PANGANGALAGA SA KALIKASAN

Ano ang pangunahing dahilan kung bakit kailangan ng tao na pangalagaan ang kalikasan?

• Responsibilidad itong ipinagkatiwala sa kaniya na dapat niyang gampanan.

• Ang kalikasan ay kakambal ng kaniyang pagkatao; ito ang bubuhay sa kaniya at bilang kapalit, kailangan niya itong alagaan at pahalagahan.

• Sa kalikasan nakadepende ang hinaharap ng tao dahil sa biyayang taglay nito.

• Sa kalikasan nanggagaling ang mga materyal na bagay na bumubuhay sa kaniya.

Paano ipinapakita ng tao na pinahahalagahan niya ang kalikasan sa mga bagay na kaniyang ginagawa?

• Gumagawa ng mga paraan upang matulungan ang sarili at ang kaniyang kapuwa na maiwasan ang pagkawasak ng kalikasan sa pagtamo ng kaunlaran.

• Nakikiisa sa mga programang nagsusulong ng industriyalisasyon gaya ng road widening at earth balling.

• Nagpapatupad ng mga batas na ayon sa pangangailangan ng kalikasan na ipinagkatiwala sa kaniya.

• Ginagawa ang tungkulin bilang isang mamamayang tagapangalaga ng kalikasan kahit na ito ay mapag-iwanan ng pag-unlad at panahon.

Ano ang maaaring epekto ng global warming?

• Magiging madalas ang pag-ulan, pagguho ng lupa at pag-init ng panahon.

• Matutunaw ang mga yelo, lalawak ang dagat at magkakaroon ng malawakang pagbaha.

• Unti-unting mababawasan ang bilang ng tao dahil sa gutom at mga trahedyang mangyayari.

• Unti-unting mararamdaman ng tao ang pag-iiba ng klima na maaaring magdulot ng pinsala sa buhay at ari-arian.

Paano mo isasagawa ang programang magsusulong ng pangangalaga ng kalikasan?

• Hihikayatin ang bawat indibidwal na magtanim at makiisa sa isang gawaing makakalikasan.

• Ipapatupad ang batas sa pamamagitan ng dagdag na multa sa bawat paglabag.

• Magkaroon ng takot sa batas at sa Diyos na nagbigay ng kalikasan.

• Makikipag-ugnayan at gagawa ng isang komprehensibong pag-aaral upang makapagsagawa ng isang gawaing pangkalikasan.

Ano ang paraan na maaaring gawin ng isang simpleng mamamayan bilang tagapamahala at tagapangalaga ng kalikasan?

• Magpatupad ng mga batas.

• Maging mapagmasid at matapang sa pakikipaglaban para sa bayan.

• Magtapon ng basura sa tamang tapunan.

• Magkaroon ng pagkukusa at maging disiplinado.

Ang kalikasan ay tumutukoy sa ________.

• Lahat ng mga salik na tumutugon sa pangangailangan ng mga nilalang na may buhay.

• Lahat ng nakapaligid sa atin.

• Lahat ng nilalang na may buhay.

• Lahat ng bagay na nagpapayaman sa tao.

Kung bibigyan ka ng pagkakataon na gumawa ng isang bagay na makakaya mo para sa kalikasan, alin sa sumusunod ang iyong gagawin?

• Maging mapanuri at magkukusa sa mga gawaing kailangan ako.

• Gagawa ng mga programang susundan ng baranggay upang makatulong ng malaki.

• Magdarasal para sa bayan.

• Lilinisin ang Ilog Pasig at sasali sa mga proyektong lilikom ng pondo para sa Ilog Pasig.

Ang pagiging tagapangalaga ng kalikasan ay nangangahulugang ___

• Paggamit sa kalikasan na hindi isinasaalang-alang ang iba.

• Paggamit sa kalikasan ng may pananagutan.

• Paggamit sa kalikasan na naaayon sa sariling kagustuhan.

• Paggamit sa kalikasan ng walang pakundangan.

Ang sumusunod ay maling pagtrato sa kalikasan, MALIBAN sa isa.

• Pagtatapon ng basura sa mga anyong tubig.

• Pagsusunog ng basura.

• Hindi maayos na pagtatapon ng basura.

• Paghiwa-hiwalay ng basura bilang nabubulok at di nabubulok.

Alin sa sumusunod ang nagpapakita ng paggamit sa kalikasan bilang isang kasangkapan?

• Pagpuputol ng puno at pagtatanim muli ng mga bagong binhi.

• Paggamit ng lupain na may pagsasaalang-alang sa tunay na layunin nito.

• Pagkamalikhain at responsibilidad sa gagawing pagbabago sa kapaligiran.

• Malawakang paggamit ng mga kemikal upang makakuha ng maraming ani.