PTS Genap Bahasa Jawa

Assalamu’alaikum wr.wb.

           Kepala Sekolah saha Bapak Ibu Guru ingkang kula urmati,kanca-kanca ingkang kula tresnani. Puji sokur kula aturaken dhumateng Gusti Ingkang Maha Agung ingkang sampun paring bagas kewarasan dhumateng panjenengan dalah kula.                

Ing ngriki kula minangka wakilipun kanca-kanca kelas enem ngaturaken gunging panuwun dhumateng Bapak saha Ibu Guru ingkang kersa ngrawuhi pasamuan ingkang kula sakanca wontenaken.

Pasamuan punika minangka raos sokur lan pepisahan kelas enem,ingkang saweg nampi pengumunan lulusan. Puji sokur sedaya saged lulus boten wonten ingkang kecicir. Pramila ing wedal punika kula ngaturaken gunging panuwun dhumateng  Bapak saha Ibu Guru ingkang sampun paring tuntutan tuwin panggulawentah wiwit kula sakanca kelas setunggal nagntos dumugi tamat punika. Mugi – mugi Gusti Ingkang Maha Agung tansah paring kawilujengan saha kanugrahan dhumateng panjenengan sedaya. Salajengipun kula sakanca boten kesupen nyuwun pangaksami bilih wonten kalepatan saha tindak tanduk ingkang kirang prayogi.

Wasana cekap semanten atur kula, bilih wonten kekirangan kula nyuwun pangapunten.

Wassalamu’alaikum Wr. Wb.

Apa irah-irahan sajroning sesorah ing dhuwur ?

• Pidhato Pengetan Kartini

• Pidhato Perpisahan Kelas VI

• Lomba pidhato

• Pidhato ulang taun

Sesorah ing ndhuwur iku ditindakake ing ….

• daleme ibu guru

• lapangan

• sekolahan

• puskesmas

Sesorah iku ditindakake dening ….

• bapak kepala sekola

• perwakilan murid kelas VI

• perwakilan murid kelas

• wakil kepa sekolah

Rembugan ana sangarepe wong akeh kanthi ngandarake sawijining gagasan diarani ....

• tanggap wacana

• atur pambuka

• micara

• nyemak

Perangane pidhato kang ngemot andharan isi utawa bab kang wigati ing tanggap wacana diarani ....

• pambuka

• salam pambuka

• panutup

• surasa

Muji syukur marang Gusti Allah iku ing sesorah dipapanake ana ….

• pambuka

• isi

• panutup

• salam

Cekap semanten ingkang saged kula aturaken, bilih wonten kekiranganipun kula nyuwun pangapunten. Ukara kasebut ing dhuwur dipapananke ana ing ....

• pambuka

• isi

• panutup

• salam

Assalamu'alaikum Wr.Wb. Ukara ing dhuwur klebu perange pidhato ….

• surasa

• panutup

• pembuka

• salam pembuka

Ing ngisor iki perangane naskah pidhato, kajaba …

• pembuka

• isi

• adangiyah

• panutup