Ang Maling Edukasyon.. Talata 14-29

1 (Talata 14-15) Ayon sa may-akda, ano raw ang kailangang gawin ng mga edukador ng bansa upang isulong ang pambansang kalayaan?

• lumaban nang patas sa isang mapayapang pagkilos o rebolusyon

• balikan muna at pagmunihan ang sariling paniniwala at pamamaraan ng paghubog sa bayan

• iayon ang edukasyon ng bansa sa iisang modelo: ang edukasyong Amerikano

• magmungkahi ng mga batas na magpapalakas ng nasyonalismo sa mga kabataang Pilipino

2 (Talata 16-17) Ang sumusunod ay mga patunay na may mga 'Pilipinong Di-Pilipino' dahil sa kolonyal na edukasyon, ayon sa paglalarawan ng may-akda, MALIBAN SA...

• handa pa raw tulungan ng Pilipino ang dayuhang nagnanakaw ng ating yaman

• matindi raw ang pagiging tanga ng mga Pilipino na itinuturing na biyaya ang kolonyalismo kaysa parusa

• hinayaan ng mga Pilipino na kontrolin ng dahuyan ang ating ekonomiya

• tinuruan ng yumaong Claro M. Recto ang mga Pilipino kung paano maging malaya

3 (Talata 18-19) Ayon sa manunulat, bakit daw katawa-tawa ang usapin kung epektibo bang gamitin ang wikang katutubo sa pag-aaral? Dahil...

• kontrobersyal daw masyado ang usaping ito.

• nakabatay raw sa husay mag-Ingles ang pagiging epektibo ng edukasyon.

• natural daw sa kahit anong bansa na gamitin ang sariling wika sa pagkatuto.

• mas maraming Pilipino raw ang sang-ayon dito kaysa hindi.

4 (Talata 20) Ayon sa talatang ito, 'wika raw ng demokrasya ang Ingles, at sa paggamit nito, wala nang privileged class...' Alin sa sumusunod ang makatotohanang halimbawa sa kasalukuyan na nagsasabing HINDI totoo o nasunod ang paniniwalang ito?

• mahusay nang mag-Ingles ang mas batang henerasyon

• sukatan pa rin ng pagtanggap sa ilang trabaho ang galing sa Ingles ng isang aplikante

• mas maraming asignatura ang itinuturo sa mga paaralan gamit ang Ingles

• maraming Pilipino ang nagtuturo ng Ingles sa mga dayuhang mag-aaral

5 (Talata 23) Suriin ang talatang ito. Alin sa sumusunod na sitwasyon ang patunay at halimbawang 'hadlang sa demokrasya' ang kawalan ng husay ng masang Pilipino sa Ingles?

• mas maraming kasapi ng masa ang nakapagpapahayag ng saloobin sa Ingles

• mababaw at hindi lubos ang pag-intindi ng masa sa mga usaping pambansa na madalas, nasa Ingles

• kinakausap ng mga politiko ang kapwa sa katutubong wika pero mababaw lamang ito

• kala-kalahati lamang na pag-Iingles ang nauunawaan ng maraming Pilipino

6 (Talata 24-25) Sa pagtalakay ng may-akda sa paghubog ng mga mamamayan ng isang bansa, alin sa sumusunod na kabatiran ang sumusuporta sa ugnayan ng wika sa pag-iisip?

• Hindi instrumental ang wika sa pag-iisip dahil madali namang nakaaayon ang mga Pilipino sa iba't ibang sitwasyon.

• Hadlang ang iba-ibang katutubong wika sa pagkatuto ng mga mag-aaral sa iba't ibang bayan.

• Tama lang na aralin ang wika para lamang makakuha ng mataas ng marka sa mga pagsusulit.

• Sa tulong ng wikang angkop sa konteksto ng mamamayan, nahuhubog nito ang kritikal na pag-iisip ng bayan.

7 (Talata 27) Paano raw magiging 'edukasyong Pilipino' ang sistema ng edukasyon sa bansa, ayon sa talatang ito?

• Gawing batayan ng kurikulum ang internationalized o globalized programs para mahubog pa ang mga Pilipino.

• Alamin ang mga pangunahing kailangan at layunin ng bansa at iayon ito dito.

• Lumikha ng sistemang makapagbibigay ng maraming oportunidad ng trabaho sa mga Pilipino.

• Turuang mabuti ang mga mag-aaral kung paano magbasa, magsulat, magdagdag, at magbawas.

8-10. (Talata 27-29) Piliin ang TATLONG (3) MALINAW na pangwakas na mensahe ng manunulat sa huling bahagi ng teksto.

• Kailangan ang mga mamamayan at pinunong Pilipino sa pagkilos patungo sa nasyonalistikong edukasyon.

• Mahalagang nailalapat ng mga mag-aaral ang natututunan nila upang tulungan ang kapwa at bansa.

• Patuloy na alamin ang mga impluwensya ng Amerikanong edukasyon patungo sa pagtatrabaho sa kanilang bansa.

• Mahalaga ang pagsasaalang-alang natin sa ating sarili bilang bansa dahil walang ibang gagawa nito kundi tayo lamang.