Spiritism Study Group Quiz for 24 August 2021

I-tsek ang lahat ng mga nangyayari kapag ipinagdarasal natin ang mga kaluluwa ng mga taong namatay na.

• Nakakabawas ito sa kanilang mga tiisin

• Nakukumbinsi silang magsisi

• Nahahalina ang mga banal na espiritu na paliwanagan sila

• Natutuwa sila na may nagmamalasakit para sa kanila

Answer explanation

287. Maaari bang dahil sa ating pagdalangin para sa kaluluwa ng mga taong namatay na, ay kung sakaling sila’y naghihirap at nasa kadiliman ay mabawasan o mapaikli ang kanilang mga tiisin?

Hindi po, sapagkat ang katarungan ng Diyos ay malalabag kung ipahihintulot ito.

288. Wala bang naitutulong sa mga espiritung ito ang ating mga panalangin para sa kanila?

Mayroon po, at malaki. Ang ating mga panalangin ay umaakit ng mga banal na espiritu at ang mga ito ang lumalapit sa kanila upang bigyan sila ng kaliwanagan at pag-asa.

289. Ano pang tulong ang nagagawa para sa kanila ng ating mga panalangin?

Nagkakaroon sila ng malaking kaaliwan sa pagkaalam na may mga nagmamahal at nagmamalasakit sa kanila.

290. Ano ang nagiging bunga nito sa kanila?

Nahihikayat silang magsisi na sa kanilang mga kasalanan at maghangad na magpakabuti na.

Tags

Panalangin Para Sa Mga Espiritu

I-tsek ang lahat ng dahilan kung bakit biyaya sa kaluluwa ang karamdaman ng laman.

• Nagigising nito ang kanyang pananampalataya

• Kaparaanan ito ng pagbabayad-utang

• Natutuklasan ng Diyos ang kanyang katatagan

• Nauuntag ang tao para magbalik-loob sa Diyos

Answer explanation

561. Bakit biyaya sa kaluluwa ang karamdaman?

Sapagkat ito ay kaparaanan ng pagbabayad-utang. Kaparaanan din ito upang mauntag ang tao at magbalik-loob sa Diyos. Nakagigising ito ng kanyang pananampalataya.

28. Mangyaring ipaliwanag ang ukol sa karunungan.

Ang lahat ng mga bagay ay nalalaman ng Diyos.

Tags

Biyaya ng Karamdaman

Maari raw mailagan ang masamang balik ng ating mga pagkakasala o pagkaka-utang. Paano natin magagawa ito?

Answer explanation

510. Ano ang pagkakaiba ng dalawang ito?

Ang pagbabayad-mangmang ay ang paghihintay ng maniningil ng utang. Ang pagbabayad-matalino’y ang kusang paglapit at pagbabayad sa pinagkakautangan.

511. Mangyaring ipaliwanag ito.

Huwag na nating hintayin pa ang pagdating ng hindi magagandang mga pangyayari na bunga ng mga nagawa nating masama. Mauna na tayong gumawa ng mabuti upang huwag nang sapitan ng mga ito.

513. Kung gayon ay maiilagan naman pala ang masamang dapat ay bumalik sa atin?

Opo, kung marunong tayong umilag.

Tags

Dalawang Uri Ng Pagbabayad-utang

Paano natin maalis ang masasamang alitigtigin na pinagmumulan ng sakit?

Answer explanation

540. Paano natin maaalis ang masasamang alitigtigin?

Kailangang palitan natin ang mga ito ng mabubuting alitigtigin.

Tags

Mga Alitigtigin Ng Tao

Alin sa mga sumusunod na kaparaanan ang ginagamit ng mga espiritu upang makamahayag sa pamamagitan ng mga katog?

• psicografia

• parlante

• aparato

• tiptologia

• aporte

Answer explanation

767. Sa mga anong kaparaanan nakapamamahayag ang mga espiritu sa pamamagitan ng mga medium?

Marami pong kaparaanan, tulad ng sumusunod:

(1) sa pagsulat o psicografia

(2) sa pangitain o videncia

(3) sa pagpaparinig o audicion

(4) sa pagsasalita o parlante

(5) sa katog o tiptologia

(6) sa mesang may puntero at mga letra, o aparato

(7) sa pagpapakilos o pagpapadala ng mga bagay nang walang humahawak, o aporte

(8) sa pagpapaisip, o inspiracion at intuicion

Tags

Mediumnidad