Pagtamo ng Kasarinlan ng Pilipinas

Gaya ng mga karatig-bansa sa Asya na naging kolonya, dumanas din ng paghihirap ang mga Pilipino sa kamay ng mga Espanyol, Amerikano at Hapon.

Ilan sa mga paniniil na naranasan sa bansa ay ang sapilitang paggawa, sistemang encomienda at labis na pagbubuwis.

Nakaranas din ang mga Pilipino ng paniniil pagdating sa relihiyon kung saan ay mahigpit na ipinagbawal ng mga prayle ang pagsasagawa ng mga nakagawiang ritwal ng mga Pilipino.

Ito ang naging dahilan ng paglulunsad ng kabi-kabilang himagsikan at rebelyon sa iba ibang panig ng Pilipinas.

Sa panahon ng himagsikan ay buong tapang na nilabanan ng mga Pilipino ang mga Espanyol sa kabila ng kakulangan sa mga kagamitang pandigma.

Ang maalab na damdamin para makamit ang kalayaan ay lalo pang pinasiklab ng mga akdang mapagmulat na siya ding naging dahilan kung bakit mula sa maliliit na himagsikan ay naganap ang rebolusyo ng 1896.

Hunyo 12,1898 nang idineklara ni Hen. Emillo Aguinaldo ang kalayaan ng Pilipinas.

Sa kabila ng pagpupunyagi at tagumpay ng mga Pilipino laban sa mga Espanyol ay nanatili pa rin ang Pilipinas bilang isang kolonya at sa pagkakataong ito ay sa ilalim naman ng pamumuno ng mga Amerikano.

Enero 23,1899 ay naitatag ang Unang Republika ng Pilipinas kung saan si Emilio Aguinaldo ang idineklarang pangulo ng bansa.

Pebrero 4,1899 nang sumiklab ang Digmaang Pilipino-Amerikano kung saan ay pormal nang nagsimula ang pakikibaka ng mga Pilipino para makamit ang kalayaan.