Bahasa Sunda

Baca sempalan carita pondok ieu di handap sing daria!

 

Geus lila kuring ninggalkeun lembur, malah geus betah deui di pangumbaraan téh. Réa dulur nu nitah balik, hayang riung-mungpulung pakokolot cénah, tapi kuringna horéam. Kahiji goréng-goréng gé geus boga sasaungan, piraku kudu ngahagal kuriak deui di lembur, batan sakieu sagala mahal téh. Kaduana nya kitu téa ari di lembur mah sahenteuna sok sagala kadeuleu jeung kadéngé, bubuhan paungku-ungku jeung dulur, geus béak sono mah sok timbul cékcék-bocék, urusan saeutik gé sok dijajadikeun. Cék kolot gé, dulur mah ari jauh seungit kembang,ari deukeut bau “taeun”. Nu matak mending jauh, seungit waé kaambeuna ti kajauhan téh, nyaah jeung asih téh manjang.

Dumasar sempalan carita pondok di luhur, naon nu jadi alesan tokoh kuring hoream mulang deui ka lemburna…

• nyieun imah di lembur mahal

• geus teu sono ka nu di lembur

• embung deukeut jeung dulur

• pagawéanana teu bisa pindah

• sieun pipaséaeun jeung nu jadi dulur

Titénan ieu sisindiran di handap!

Samangka melak di tonggoh

      Melak pala di nu bala

      ……………………………………..

            Sakola tamatkeun heula

Pikeun ngalengkepan sisindiran di luhur anu bener nya éta …

• hayu urang dahar samangka

• tong waka boga kabogoh

• sing getol neangan élmu

• kudu getol maca buku

• ulah sok jajan waé

Baca sempalan carpon ieu di handap!

 

Jalan satapak nu biasa disorang geus bèak. Ka dituna mah teu ilahar kasaba ku manusa. Wungkul leuweung anu rebet. Kawas jadi sasmita tina lalampahan anjeunna. Anjeunna geus ngantunkeun alam karamèan, tempat pabuaran nu lumrah. Indit nyorang kapanasaran. Anu matak kaayaan anu sakitu gurawèsna tèh teu matak gedag kana manahna. Jongjon baè anjeunna angkat, paribasa nètè akar ngeumbing jangkar, sèsèlèkè dina cadas nu laleueur.

Sora lutung mani harus patèmbalan matak kelar. Keur jongjon, mindeng asa kagebah, aya anu ngagarapak, horèng cangèhgar nu kagamahan. Hiber ngayapak teu jauh. Leungit deui dina rerembetan.

Harti kecap manah dina sempalan carpon di luhur nya éta....

• Awak

• Haté

• Pikiran

• Panah

• Cita-cita

Baca sempalan carpon ieu di handap!

Nu duaan katénjo sasapu deui. Bet asa jadi anteng lalajo nu sasapu téh, padahal sorangan gé loba pigawéeun. Acan mérésan baju beunang ngalicin, acan meresihan enggon urut bieu beurang sasaréan. Sakapeung sok teu kaharti ku Ema. Ti énjing tara katingal reureuh. Isuk-isuk kasampak nuju bébérés kénéh tilas masak. Sonten geus der deui waé ngurus dahareun keur saimah. Sakalina aya waktu kosong, tara katingal nganggur, naon waé sadamel-damel.

 

Watek Ema dina sempalan carpon di luhur nya éta…

• Pangedulan

• Embung éleh ku batur

• Getol

• Euweuh kacapé

• Daék dititah

karya sastra anu diréka dina basa lancaran (prosa) kalawan ukuranna pondok nya éta…

• Novel

• Dongéng

• Carita Babad

• Biantara

• Carita Pondok

Latar téh kabagi tilu, nya éta…

• Kajadian, waktu, jeung suasana

• Tempat, kaayaan, jeung susasana

• Tempat, waktu, jeung suasana

• Tempat, waktu, jeung kajadian

• Kaayaan, waktu jeung suasana

Galur téh kabagi tilu, nya éta…

• Galur maju, mundur jeung flashback

• Galur mérélé, flashback jeung bobok Tengah

• Galur, mundur jeung bobok Tengah

• Galur mérélé, mundur jeung flashback

• Galur maju, mundur jeung bobok tengah

Titénan ieu bagan pancakaki di handap!

Numutkeun bagan silsilah pancakaki di luhur, Abiyasa ka Bima téh perenahna....

• Anak

• Aki

• Bapa

• Incu

• Nini

Gagasan anu ditepikeun ku pangarang dina karyana disebut…

• Latar

• Galur

• Jejer

• Palaku

• Puseur Sawangan

Tokoh-tokoh dina carita novel téh sok ngabogaan karakter atawa pasipatan séwang-séwangan, eta pasipatan palaku téh bisa kanyahoan dina ….

• Gunemanana (dialog), sikep, ketak, katut polahna.

• Latar, galur, jeung amanat carita

• Tema jeung amanat pangarang

• Kacindekan carita novel

• Kecap panganteur jeung daftar eusi buku