PANIMULANG PAGTATAYA

Ang “Cupid at Psyche” ay isang akda ng pag-iibigan ng isang mortal at immortal. Anong genre o anyo ng panitikan ang kinabibilangan nito?

• Parabula

• Pabula

• Tula
• Mitolohiya

Ang mitolohiyang “Cupid at Psyche” ay nagtataglay ng mahalagang kaisipang “ang tunay na pag-ibig ay hindi sumusuko sa mga pagsubok.” Alin sa mga sumusunod na pangungusap ang maiuugnay mo sa mahalagang kaisipang ito?

• Nagsikap sa pag-aaral si Norman upang makatapos ng pag-aaral.

• Ibinigay ng Diyos ang kanyang Bugtong na anak para sa Sanlibutan.

• Nagtungo sila sa Mindanao upang tumulong sa mga nasalanta ng bagyo.

• Patuloy na inaalagaan ng nanay ang aking amang tatlong taon nang nakaratay sa higaan

“Nang malaman ni Venus kung ano ang nangyari kay Cupid, lalo itong nasuklam kay Psyche at siya ay pinahirapan nang husto.” Ano ang kahulugan ng salitang may salungguhit batay sa kayarian nito?

• naasar

• nagalit

• nainis

• namuhi

“Nangulila si Psyche sa kaniyang mga kapatid kung kaya’t humiling siya sa kaniyang asawa na sana’y makita niya ang mga ito.” Ano ang kahulugan ng salita batay sa kayarian nito?

• nagalit

• nagtampo

• nalungkot

• nasabik

Nagtungo si Psyche sa tahanan ng mga diyos. Anong pokus ng pandiwa ang ginamit sa pangungusap?

• Kagamitan

• Layon

• Tagaganap

• Tagatanggap

Ang mga sumusunod ay bahagi ng parabulang “Tusong Katiwala,” alin ang naglalahad ng katotohanan, kabutihan at kagandahang-asal?

• Ang mapagkakatiwalaan sa maliit na bagay ay mapagkakatiwalaan din sa malaking bagay.

• Kaya’t sinabi niya sa kanila, “Nagpapanggap kayong matuwid sa harap ng mga tao, ngunit alam ng Diyos ang nilalaman ng inyong mga puso. Sapagkat ang itinuturing na mahalaga ng mga tao ay kasuklamsuklam sa paningin ng Diyos.”

• Pinuri ng amo ang madayang katiwala, dahil sa katusuhang ipinamalas nito, sapagkat ang makasanlibutan ay mas tuso kaysa mga maka-Diyos sa paggamit ng mga bagay sa mundong ito.

• Walang aliping maaaring maglingkod sa dalawang panginoon sapagkat kamumuhian niya ang isa at iibigin ang ikalawa, paglilingkuran ng tapat ang isa at hahamakin ang ikalawa.

“Umibig si Psyche sa kanyang asawa kahit hindi niya nasisilayan ang mukha nito. “Anong teoryang pampanitikan ang masasalamin sa pangyayaring ito?

• Eksistensiyalismo

• Feminismo

• Humanismo

• Romantisismo

Nagtungo ang katiwala ___ mga may pagkakautang sa kaniyang amo _______ palitan ang kasulatan ng kanilang pagkakautang. Ano ang mga angkop na gamiting pang-ugnay upang makompleto ang pangungusap?

• o, sa

• sa, upang

• na, sa halip

• -ng, kung hindi

Ang mga sumusunod ay naglalarawan sa ating daigdig dulot ng alitan ng dalawang bansa, ang Iran at Israel, maliban sa?

• Patuloy na tumataas ang presyo ng gasolina

• Nagsarado ang mga pampubliko at pribadong pook libangan.

• C.

  Lalong tumindi ang tensyon sa pagitan ng Iran at Israel matapos atakihin ng Amerika ang mga pasilidad ng nuclear ng Iran.

• D.

  Maraming overseas workers kabilang na ang mga OFW, ang mga apektado sa nasabing gyera

Alin sa mga mga sumusunod na pangungusap ang gumamit ng ekspresyong nagbibigay ng sariling pananaw?

• Alinsunod sa itinakda ng batas, ang lahat ng kabataan ay may karapatan sa libreng edukasyon.

• Ayon sa tauhang si Simoun ng El Filibusterismo, “ Habang may sariling wika ang isang bayan, taglay niya ang kalayaan.”

• Batay sa Konstitusyon 1987: Artikulo XIV, Seksiyon 6, ang Wikang Pambansa ng Pilipinas ay Filipino.

• Sa tingin ng maraming guro, ang pagkatuto ng mga mag-aaral ay nangangailangan ng tulong at suporta ng mga magulang.