Pagbabaybay Blg. 1

1. Ito ay nagsasaad ng maramihang bilang ng mga tao o mga bagay.

• a. libu-libo  

• b. libo-libo

• c. libulibo    

• d. libolibo

2. Ano ang kasingkahulugan ng salitang lakas?

• a. pwersa

• b. pwirsa

• c. puwersa

• d. fuwersa

3. Ito ang pasulat na utos sa bangko para bayaran ng salapi ang tao o entidad sa halagang nakasaad dito, karaniwang nakalimbag sa istandard na sukat.

• a. cheke

• b. tseke

• c. tsike        

• d. chike

4. Ito ay kulumpon ng ulap na nilalabasan ng sinag na may kolokyal na kahulugan na isang baklang pumapatol sa kapuwa lalaki at babae.

        

• a. silahes 

•   b. celajis  

•    c. silahis

• d. selahis

5. Ito ay paraan o proseso ng pagpapahayag, pagbabahagi, o pagpapalitan ng idea, damdamin at impormasyon.

           

• a. komunikasiyon

• b. kumonikasyon

• c. komunikasyun

• d. komunikasyon

6. Ito ay kakayahan ng isip na bumuo ng mga imahen o konsepto ng mga panlabas na bagay na hindi umiiral o hindi totoo.

        

• a. har-aya     

•     b. haraya          

•      c. haray-a 

•      d. harayah

7. Ano ang akmang salin ng salitang Ingles na license?

• a. lisensiya    

•    b. lisinseya       

•    c. lisensya    

• d. laysens

8. Ang pook na nasasakop o nasasaklaw.

• a. sowna  

• b. sona  

• c. zona 

•   d. suna

9. Bagay na pang-ilaw na yarì sa allid at sebo, at may mitsa sa pinakagitna.

• a. candel        

• b. kandilla   

• c. kandila     

• d. candila

10. Nangangahulugan sa wikang Espanyol na “bakit.”

• a. porke     

•      b. porqe             

•        c. purke   

• d. porki

Answer explanation

TUNTUNIN SA WASTONG PAGBABAYBAY BILANG 1

ARALIN 1: Pagbabaybay na Pasulat

( Bagong Hiram na Salita at Lumang Salitang Español

4.2 Bagong Hiram na Salita. Ginagamit din ang walong dagdag na titik sa mga bagong hiram na salita mulang Espanyol, Ingles, at ibang wikang banyaga. Tandaan: mga bagong hiram. Ang ibig sabihin, hindi kailangang ibalik sa orihinal na anyo ang mga hiram na salitang lumaganap na sa baybay ng mga ito alinsunod sa abakada. Halimbawa, hindi dapat ibalik ang F ng orihinal na forma sa Espanyol dahil ginagamit nang matagal ang pórma pati ang mga deribatibo nitóng pormál, impormál, pormalísmo, pormalidád, depormidád, atbp. Hindi rin dapat ibalik ang pírma sa firma, ang bintanà sa ventana, ang kálye sa calle, ang tséke sa cheque, ang pinyá sa piña, ang hamón sa jamon, ang eksisténsiyá sa existencia, ang sapátos sa zapatos.

 

4.3 Lumang Salitang Espanyol. Mahalagang mohon hinggil sa mga lumang salita mulang Espanyol ang mga nakalista sa Diccionario Tagalog-Hispano (1914) ni Pedro Serrano-Laktaw hanggang sa mga entri sa Diksyunaryo Tesauro Pilipino-Ingles (1972) ni Jose Villa Panganiban. Nakatanghal sa inilistang mga lumang hiram na salita mulang Espanyol ang naganap na pagsasaabakada ng mga tunog na banyaga gayundin ang pagbaluktot sa anyo ng mga orihinal na salita, gaya sa bakasyón (vacacion), kabáyo (caballo), kandilà (candela), puwérsa (fuerza), letsón (lechon), lisénsiyá (licencia), sibúyas (cebolla+s), siláhis (celaje+s), sóna (zona), kómang (manco), kumustá (como esta), pórke (por que), at libo-libo pa sa Bikol, Ilokano, Ilonggo, Kapampangan, Pangasinan, Sebwano, Tagalog, Waray, at ibang wikang katutubo na naabot ng kolonyalismong Espanyol.

 

Sanggunian:

KWF manual sa masinop na pagsulat / Virgilio S. Almario, punong editor. --

 Quezon City : Komisyon sa Wikang Filipino, c2014.