Quiz Warta

Tengetan téks ieu di handap!

Israél beuki némbongkeun bangsa nu pangtelengesna sadunya. Maranéhna terus ngirimkeun kakuatan militérna ka Libanon jeung Paléstina. Dina poé kamari wungkul (25/06), puluhan bom ngaruksak pamukiman sipil di Beirut, Libanon, jeung daérah Gaza, Paléstina.

Eusi téks nu ditepikeun di luhur téh nyaéta...

• Perang Israél

• Perang Libanon

• Perang Gaza jeung Irak

• Serangan Paléstina ka Libanon

• Serangan Israél ka sababaraha nagara di jalur Gaza

Tengetan téks ieu di handap pikeun pananya no 3-5 !

Saban taun, mahasiswa ti Departemén Pendidikan Bahasa Daérah FPBS UPI ngayakeun kagiatan Riksa Budaya Sunda (RBS). Taun ieu, éta kagiatan RBS téh dilaksanakeun tanggal 21-23 Pébruari 2017 di Gedung FPBS Kampus UPI. Adad Mulyadi, salaku Pupuhu Panata calagara nembrakkeun yén éta kagiatan RBS téh minangka kagiatan pikeun ngasah kamampuh kana seni budaya Sunda ngaliwatan pasanggiri, “Dina ieu kagiatan (RBS, réd), mahasiswa Departemén Pendidikan Bahasa Daérah (DPBD) seja ilubiung dina miara seni katut matéri budaya Sunda kalawan jembar. Malah mandar tetep dipiwanoh, dipicinta, sarta dipiara dumasar kana cara sareng kamampuhna séwang-séwangan.”

Naon nu dimaksud kagiatan RBS nyaéta …..

• Kagiatan ékstrakulikulér barudak sakola

• Kagiatan Mahasiswa nu aya di UPI

• Kagiatan pikeun ngasah kamampuh kana seni budaya Sunda

• Kagiatan diajar di kampus

• Kagiatan pikeun grup pecinta alam

Dumasar kana téks di luhur, saha nu ngayakeun éta kagiatan RBS téh …….

• Dosén UPI

• Réktor UPI

• Sakabéh Mahasiswa UPI

• Mahasiswa DPBD UPI

• Anggota OSIS

Di mana diayakeunana éta kagiatan RBS téh?

• Di Sakola séwang-séwangan

• Di imah salasahiji pamilon

• Di Gedung kasenian

• Di Gedung Isola

• Di Gedung FPBS UPI

Tengetan téks ieu di handap pikeun pananya no 6-7 !

Pupuhu DPBD FPBS UPI, Dr. H. Usép Kuswari, M.Pd. nyebutkeun, dina sajarahna éta kagiatan pasanggiri téh mémang diancokeun pikeun siswa tingkat SMA. Demi nu jadi udaganana, lian ti pikeun ngawanohkeun jeung numuwuhkeun rasa cinta katut kareueus kana basa jeung seni Sunda téh, nya minangka promosi lembaga (DPBD FPBS UPI) sangkan siswa SMA sangkan kataji kuliah di Program Studi Pendidikan Bahasa Daérah.

“Kagiatan RBS diancokeun kanggo ngirut siswa SMA supados mibanda karep lebet ka Jurusan Pendidikan Bahasa Daérah. Alhamdulillah, seueur ogé mahasiswa DPBD kiwari nu lebetna ka UPI téh marga lantaranana nya tina kagiatan RBS,” ceuk H.Usép Kuswari.

Tina kagiatan RBS, katangén pisan para siswa anu makalangan téh réréana mah siswa anu mémang deukeut deuheus kana budaya Sunda. Déna, salah saurang patandang dina Pasanggiri Tembang Rarancagan nyebutkeun, sapopoéna di imah make basa Sunda, tur mikaresep pisan kana seni Sunda. Kumaha sajarahna pangna aya kagiatan RBS téh?

• Dina sajarah éta kagiatan pasanggiri téh mémang diancokeun pikeun para siswa tingkat SMA

• Dina sajarah éta kagiatan pasanggiri téh mémang diancokeun pikeun para mahasiswa UPI

• Dina sajarah éta kagiatan pasanggiri téh mémang diancokeun pikeun mahasiswa FPBS UPI

• Dina sajarah éta kagiatan pasanggiri téh mémang diancokeun pikeun mahasiswa DPBD UPI

• Dina sajarah éta kagiatan pasanggiri téh mémang diancokeun pikeun balaréa

Dumasar kana téks di luhur, naon nu jadi udagan tina kagiatan RBS téh?

• pikeun ngawanohkeun jurusan-jurusan nu aya di UPI

• pikeun ngawanohkeun jeung numuwuhkeun rasa cinta katut kareueus kana basa jeung seni Sunda, minangka promosi lembaga (DPBD FPBS UPI)

• pikeun ngawanohkeun jeung némbongkeun kamampuh siswa

• pikeun ngamumulé kabudayaan di daérah séwang-séwangan

• pikeun ngawanohkeun kagiatan nu aya di UPI

Sabada nengetan téks dina soal nomer 1 jeung 2 di luhur, bisa dicindekkeun yén warta téh nyaéta...

• Paguneman antara dua urang atawa leuwih antara nu nanya jeung narasumber

• ngalaporkeun hiji kajadian, peristiwa, atawa informasi ngeunaan hiji hal nu geus atawa keur kajadian

• nepikeun hiji kedalan atawa caritaan anu disusun merenah di hareupeun jelema loba, dina suasana resmi

• tulisan anu mangrupa bukti yen hiji kagiatan geus dilaksanakeun

• mingpin jeung ngarahkan lumangsungna hiji acara saperti sawala atawa diskusi

(1) Muqadimah

(2) Judul

(3) Pangjajap

(4) Téras (lead)

(5) Eusi

(6) Pamungkas

Nu mangrupa strutur atawa bagian warta téh diantarana …..

• (1) – (2) – (3)

• (2) – (3) – (4)

• (3) – (4) – (5)

• (4) – (5) – (6)

• (1) – (5) – (6)

Upama dina warta aya lead na „Pérsib Maung Bandung meunang 3-0 ngalawan Aréma‟ anu pantes pikeun body na nyaéta...

• Nilik model kitu, Pérsib beuki jauh ninggalkeun sainganana

• Pérsib beuki kokoh di puncak klasemén

• Klub séjénna anu nyicingan di urutan katilu nepi kalima, nyaéta Sriwijaya FC, Bali United, jeung Pérsija

• Palatih Pérsib, nétélakeun yén kabéh saingan geus kabaca maénna

• Persaingan unggal kleub bakal leuwih ketat

5W1H téh singgetan tina genep kecap pananya dina basa Inggris (what, where, when, who, why, jeung how) minangka dasar wangunan hiji warta. Tina kecap pananya “How” dina warta téh bisa dipaké pikeun nanyakeun

• Peristiwa naon nu diinformasikeun?

• Saha anu kalibet dina éta kajadian?

• Naha éta peristiwa bisa kajadian?

• Iraha éta peristiwa kajadianana?

• Kumaha kajadianana éta peristiwa téh?