы пропуску трэба паставіць двукроп’е:

• Неба спрэс усцілалі хмары … сонца не паказвалася ад рання.

• Азірнуўшыся, бачу … пасярод вуліцы заклапочана грабецца певень з чарадою курэй.

• Я застываю ў вялікім здзіўленні і радасці … на авеяным ужо халоднымі асеннімі вятрамі голым пятачку вялікая сям’я баравікоў!

• Першыя замаразкі прыхапілі пад вокнамі вяргіні … яны пабляклі пачарнелі.

• Вада знаходзіцца ў стане вечнага руху … ад сонца яна паруе, з пары робяцца хмары, з хмар ідзе дождж.