ECONOMICS QUARTER 3 ASSESSMENT

Ano ang positibong epekto ng pagpapatupad ng patakarang piskal?

• Mapanatili ang kaayusan sa paggasta at pagbubuwis ng pamahalaan.

• Mapataas ang antas ng implasyon sa isang bansa.

• Mapababa ang pagbibigay ng oportunidad sa paghahanapbuhay.

• Mapababa ang tunay na halaga ng salapi.

Answer explanation

Ang tamang sagot na "Mapanatili ang kaayusan sa paggasta at pagbubuwis ng pamahalaan" ay nagpapakita ng positibong epekto dahil ito ang pangunahing layunin ng patakarang piskal, ang paggamit ng pera at buwis upang kontrolin at pangasiwaan ang ekonomiya ng isang bansa. Samantalang ang ibang mga pahayag ay nagpapakita ng negatibong epekto na maaaring mangyari dulot ng hindi tamang patakarang piskal.

Alin sa mga sumusunod ang HINDI layunin ng patakarang pananalapi?

• Kontrolin ang suplay ng salapi sa sirkulasyon.

• Masigurong matatag ang ekonomiya.

• Magbigay ng mas maraming oportunidad sa mamamayan bunsod ng matatag na pamamahala sa pananalapi ng bansa.

• Magbigay ng oportunidad sa gobyernong gumasta at itaas ang buwis.

Answer explanation

Hindi kabilang sa layunin ng patakarang pananalapi ang magbigay ng oportunidad sa gobyernong gumasta o itaas ang buwis. Bagamat ang mga ito ay bahagi ng sistema ng pananalapi, hindi ito ang maituturing na layunin kundi ang pangangalaga at pagpapabuti sa kabuuang kalagayan ng ekonomiya at lipunan na ipinakikita sa mga natitirang opsyon ng mga sagot.

Ano ang dahilan ng pagpapatupad ng contractionary monetary policy? 

• Mabawasan ang paggasta ng sambahayan.

• Mabigyan ang mga namumuhunan ng oportunidad na gumasta.

• Mahikayat ang mga negosyanteng palakihin ang kanilang negosyo.

• Mahikayat ang mga negosyanteng magbukas ng bagong negosyo.

Answer explanation

Ang contractionary monetary policy ay isang patakaran at hakbang ng gobyerno na layuning bawasan ang dami ng pera sa sirkulasyon sa ekonomiya. Sa tanong na ito, ang tamang sagot ay "Mabawasan ang paggasta ng sambahayan" dahil habang mas kaunti ang perang ginagastos sa mga produkto o serbisyo, nababawasan din ang pera sa sirkulasyon. Samantalang ang ibang opsyon ay nagpapakita ng expansionary monetary policy na nilalayon namang pataasin ang suplay ng pera.

Anong uri ng patakaran ng pamahalaan o hakbang ang isinasagawa ng isang bangko sentral na may kaugnayan sa pangangasiwa at pagkontrol ng suplay ng pera sa ekonomiya ng bansa?  

• Monetary Policy

• Capital Formation

• Savings Rate

• Deposit Insurance

Answer explanation

Ang Monetary Policy ay tumutukoy sa mga hakbang na ginagawa ng isang bangko sentral katulad ng Bangko Sentral ng Pilipinas para pamahalaan ang pera at pananalapi sa bansa. Ang Capital Formation naman ay isang proseso ng paglikha at pag-ambag ng mga bagay na maaaring gamitin sa produksyon, tulad ng makinarya at iba pa. Samantalang ang Savings Rate ay ang porsyento ng kita ng isang indibidwal o bansa na iniipon o hindi ginastos. At ang Deposit Insurance naman ay proteksyon na ibinibigay ng gobyerno o institusyon sa mga deposito ng tao sa bangko laban sa pagkawala ng pera.

Mula sa mga kahulugan ng nasabing mga konsepto, ang tamang sagot sa tanong na ito ay Monetary Policy.

Alin sa mga sumusunod ang naglalarawan sa mga bangkong itinatag at pinapatakbo ng pamahalaan na may layuning suportahan ang mga sektor na may mahalagang papel sa pag-unlad ng ekonomiya?

• Commercial Banks

• Thrift Banks

• Insurance Companies

• Specialized Government Banks

Answer explanation

Ang Commercial Banks ay tumutukoy sa mga institusyong pinansyal na nagbibigay ng iba't ibang serbisyong pangbangko tulad ng pag-iimpok, pautang, credit cards, at iba pa para sa mga indibidwal, negosyo at ibang institusyon. Ang Thrift Banks naman ay kadalasang nagbibigay ng serbisyo sa mas mababang interest rates. Samantalang ang Insurance Companies ay mga kumpanyang nag-aalok ng mga kontrata upang protektahan ang mga indibidwal o negosyo laban sa mga hindi inaasang pangyayari tulad ng aksidente, sakit o kamatayan. At ang Specialized Government Banks naman ay mga bangko na pag-aari o pinapatakbo ng pamahalaan na nakatuon sa pagsuporta o pagsasagawa ng mga espesyalisadong layunin o pangangailangan ng ekonomiya.

Kaya naman sa tanong na ito, ang Specialized Government Banks ang tamang sagot.

Ano ang maaaring epekto ng pagtataguyod ng patakarang pananalapi na may malaking alokasyon para sa edukasyon sa pangkalahatang kaalaman at kasanayan ng mamamayan?

