LATIHAN USP BAHASA JAWA 2024

Gatekna teks artikel ing ngisor iki!

Ndeleng kaendahan pletheking srengenge ing gunung Bromo mujudake sawijine anugrah kang nyenengake banget. Campuran rupa kuning, orenye, ireng lan biru sing diasilake saka fenomena alam pletheking srengenge bener-bener dadi sesawangan kang endah banget tumrap sapa wae sing nyawang. Kaendahane gunung Bromo pancen wis kondhang nganti tumeka ing manca negara.

Bakune gagasan artikel ing ndhuwur yaiku ....

• Kaendahan pletheke srengenge ing gunung Bromo.

• Plesiran ing gunung Bromo iku nyenengake banget.

• Akeh tinemu maneka fenomena ing gunung Bromo.

• Pletheking srengenge dadi sesawangan kang endah.

• Kaendahane gunung Bromo pancen wis kondhang.

Gatekna perangan teks artikel ing ngisor iki!

Luntas Kuluban kang Kena kanggo Obat

Luntas gandane langu banget. Nanging malah ganda langu mau kang nduweni kasiyat becik kanggo obat sawenehing penyakit. Saliyane ngilangi ganda kringet kang ora enak, godhong luntas uga kena kanggo tamba lara panas, linu-linu merga rematik, lara nalika dilep (bulanan), marakake napsu mangan nambah, mbeciki pencernaan, lan obat njaba kanggo tatu anyar.

Miturut andharane Dra. Emma S. Wirakusuma, MSc, ahli gizi lan kuliner, godhong luntas ndarbeni sipat anti bakteri lan anti oksidan. Godhonge ngandhut zat flavonoid, alkoloid, saponin, terponoid, lan liya-liyane. Iya zat sing diarani bioaktif mau sing marakake godhong luntas duwe zat anti bakteri lan anti oksidan.

Godhong luntas uga ngandhung kalsium akeh, besi, fosfor, vitamin B, vitamin C lan karotein.  Zat karotein iki sing marakake luntas kena kanggo antioksidan, njaga awak saka serangane penyakit sing disebabake dening infeksi bakteri kayata radhang, diare, utawa mencret. Godhong luntas uga bisa kanggo tamba lara panas/ rematik. Carane godhong luntas sacukupe dikukus banjur dienggo lalap nalika mangan.

 

Adhedhasar artikel ing ndhuwur, godhong luntas nduweni maneka paedah. Salah sawijine paedahe godhong luntas, yaiku…

• tamba panu amarga arang adus

• tamba lara untu amarga arang sikatan

• tamba ngelu amarga kepanasen

• tamba lara weteng nalika mens (dilep)

• tamba murus amarga mangan pedhes

Gatekna pethilan teks crita wayang ing ngisor iki!

“Kakang Semar, bebasan nemu kencana sawakul bungah rasane atiku sawise Kakang Semar

kepareng kondur marang Negara Ngamarta.”

“Ah inggih sinuwun, bot-botipun katresnanipun momongan kula para Pandhawa kaliyan kula. E ngantos kula rencangi, e kula niku dadi rebutan. Pancen kabeh-kabeh padha mbutuhake Semar.”

“Kakang Semar!”

“Kula, Sinuwun Mandura.”

“Anggonku manggon ing negara Ngamarta ya wis pirang-pirang dina, jroning atiku, aku ya mung ngenteni rawuhe kyai Semar. Ora tentrem negara Mandura yen ta Kakang Semar durung kondur kumpul klawan para Pandhawa.”

Sing dadi amanat utawa pesen moral jroning crita wayang ing ndhuwur yaiku ....

• pamomong sing adil kuwi ora mbedak-mbedakake momongane

• jejere dadi pamomong kudu milih momongan sing apik-apik wae

• pamomong sing sejati kuwi senenge mung yen lagi dialembana

• pamomong kang sejati iku tansah disenengi dening momongane

• jejere pamomong kudu condhong marang salah sijine momongan

Jroning crita pewayangan ing lakon Brubuh Ngalengka, sing njalari dumadine paprangan antarane raja Ngalengka karo raja Pancawati yaiku merga pokal gawene raja Ngalengka sing ndhusta Dewi Sinta.

