UJIAN SEKOLAH BAHASA JAWA SD

Wacanen geguritan ing ngisor iki!

Ibu Kartini

Pasuryane ayu merak ati

Lembut amerbawani

Kartini ibu negeri

Kartini pelopor emansipasi

Merga Ibu aku dadi meju

Merga ibu aku duwe ilmu

Kartini pahlawanku

Isine geguritan ing dhuwur nyritaake bab ….

• A. pintere Ibu Kartini

• B. pasuryane Ibu Kartini

• C. pahlawan Ibu Kartini

• D. perjuwangane Ibu Kartini

Wacanen crita wayang ing ngisor iki!

Prabu Yudhistira iku ratu ing Amarta, ratu watak pandhita. Watake sabar lan ikhlas, lila donya lila ing pati. Sajake urip ora tau ngapusi (goroh) lan ora nate perang. Amarga saking banget ngati-atine, ora kersa gawe seriking liyan, lan ora kersa goroh, mula Prabu Yudhistira digambarake wong sing ludirane seta. Nalika Perang Bharatayuda ing Tegal Kurusetra, dipeksa dening Prabu Kresna supaya kersa goroh karo Pandhita Drona menawa Aswatama wis gugur, kanggo kemenangane Pandhawa. Ananging tetep puguh ora kersa. Prabu Yudhistira tetep ngendika jujur, “ingkang pejah Hesthitama”. mung olehe ngendika “Hesthi” lirih, “Tama”ne banter. Satemah dadi jalaran Pandhita Drona bingung, lan bisa dipateni dening Raden Trusthajumena.

Simpulan saka crita wayang ing dhuwur yaiku ...

• A. Prabu Kresna ora meksa Yudhistira omong goroh.

• B. Aswatama sejatine wis gugur ing paprangan.

• C. Pandita Drona meksa Yudhistira omong goroh.

• D. Yudhistira ora gelem goroh.

Gatekna wacan ing ngisor iki!

Kanggone masyarakat Jawa, kalebu kutha Semarang, nyadran iku wis dadi tradhisi. Nyadran yaiku reresik kubur lan kirim donga marang leluhur kang wis seda. Nyadran dilekasanakake ing wulan Ruwah, sangarepe wulan Pasa. Nyadran iku kanggo ngurmati para leluhur kan wis seda lan nyuwunake pangapura supaya sakabehing dosane para leluhur sarta amale ditampa marang Gusti Allah.

Isine wacan ing ndhuwur yaiku …

• A. reresik kubur lan kirim donga

• B. tradhisi nyadran ing wulan Ruwah

• C. tradhisi nyadran ing wulan Pasa

• D. ngurmati para leluhur kan wis seda

Wacane ....

• Adik dolanan boneka

• Bapak tindak kantor

• Aku lunga sekolah

• Ibu tindak peken

Wacanen crita ngisor iki!

Prabu Dewatacengkar ratu ing Medhangkamulan sing wengis lan seneng mangan daging wong. Mula rakyate padha ngungsi, wedi yen dadi pangane ratune. Ajisaka trenyuh atine banjur sabiyantu rakyat Medhangkamulan. Ajisaka madhep marang Dewatacengkar menawa dheweke gelem dadi dhaharane, nanging njaluk syarat. Ajisaka njaluk lemah saambene ikete, lan Dewatacengkar nyaguhi. Bareng iket dibukak, Dewatacengkar kang narik iket nganti tekan segara kidul. Ajisaka nyedhalake ikete njalari Dewatacengkar kecemplung segara lan malih dadi baya putih. Wiwit wektu kuwi Ajisaka dadi ratu ing Medhangkamulan lan rakyate urip ayem tentrem.

Simpulan crita ing ndhuwur yaiku …

• A. Ajisaka sing wengis lan seneng mangan daging wong.

• B. Ajisaka wani marang Prabu Dewatacengkar.

• C. Ajisaka mbiyantu rakyat Medhangkamulan.

• D. Ajisaka dadi rakyate Prabu Dewatacengkar.

Wacanen tembang macapat ngisor iki!

Gambuh

Sekar gambuh ping catur

Kang cinatur polah kang kalantur

Tanpa tutut katula-tula katali

Kadaluwarsa katutuh

Kapatuh pan dadi awon

Isi tembang ing dhuwur yaiku ….

• A. pagaweyan kang nyenengake

• B. paraga becik marang manungsa

• C. ngomongake barang kang ala

• D. tumindak kang ora becik

Wacanen crita wayang ing ngisor iki!

Prabu Pandhudewanata, ratu ing Astina bingung amarga putrane sing nomer loro lair wujud bungkus. Tegese sanajan wis lair nanging isih kabungkus sajroning ari-ari. Anehe bungkus mau ora bisa disuwek utawa dipecah nganggo gaman apa wae. Prabu Pandhudewanata banjur nyuwun marang Gusti supaya enggal oleh cara kanggo mbukak bungkus. Wusanane bayi bungkus mau kudu dibuwang ing alas Mandalasara. Ing alas iku ana gajah gedhe kanga ran Gajah Sena, ya gajah iku kang bisa mbukak bayi bungkus mau.

Simpulan saka crita wayang ing dhuwur yaiku …

• A. Prabu Pandhudewanata bingung.

• B. Bima bungkus yaiku laire Bima kang awujud bungkus.

• C. Bungkus dibuwang menyang alas Mandalasara.

• D. Gajah Sena kang bisa mecah bayi bungkus.

Ukara “tukang gawe sega bakar” yen ditulis nganggo aksara Jawa sing bener ana ing nomer ….

• 1

• 2

• 3

• 4

Gatekna perangan pidhato ing ngisor iki!

Bapak Kepala Sekolah ingkang kinurmatan, Bapak Ibu Guru ingkang kawula urmati, rencang saha adhik-adhik ingkang kula tresnani. Puji syukur dhumateng Gusti ingkang Maha Agung, ingkang sampun angluberaken rahmat sarta hidayah. Dene kula panjenengan saged makempal wonten ing papan punika kangge ngawontenaken pepisahan.

Tembung kang kacetak miring ing dhuwur tegese ….

• A. kanca ; dhuwur

• B. kanca ; gedhe

• C. rewang ; gedhe

• D. rewang ; dhuwur

Wacanen pidhato kang ora urut ing ngisor iki !

1. Babagan kebersihan lingkungan dados masalah ingkang penting amargi panggenan punika kangge gantungake urip manungsa sedaya. Mila kita njaga lingkungan kanthi sae.

2. Cekap semanten atur kula, menawi wonten lepatipun nyuwun pangapunten.

3. Assalamualaikum warahmatullahiwabarakatuh

4. Ingkang kinurmatan Ibu Kepala Sekolah saha Bapak / Ibu Guru ugi rencang-rencang ingkang kula tresnani

5. Wassalamualaikum warahmatullahiwabarakatuh

Urutan pidhato ing dhuwur sing bener yaiku ….

• A. 3 – 4 – 1 – 2 – 5

• B. 3 – 4 – 2 – 1 – 5

• C. 4 – 3 – 1 – 2 – 5

• D. 4 – 3 – 2 – 1 – 5