Mga Tanong Tungkol sa Kaligtasan

Ang lahat ng mga sumusunod ay nararapat gawin habang may nagaganap na terrorist attack MALIBAN sa __________.

• Hamunin at galitin ang mga terorista.

• Huwag mag-panic at manatiling kalmado.

• Humingi agad ng tulong sa mga awtoridad.

• Magtago at manatili sa isang ligtas na lugar.

Ang lahat ng mga sumusunod ay nararapat gawin habang may nagaganap na pagputok ng bulkan MALIBAN sa __________.

• Magsuot ng face mask at goggles.

• Makinig sa mga anunsyo ng lokal na pamahalaan.

• Sundin ang payo ng mga awtoridad, lalo kung tungkol ito sa paglikas.

• Buksan ang mga bintana upang makunan ng litrato ang nagaganap na pagsabog.

Ang lahat ng mga sumusunod ay nararapat gawin sa panahon ng matinding init MALIBAN sa __________.

• Limitahan ang pagbababad sa araw.

• Uminom ng maraming kape at soft drinks.

• Magsuot ng maninipis at maluluwag na damit.

• Manatili sa maaaliwalas na lugar na may magandang bentilasyon.

Ang lahat ng mga sumusunod ay nararapat gawin habang may nagaganap na storm surge MALIBAN sa __________.

• Lumikas sa mas mataas na lugar.

• Iakyat sa itaas na palapag ang mga gamit na maaaring bahain.

• Hintaying umabot sa dibdib ang taas ng baha bago humingi ng tulong.

• Patayin ang main circuit breaker at bunutin ang lahat ng electrical appliances.

Ang lahat ng mga sumusunod ay nararapat gawin habang may nagaganap na tagtuyot MALIBAN sa __________.

• Ipunin ang tubig-ulan.

• Huwag uminom ng tubig.

• Magtipid sa paggamit ng tubig.

• Gamitin ang tubig sa paglalaba bilang pambuhos sa banyo.

Ang duck, cover, and hold ay isinasagawa tuwing nagkakaroon ng earthquake drill. Ito ay tuloy tuloy na programa ng lahat ng institusyon at departamento ng pamahalaan. Bakit kailangang sundin ang nabanggit na estratehiya lalo na sa oras ng lindol?

• Para mailigtas agad ang sarili bago ang iba

• Upang maiwasan ang pagkakaroon ng malawakang pagkasira ng mga ari-arian

• Upang maging handa at maikondisyon ang kaisipan at katawan bilang paghahanda sa lindol

• Upang maprotektahan ang katawan partikular na ang ulo sa mga bagay na posibleng bumagsak kapag may earthquake drill.

Ang lungsod ng Marikina ay may programa tungkol sa materials recovery facility (MRF). Dito isinasagawa ang waste segregation o pagbubukod-bukod ng mga basurang nabubulok, di-nabubulok, at recyclable. Paano ito nakatutulong sa kapaligiran?

• Nagiging matiwasay at malinis ang paligid.

• Ang mga basura ay naitatapon nang wasto ayon sa uri nito.

• Nagkakaroon ng pagkakakitaan ang mga empleyado ng pamahalaan.

• Nakatutulong ito para mabawasan ang mga basura na itatapon sa landfills at mga negatibong epekto ng improper waste disposal.

Sa tuwing bumubuhos ang malakas na ulan, nagdudulot ito ng pagbaha sa maraming lugar sa bansa. Ano ang nararapat gawin upang maiwasan ito?

• Lumikas sa mataas na lugar.

• Suportahan ang pamahalaang lungsod sa mga programa laban sa pagbaha.

• Ugaliing maglinis ng paligid upang maiwasan ang pagbara sa mga kanal at estero.

• Huwag matakot dahil ito ay hindi naman nakamamatay at maaaring humupa rin.

Bilang mag-aaral, bakit mahalagang maging mulat sa mga isyu na may kaugnayan sa climate change?

• Upang matukoy ang mga panganib na dala nito

• Upang makalipat sa bansang di-gaanong naapektuhan nito

• Upang makapagreklamo sa pamahalaan at makagawa ng mga polisiya hinggil dito

• Upang makatulong sa pagpapakalat ng tamang impormasyon at angkop na pagkilos upang maiwasan ang paglala nito

Bakit kailangang bigyan ng pansin ng pamahalaan ang pagkakaroon ng “sustainable economy”?

• Upang mas lumaki ang taunang kita ng bansa

• Upang magkaroon ng karagdagang alternatibong pagkakakitaan

• Upang mapaunlad ang ekonomiya ng bansa sa paraang hindi nasisira o napababayaan ang likas na yaman

• Upang mapalakas ang ekonomiya sa pamamagitan ng paggamit ng likas na yaman sa kahit na anong paraan