Maikling Pagsusulit

1. Noong panahon na isinusulat ni Rizal ang Noli Me Tangere ay laganap ang pang-aapi ng mga Espanyol sa mga Pilipino. Alin sa sumusunod na kondisyong panlipunan sa panahong isinulat ang nobela na umiiral pa rin hanggang sa kasalukuyan?

• A. malayang pagpapahayag ng damdamin

• B. mahirap na pamumuhay ng mga Pilipino

• C. mahigpit na pamamalakad ng mga may katungkulan

• D. mapagbalatkayong relihiyon na nagpapahirap sa bansa

2. Alin sa sumusunod ang HINDI naglalarawan sa kondisyong panlipunan sa panahong isinulat ang Noli Me Tangere?

• A. Nakatulong ang akda upang gisingin ang natutulog na damdamin ng mga kababayan.

• B. Matutunghayan sa nobela ang kalunos-lunos na kondisyon ng Pilipinas dahil sa pang-aalipin ng mga Espanyol.

• C. Ikinasama ng loob ng maraming Pilipino ang pagkakadamay nila dahil sa nobelang bumabatikos sa mga Kastila

• D. Ang mga karanasan sa sariling bayan ang nagpakilala sa may-akda

3. Isa sa umiiral na kondisyong panlipunan noong panahong isinulat ang nobela ay ang tiwaling pagpapatupad ng sistema sa hustisya. Alin sa sumusunod ang posibleng epekto nito hanggang sa kasalukuyan?

• A. Kawalan ng tiwala sa pagkamit ng katarungan

• B. Patas na pagtingin sa mga mamamayang Pilipino

• C. Pagbaba ng bilang ng krimeng nagaganap sa bansa

• D. Hindi paniniwala sa mga batas na pinaiiral ng pamahalaan

4. Si Crisostomo Ibarra ay binatang nag-aral sa Europa na nangarap makapagpatayo ng paaralan upang matiyak ang magandang kinabukasan ng kabataan sa San Diego. Alin sa sumusunod ang tumutukoy sa HINDI kahalagahan ng tauhan sa isang nobela?

• A. tauhan ang nagpapausad sa banghay ng kuwento

• B. pinagagalaw nito ang imahinasyon ng mga mambabasa

• C. pinahahayag nito ang saloobin at nararamdaman ng mambabasa

• D. binibigyang-buhay ang ginagampanan sa pamamagitan ng mga kilos

5. Alin sa sumusunod ang mahalagang papel na ginampanan ni Elias sa nobela?

• A. kaibigan at naging kaaway ni Crisostomo Ibarra

• B. nagligtas kay Crisostomo Ibarra sa lawa

• C. naglibing sa bangkay ni Crispin at Sisa

• D. nagtago ng kayamanan ni Ibarra

6. Ang garrote ay isang salitang Espanyol na ang ibig sabihin ay paraan ng pagbitay sa pamamagitan ng pagsakal o pagdurog sa leeg. Ito ang pangalang itinawag kay Padre Damaso dahil sa kaniyang pagiging mapang-abuso at marahas sa mga taong kaniyang nasasakupan lalo na sa mahihirap na indiyo. Aling angkop na pang-uri ang nagbibigay-katangian kay Padre Damaso?

• A. makapangyarihan

• B. malupit

• C. mapagmalaki

• D. mayabang

10. 7. “Ang bangkay ng iyong ama’y dito itinapon ng tagapaglibing. Kasama ko noon si Tinyente Guevarra. Hindi na ninyo kailangang ako’y pasalamatan pa. Malaki ang utang na loob ko sa inyong ama at ang tanging naiganti ko sa kaniya ay ang paghahatid sa kaniyang bangkay sa sariling libingan.” Anong kapangyarihan ng pagibig ang nangibabaw sa dayalogo?

• A. pag-ibig sa bayan

• B. pag-ibig sa kapuwa

• C. pag-ibig sa kaibigan

• D. pag-ibig sa magulang

8. 8. Alin sa sumusunod na pangungusap ang nagpapakita ng kasalungat na kahulugan na paraan ng pagbibigay-pahiwatig?

• A. Ang kasamaan ay hindi dapat magtago sa anino ng kabutihan.

• B. Nakalulugod ang masayahing pamilya at nakatutuwa silang magkakasama.

• C. Pagsusumamo na mapagbigyan ang pakiusap ng nagmamahal na ina.

• D. Mahalimuyak ang sampaguita gayondin ang mabangong amoy ng nilutong ulam.

9. 9.“Ano?! Namatay ang aking ama sa bilangguan? Kilala ba ninyo kung sino ang aking ama?” Anong damdamin ang nakapaloob sa pahayag ni Crisostomo Ibarra?

• A. pag-aalala

• B. pagkabigla

• C. pagkalungkot

• D. pagkainis

10. 10.Ang pangungumpisal ni Maria Clara ang nagligtas sa kaniyang buhay. Ang malinis na konsensiya ay mas mahalaga kaysa gaano mang karaming gamot. Alin sa sumusunod ang kaisipang tumutukoy sa pangungusap?

• A. paniniwala sa Diyos

• B. kahirapan o kayamanan

• C. pagmamahal sa bayan

• D. pamamalupit ng pamahalaan