Mga Salitang Di Lantad ang Kahulugan

1. Napakahalaga ng pamilya sa aming mga Tsino. Kaming mga anak ay hindi basta bumubukod sa aming magulang kahit pa may sariling pamilya na. Ipinahihiwatig ng pahayag na ito na . . .

• A. hindi mabubuhay nang mag-isa ang mga Tsino

• B. malapít ang mga pamilyang Tsino sa isa’t isa

• C. independent o mas gustong mamuhay nang mag-isa ang mga Tsino

2. Subalit kapag nása bahay akó, higit na nangingibabaw ang kulturang Tsino sa paraan ng pagpapalaki sa aming magkakapatid. Ipinahihiwatig ng pahayag na ito na . . .

• A. mahigpit sa mga anak ang magulang ng nagsasalaysay

• B. malakas ang impluwensiyang Tsino sa kanyang mga mamamayan

• C. mahigpit sa mga anak ang magulang ng nagsasalaysay

3. Mula pa noong batà akó ay si Wài pó na ang lagi kong kasakasama kapag nása trabaho ang aking magulang at ang dalawang nakatatanda kong kapatid. Ipinahihiwatig ng pahayag na ito na . . .

• A. ang lola ang naging tagapag-alaga ng batà sa pamilya

• B. alagain ang batà dahil sa espesyal niyang pangangailangan

• C. hindi mapag-aruga ang magulang ng batà

4. Hinding-hindi namin papayagang malayo sa amin si Wài pó. Tiyak na malulungkot siya roon at malulungkot din akó dahil kaming dalawa ang magkasama sa silid. Ipinahihiwatig ng pahayag na ito na . . .

• A. nagpapaalam na ang kanyang wài pó upang lumipat ng tirahan

• B. mahirap sa pamilyang mawala ang matandang tagapagalaga nila ng anak

• C. mahal na mahal ng batà ang kanyang wài pó

5. Batà pa akó ay lagi nang ipinaaalala sa akin ni Wài pó na hinding-hindi ko dapat itusok sa gitna ng kanin ang aking mga chopstick dahil ito raw ay nangangahulugan ng kamatayan. Ipinahihiwatig ng pahayag na ito na . . .

• A. makaluma ang pamilya

• B. mapamahiin ang mga Tsino

• C. hindi naniniwala sa pamahiin ang batà