Tayahin ang kaalaman

Ang nagbabantay sa kanila ay nakasakay sa likod ng kabayo at itinuturo ang mga aliping mabagal magtrabaho. Hinahampas ng latigo ang mga mabagal sa gawain upang maging mabilis ang kanilang paggawa. Anong damdamin ang nangibabaw sa iyo sa mga pahayag na ito?

• pagkaawa

• pagkagalit

• pagkainis

• pagkatuwa

Mula sa Matrilinear ay mabilis na nagbago ang pamamahala at pagsasalin ng trono patungo sa Patrilinear. Dahil dito, ang trono ng Pate sa Kenya ay pinamahalaan ng __________.

• kababaihan

• kalalakihan

• dugong maharlika

• matatanda sa lipunan

Ito ang katangian ni Liongo na nagpapatunay na siya ay tauhan sa isang akdang mitolohiya.

• sikat na makata

• mahusay pumana

• matipuno ang katawan

• mataas tulad ng higante

Piliin ang pinakaangkop na salin ng kasabihan sa Ingles na, “Health is wealth”.

• Ang malusog ay mayaman

• Ang kalusugan ay kayamanan

• Daig ng malusog ang mayaman.

• Mas mahalaga ang yaman kaysa kalusugan.

Piliin ang pahayag na hindi naglalarawan sa mitolohiya bilang akdang pampanitikan.

• Tumatalakay sa kultura at sa mga diyos o bathala

• Kuwento ng mga tao at ng mga mahiwagang nilikha

• Nagsasaad ng saloobin o pananaw ng may-akda tungkol sa mga bagay-bagay

• Tradisyunal na salaysay na isinilang mula sa sinapupunan ng kultura ng tradisyong oral

Ang sumusunod ay mga pangyayari sa akdang tinalakay na nagpapatunay na ito ay halimbawang mitolohiya maliban sa isa

• Hindi siya nasusugatan ng ano mang armas

• Malakas at mataas din siya tulad ng isang higante.

• Kung siya’y tatamaan ng karayom sa kaniyang pusod ay mamamatay siya

• Si Liongo ang nagmamay-ari ng karangalan bilang pinakamahusay na makata sa kanilang lugar

Ito ay tumutukoy sa paglilipat sa pinagsalinang wika ng pinakamalapit na katumbas nadiwaat estilong nasa wikang isasalin.

• pagkiklino

• pagpapakahulugan

• pagsasaling-wika

• pagsusuring-wika

Ang sumusunod ay mga pamantayan o gabay sa pagsasaling-wika maliban sa isa.

• Basahin at suriing mabuti ang pagkakasalin

• Isaisip na ang isasalin ay diwa ng isasalin at hindi salita.

• Manirahan sa bansang pinagmulan ng wikang isasalin o pagsasalinan.

• Rebisahin ang salin upang ito’y maging totoo sa diwa ng orihinal

Piliin ang pinakaangkop na salin ng salawikain sa Filipino na, “Kung ano ang itinanim ay siya rin ang aanihin”.

• What you sow is what you reap

• Plant today and you will harvest later

• If you plant a seed, it will grow to a tree.

• If you plant a tomato, you will harvest a tomato.

Sa binasang mitolohiya, paano nakatakas si Liongo sa kulungan?

• Pinatawad na siya ni Haring Ahmad

• Nalinlang niya ang bantay sa bilangguan.

• Tinulungan siya ng mga tao sa labas ng kulungan

• Nakawala siya sa tanikala nang hindi nakikita ng bantay habang inaawit ang isang pagpupuri