FILIPINO 4 EXAM

Ang Sapatero at ang mga Duwende

May isang sapatero na ubod nang hirap at may materyales lamang para sa isang pares na sapatos. Isang gabi ginupit na niya at inihanda ang mga materyales upang gawin niya sa umaga ang sapatos. Anong laking gulat niya nang magisnan niya kinaumagahan na yari na ang pares ng sapatos at kay husay pa ng pagkakagawa. Madali niyang naipagbili ito at nakabili siya ng materyales para sa dalawang pares. Inihanda niyang muli ang kaniyang gagamitin para sa kinabukasan. Paggising niya sa umaga, nakita niyang yari na ang dalawang pares ng sapatos. Mabilis na ulit niyang nabenta. Ganoon na naman ang nangyari. Tila may tumutulong sa kaniya sa paggawa. Naging maganda ang pamumuhay ng sapatero. "Sino kaya ang mabait na tumutulong sa atin?" tanong niya isang araw sa kaniyang asawa. Napagkasunduan nilang mag-asawa na subukan kung sino ang mabait na tumutulong sa kanila. Kinagabihan, nagtago sila sa likod ng makapal na kurtina. Nakita nila ang mga duwende. "Mga duwende pala! Paano kaya natin sila mapasasalamatan?" wika ng sapatero. "Hayaan mo igagawa ko sila ng mga damit," sambit ng asawa.

Kinabukasan, inilagay nila sa lugar na makikita ng mga duwende ang mga damit. Tuwang-tuwa ang dalawang duwende sa damit na ibinigay sa kanila. Pagkatapos gawin ang mga sapatos, mabilis na tumalon sa bintana ang mga duwende. Mula noon hindi na bumalik ang dalawang duwende ngunit nagpatuloy naman ang swerte sa buhay ng mag-asawang marunong gumanti ng utang na loob.

 

Sagutin ang mga tanong batay sa pinakinggang kuwento. Piliin at isulat ang titik ng tamang sagot.

 

1. Sino ang tinutukoy na ubod nang hirap sa kuwento?

• mangingisda      

• magsasaka   

• sapatero

2. Ano lamang ang mayroon siya?

• isang net para sa panghuhuli ng isda

• mga binhi para sa pagtatanim ng palay

• materyales para sa isang pares na sapatos

3. Ano ang kaniyang nagisnan isang umaga?

• Sira-sira ang net para sa pangingisda.

• Tumubo na ang mga binhi ng palay.

• Nayari na ang pares ng sapatos.

4. Dahil sa paulit-ulit na nangyayari, ano ang naisip niya?

• Nais niyang sorpresahin ng kaniyang anak.

• May tumutulong sa kaniya.

• Baka sinusubukan ang katapatan niya

5. Ano ang nakita ng mag-asawa?

• isang anghel  

• dalawang duwende    

• tatlong lalaki

Piliin ang angkop na reaksiyon sa ikinilos ng tauhan o ng pangyayari.

6. Sumabog ang balutan ng kasabay mong matanda.

• Tutulungan ko siya

• Sasawayin ko siya.

7. Magkikita kayo ng iyong kaibigan pagkalipas ng limang taon.

• Manghihinayang ako.

• Masasabik ako.

Alin ang tamang gawain para ipakita ang pagmamahal sa bansa at sa kababayan? Piliin ang iyong sagot.

8. Nag-aaway ang isang banyaga at isang kamag-aral mong Pilipino.

• Pagagalitan ko ang Pilipino dahil nakakahiya sa banyaga.

• Aawatin ko sila at walang kakampihan sa kanila.

Alin ang tamang gawain para ipakita ang pagmamahal sa bansa at sa kababayan? Piliin ang iyong sagot.

9. Isa kang doktor. May alok na trabaho sa lyo sa ibang bansa na magbibigay sa iyo ng malaking kita.

• Mabilis ko iyong tatanggapin.

• Hindi ko iyon tatanggapin.

Tukuyin ang pang-uring panlarawan sa pangungusap.

10. Ang mga mag-aaral ay masigasig sa pag-aaral.

• mag-aaral

• masigasig