MAIKLING PAGSUSULIT SA FILIPINO BAITANG 10

1. May taglay siyang alindog na hindi nababagay sa kasalukuyan niyang kalagayan kaya’t ipinaghihinagpis niya ang karukhaan ng kaniyang lumang tahanan.

Nasa anong kayarian ang nasalungguhitang salita sa pangungusap?

• inuulit

• maylapi

• payak

• tambalan

Alin sa sumusunod ang nagpapakita ng wastong klino mula sa pinakamataas na lebel hanggang sa mababang lebel?

• asar – inis – galit – poot

• galit – poot – inis – asar

• inis – asar – galit – poot

• poot – galit – inis – asar

Nakatatakot ang malakas na kulog at kidlat sa gabi.

Ano ang gamit ng nasalungguhitang pandiwa sa pangungusap?

• aksiyon

• karanasan

• layon

• pangyayari

Nagsasayaw sa entablado ang mga bata habang tumutugtog ang banda.

Ano ang gamit ng nasalungguhitang pandiwa sa pangungusap?

• aksiyon

• karanasan

• layon

• pangyayari

Alin sa sumusunod ang nagpapahayag ng tunay na pagmamahal batay sa mitolohiyang “Cupid at Psyche?”

• Sinasamba ng mga tao ang kagandahan ni Psyche.

• Hinarap ni Psyche ang mga pagsubok ni Venus para sa pagmamahal niya kay Cupid.

• Nang magkasala si Psyche kay Cupid ay binalak niyang magpakamatay sa labis na pagsisisi.

• Pinayuhan si Psyche ng kaniyang mga kapatid kung paano makaliligtas sa halimaw na asawa.

Sapagkat si Psyche ay isang imortal, hindi na ito maninirahan sa daigdig kaya’t wala ng suliranin si Venus.

Ano ang ipinahihiwatig ng pahayag na ito?

• Hindi kayang bantayan ni Venus si Psyche.

• Mababawasan na ang kagandahan ni Psyche.

• Hindi na maiinggit si Venus kay Psyche dahil hindi na ito mortal.

• Wala ng kaagaw si Venus sa paghanga ng tao sa kaniyang kagandahan.

Naglakbay si Psyche at pilit na kinukuha ang panig ng mga diyos kaya’t siya’y palagiang nag-aalay nang marubdob na panalangin sa mga diyos.

Anong paniniwalang Pilipino ang maaaring maiugnay sa bahagi ng akda?

• Iniaalay ang sarili bilang kabayaran kapag nagkasala.

• Pagbibigay-alay para sa mga kaluluwa at ‘di nakikitang nilalang.

• Marami ang umaasa na mapagbibigyan ang anumang kahilingan.

• Bukal sa kalooban ng isang Pilipino na magpakasal sa isang imortal.

Ang bawat kahilingan ni Psyche ay palaging napagbibigyan ni Cupid gaya ng pakikipagkita ng asawa sa mga kapatid nito kahit pa ito ay makapagpapahamak sa kaniya.

Anong katangian ng tauhang si Cupid ang ipinakikita sa itaas?

• maawain

• mapagkumbaba

• matiyaga

• maunawain

“Hindi mabubuhay ang pag-ibig kung walang pagtitiwala.”

Alin sa sumusunod ang HINDI kaugnay ng pahayag sa itaas?

• Walang pag-ibig kung walang tiwala.

• Titibay ang pag-ibig kung may pagtitiwala.

• Hindi wagas ang pag-ibig na ipinagkatiwala.

• Ang pag-ibig at tiwala ay hindi mapaghihiwalay.

Bakit maituturing na simboliko ang ilaw sa kuwentong pag-ibig nina Cupid at Psyche?

• Sinisimbolo nito ang katapangan ni Cupid.

• Nagpapakita ito ng lihim na kagandahan ni Psyche.

• Representasyon ito ng pagtataksil ni Psyche sa kaniyang kabiyak.

• Nagpapahayag ito ng kahalagahan ng kaalaman sa pagtuklas sa kalikasan ng pag-ibig.