• Magkakaroon ng mas maraming oportunidad para sa trabaho.

• Magiging mas mataas ang antas ng kriminalidad.

• Magkakaroon ng mas mataas na antas ng kahusayan sa trabaho.

• Mapapabilis ang pagtaas ng halaga ng lokal na produkto.

Answer explanation

Ang pagbibigay ng malaking alokasyon ng pondo para sa edukasyon ay magbibigay daan sa pagkakaroon ng mga makabagong teknolohiya, kagamitan sa paaralan, at iba pang mga learning resources na magbibigay ng mas malawak at malalim na kaalaman sa mga mag-aaral. Samakatuwid, sa pamamagitan nito maraming oportunidad ang mabubuksan para sa mga mamamayan na mapalawak ang kanilang kaalaman at kasanayang kailangan sa trabaho. Magreresulta ito na magkaroon ng mas mataas na antas ng kahusayan sa trabaho, kaya ito ang angkop na sagot sa tanong na ito.

Ayon sa analisis ng mga ekonomista, ano ang mga positibong epekto ng patakarang pananalapi sa pag-unlad ng ekonomiya ng isang bansa?

• Lumilikha ito ng mas maraming trabaho para sa mamamayan.

• Nagbibigay ito ng mga programang pangkabuhayan tulad ng conditional cash transfer.

• Pinapadali nito ang proseso ng pag-import at pag-export ng kalakal.

• Makakatulong ito sa pagpapababa ng presyo ng mga pangunahing bilihin.

Answer explanation

Ang tamang sagot sa tanong na ito ay "Lumilikha ng mas maraming trabaho para sa mamamayan." Ito ay dahil ang maayos at epektibong patakarang pananalapi ay nagdudulot ng mga kondisyong nakalilikha ng mga oportunidad sa trabaho, katulad ng pagpapalakas ng ekonomiya, suporta sa negosyo dahil sa pagtaas ng produksyon nangangahulugan ring pagdadagdag ng trabaho upang matugunan ang mas mataas na pangangailangan at iba pang institusyon.

Nakatanggap ka ng bonus mula sa kumpanyang iyong pinagtatrabahuhan dahil sa iyong pinakitang dedikasyon sa trabaho. Bagamat naiisip mong bilhin ang isang flatscreen TV na madalas mong nakikita sa mga palabas, mas pinili mong itabi ang pera sa bangko para sa mga susunod mong pangangailangan. Anong aksyon ang iyong ipinakita sa sitwasyong ito?

• Pag-iimpok

• Pagkonsumo

• Pangungutang

• Pagtitipid

Answer explanation

Ang pag-iimpok ay nangangahulugang pagtatabi ng pera o anumang uri ng halaga para sa hinaharap. Ang pangungutang ay paghiram ng pera o halaga sa iba na kailangang bayaran sa hinaharap. Ang pagkonsumo naman ay paggamit ng pera sa pamamagitan ng pagbili ng mga produkto o serbisyo upang matugunan ang pangangailangan at kagustuhan. At ang pagtitipid ay pagpapababa sa halagang igagastos.

Sa sitwasyong ito, dahil mas pinili mong itabi ang pera sa bangko kaysa gumastos para sa isang flatscreen TV ikaw ay nagpakita ng pag-iimpok.

Alin sa mga sumusunod na sitwasyon ang nagpapakita ng angkop na ugnayan sa pagitan ng kita, pagkonsumo at pag-iimpok?

• Mula sa sahod na natanggap ni Gina ay agad siyang bumili ng bagong modelo ng cellphone.

   

• Hirap bumili ng kaniyang mga pangangailangan si Leo dahil sa hindi sapat na sahod.

• Itinabi ni Krisha sa bangko ang lahat ng kaniyang kinikita para sa kinabukasan ng kaniyang pamilya.

• Mula sa sahod ni JM ay nabibili niya ang kaniyang mga pangangailangan at nakakapagtabi pa siya ng sapat na halaga sa kaniyang bank account.

   

Answer explanation

Sa tanong na ito, ang sitwasyon ni JM ang nagpapakita ng angkop na ugnayan sa pagitan ng kita, pagkonsumo, at pag-iimpok. Sa pamamagitan ng kaniyang sahod (kita) natutugunan niya ang kaniyang pangangailangan (pagkonsumo) at mayroon pa siyang natitirang pera o sapat na halaga para sa kaniyang ipon sa bangko (pag-iimpok).

Ano ang posibleng maging bunga kung ang mamamayan ay may kasanayan sa wastong pag-iimpok?

• Maraming bansa ang mahihikayat na mamuhunan sa Pilipinas dahil saligan ng isang matatag na bansa ang mataas na antas ng pag-iimpok.

• Lalago ang mga salaping inilagak sa bangko dahil sa interes sa deposito.

• Muling babalik sa pamilihan ang salaping inimpok.

• Bibigyan ng pamahalaan ang mga negosyante ng malaking subsidy.

Answer explanation

Ang pinaka angkop na sagot sa tanong na ito ay, "Maraming bansa ang mahihikayat na mamuhunan sa Pilipinas dahil saligan ng isang matatag na bansa ang mataas na antas ng pag-iimpok." Ito ay dahil kapag ang mamamayan ng isang bansa ay may kaalaman at kasanayan sa wastong pag-iimpok, nagreresulta ito sa mas maayos na ekonomiya at mas matatag na sistemang pinansyal, na magiging isang positibong aspeto sa mata ng mga potensyal na mamumuhunan.