PAMBANSANG KITA

1. Alin sa sumusunod na pahayag ang naglalarawan sa per capita income?

• a. kinita ng mga manggagawang Pilipino na naghahanapbuhay sa ibang bansa at mga dayuhan na nagtatrabaho sa loob ng bansa.

• b. kita ng bawat mamamayan batay sa pantay na paghahati-hati ng pambansang kita sa buong populasyon.

• c. pinagsama-samang gastusin mula sa iba't ibang sektor ng ekonomiya.

• d. mga produkto na ginawa sa loob ng isang bansa na hindi tinitingnan ang pagkamamamayan sa loob ng isang taon.

2. Alin sa sumusunod na sitwasyon ang maaaring isaman sa final expenditure approach sa pagkukuwenta ng GNP o GNI?

• a. ang mga binayaran sa pag-angkat ng langis mula sa Arabia.

• b. ang halagang naidagdag sa paggawa ng wheat bread.

• c. ang kita ng Alice mula sa kaniyang kompanya.

• d. ang gastos ng pamahalaan sa pamimigay ng mga ayuda.

3. Anong pamamaraan ang ginagamit sa pagkuha ng GNP o GNI kung isasama ang pambansang kita?

• a. net primary income from abroad

• b. factor income approach

• c. final expenditure approach

• d. industrial origin approach

4. Alin sa sumusunod ang TAMA tungkol sa nominal GNP o GNI?

• a. Kabuoang produksiyon na tinatantiya ayon sa kakayahan ng mga salik ng produksiyon.

• b. Halaga ng kabuoang produksiyon batay sa naging episyenteng mga salik ng produksiyon.

• c. Halalga ng kabuoang produksiyon na nakabatay ang presyo sa nagdaang taon.

• d. Halaga ng kabuoang produksiyon na nakabatay ang presyo sa kasalukuyang presyo sa pamilihan.

5. Saan kabilang ang mga gastusin na may kinalaman sa pagbili ng mga mamamayan ng kanilang mga pangangailangan?

• a. gastusin ng pamahalaan

• b. gastusin ng personal na sektor

• c. gastusin ng panlabas na sektor

• d. gastusin ng kompanya

6. Alin sa sumusunod na sitwasyon ang dapat isama sa pagkukuwenta ng GNP o GNI ng ating bansa?

• a. Ang produkto na pampaganda mula sa bansang South Korea ay bahagi ng GNP o GNI.

• b. Ang kape na ibinenta sa bansa mula Colombia ay bahagi ng ating GNP o GNI.

• c. Ang kita na ibinibenta sa bansa mula Colombia ay bahagi ng ating GNP o GNI.

• d. Ang damit ng batik mula Indonesia ay kabilang sa ating GNP o GNI.

7. Bakit mahalaga ang pagkuha at pag-alam sa GNP o GNI ng bansa?

• a. Ito ay nagpapakita ng dapat matanggap na kita ng bawat mamamayan.

• b. Ito ay nagpapakita ng mga impormasyon tungkol sa kahirapan sa bansa.

• c. Ito ay nagpapakita ng mga konsumo ng bawat mamamayan.

• d. Ito ay nagpapakita ng paglago o pagbaba ng ekonomiya ng bansa.

8. Ano ang kahalagahan ng Lorenz curve sa pag-aaral ng ekonomiya ng bansa?

• a. Ito ay nagpapakita ng pagdami ng populasyon sa bansa.

• b. Ito ay nagpapakita ng kabuoang kalagayan ng ekonomiya ng bansa.

• c. Ito ay nagpapakita ng kalagayan ng pamamahagi ng kita.

• d. Ito ay nagpapakita ng pambansang kita ng bansa.

9. Paano malalaman o makukuha ang pambansang kita o national income?

• a. pagsasama-sama ng mga kita ng mga sektor ng ekonomiya.

• b. paghahati ng mga kita ng mga sektor sa buong populasyon.

• c. pagbabawas ng kita sa gastusin ng mga sektor ng ekonomiya.

• d. pagsama-sama ng GDP at bilang ng populasyon.

10. Paano makukuha ang GNP gamit ang industrial income approach?

• a. Pinagsasama-sama ang kita ng mga OFW at mga dayuhan sa bansa.

• b. Pinagsama-sama ang mga naidagdag na halaga mula sa mga agrikultura, industriya, at serbisyo na sektor ng ekonomiya.

• c. Pinagsasama-sama ang pambansang kita, capital consumption allowance, at indirect business taxes.

• d. Inaalam at kinukuwenta ang mga gastusin ng mga sektor na tumatanggap ng kita.