Raja garwane Dewi Sinta jenenge ....

• Prabu Matswapati

• Prabu Kumbakarno

• Prabu Destarastra

• Prabu Ramawijaya

• Prabu Dasamuka

Tembung saroja yaiku tembung loro utawa luwih sing duweni teges padha utawa meh padha banjur dienggo bebarengan, ancase kanggo bangetake surasa. Ing ngisor iki kang kalebu tuladha ukara kang migunakake tembung saroja yaiku …

• Andi bocah kang duweni watak andhap asor.

• Esuk sore aku tansah ngenteni sliramu.

• Bocah iku pancen ora duwe isin.

• Ardi duwe sepatu, sepatune warna ireng.

• Dadi siswa kudu sregep anggone sinau.

Tembung entar nduweni teges kang ora salugune. Tembung ing ngisor iki kang kalebu tembung entar yaiku…

• abang kupinge, abang mbranang, bawang brambang, abang ijo

• abang kupinge, empuk rembuge, lunyu ilate, ngangsu kawruh

• empuk rembuge, ijo royo- royo, adil wicaksana, tahu tempe

• lunyu ilate, saya abang, gagah prakosa, gedhe dhuwur

• ngangsu kawruh, rada abang, bapak ibu, tuwa enom

Gatekna paragraf ing ngisor iki!

Kowe aja seneng ngrusak pager ayu. Keluwargane Mas Hadi karo Jeng Evi kae wis katon guyub rukun, rukune pindha mimi lan mintuna. Senajan Mas Hadi wis ora duwe bapa biyung, nanging mara tuwane gati banget lan kalebu wong sugih utawa sabuk galeng. Ora maido, biyen wong tuwane pancen gedhe tekade olehe nyambut gawe nganti direwangi njungkir walik.

Jroning paragraf ing ndhuwur sing kalebu tembung camboran yaiku ....

• guyub rukun; pindha mimi lan mintuna; wong tuwa

• pager ayu; mara tuwa; bapa biyung; wong tuwa

• pager ayu; guyub; rukun; pindha mimi lan mintuna

• pindha mimi lan mintuna; sabuk galeng; gedhe tekade

• bapa biyung; gedhe tekade; guyub rukub; sabuk galeng

Gatekna tembang macapat ing ngisor iki!

Mingkar mingkuring angkara,

Akarana karenan mardi siwi

Sinawung resmining kidung,

Sinuba sinukarta,

Mrih kretarta pakartining ngelmu luhung,

Kang tumrap neng tanah Jawa,

Agama ageming aji.

Gatra “Mingkar mingkuring angkara; mrih kretarta pakartining ngelmu luhung” nggunakake

purwakanthi ....

• lumaksita

• guru swara

• guru basa

• guru wanda

• guru sastra

Kang mbedakake geguritan lan tembang, yaiku......

• geguritan cacahe wanda lan cacahe gatra ana tata aturane.

• geguritan iku olehe maca kudu ditembangake/dilagokake.

• geguritan iku ora kaiket guru gatra, guru wilangan lan guru lagu.

• tembang macapat iku ora nduweni guru gatra, guru wilangan, guru lagu.

• tembang iku nggunakake purwakanthi guru swara ab / ab.

Gatekna tembang macapat ing ngisor iki!

Dhuh anakmas sira wajib angurmati,

marang yayah rena,

aja pisan kumawani,

anyenyamah gawe susah.

Isi bakune tembang macapat ing ndhuwur yaiku ….

• para siswa wajib nurut marang guru.

• kuwajibane guru marang para siswa.

• kuwajibane anak marang wong tuwa.

• wong tuwa wajib nggulawenthah anak.

• anak wajib bekti wong tuwa lan guru.