Kalimah panitah, nya éta kalimah anu eusina maksa jalma lian milampah pagawéan, saperti conto kalimah (1).

Conto séjénna

Nyai, pangmeulikeun sambeleun ka warung!

Kalimah pangjurung, nya éta kalimah anu eusina ngajurungkeun jalma lian milampah pagawéan, saperti conto kalimah (2).

Conto séjénna

Jung atuh rék sakola mah, bisi kabeurangan!

Kalimah pangajak, nya éta kalimah anu eusina ngajak jalma lian ngarah migawé babarengan jeung urang, saperti conto kalimah (3).

Conto séjénna

Urang nginjeum buku ka perpustakaan, yu!

Kalimah panyaram, nya éta kalimah anu eusina nyaram nu lian milampah pagawéan, saperti conto kalimah (4).

Conto séjénna

Entong sok ngaroko, henteu séhat!

Kalimah pangharepan, nya éta kalimah anu eusina miharep hiji hal, saperti conto kalimah (5).

Conto séjénna

Muga-muga sing salamet di jalanna!

Nyieun poster iklan layanan masarakat téh mangrupa gabungan kamampuh ngagunakeun.....

Basa anu digunakeun kudu narik ati anu maca, kitu deui jeung ilustrasi (gambarna) kudu matak ngahudang ....

Iklan layanan masarakat anu mangrupa poster, pamflét, atawa stiker mindeng kapanggih di gedong fasilitas umum saperti di rumah sakit jeung puskesmas.

Iklan atawa sambung layang mangrupa salasahiji cara pikeun ngawanohkeun, nawarkeun, atawa mére informasi ngeunaan ....

Iklan téh aya anu disebut iklan komérsial, aya patalina jeung kauntungan, boh kauntungan materil, boh kauntungan nonmateril, aya ogé anu disebut iklan nonkomérsial. Iklan layanan masarakat kaasup kana iklan nonkomérsial.

Iklan layanan masarakat nya éta iklan anu ditujukeun ka masarakat bari henteu miharep k...

Iklan layanan masarakat nya éta iklan anu ditujukeun ka masarakat bari henteu miharep kauntungan. Maksudna umajak sangkan masarakat migawé pagawéan anu hadé atawa ulah ngalakukeun pagawéan anu teu hadé. Anu dipiharep sangkan kaayaan bisa leuwih hadé, utamana pikeun balaréa ka hareupna.

Ciri-ciri iklan layanan masarakat, di antarana:

1. Henteu ngandung unsur komérsial, hartina henteu ngarah piuntungeun.

2. Euweuh unsur produk, boh barang boh jasa.

3. Anu masang iklan layanan masarakat nya éta yayasan atawa organisasi sosial anu henteu néangan kauntungan.

4. Mangrupa atikan, anjuran, atawa uar pangajak pikeun ngalakukeun hiji pagawéan.

5. Miboga targét anu leuwih lega ambahanana tibatan iklan komérsial.

Upama nilik ka dinya, aya tilu hal anu kudu diperhatikeun dina iklan layanan masarakat, nya éta:

1. Komunikasi

(1) Média pikeun nepikeun pesen-pesen nu tangtu;

(2) Alat pikeun mangaruhan balaréa;

(3) Ditepikeun sacara persuasif (uar pangajak, saran-saran, jsb.)

Upama nilik ka dinya, aya tilu hal anu kudu diperhatikeun dina iklan layanan masarakat, nya éta:

Atikan

(1) Ngatik ngadidik masarakat sarta ngaronjatkeun kasadaran masarakat kana hiji perkara;

(2) Anu dipiharep bisa ngarobah tingkah laku masarakat.

Sakumaha umumna iklan, iklan layanan masarakat ogé ngawengku tilu cara dina midangkeunana:

(1) Audio: iklan anu ngan kadéngé, saperti iklan radio, wawar, jsb.

(2) Visual: iklan anu ngan katénjo, saperti poster, pamflét, baliho, spanduk, buklét, stiker, jsb.

(3) Audio-visual: iklan anu kadéngé jeung katénjo, saperti iklan dina televisi, atawa dina internét anu diunggah di Youtube.

Aya sawatara léngkah anu bisa dipigawé upamana urang rék nyieun poster atawa stiker iklan layanan masarakat.

(1) Tangtukeun jejerna.

(2) Tangtukeun ungkara pesenna an hayang ditepikeun ka balaréa.

(3) Tangtukeun gambar atawa ilustrasina

Nyieun poster iklan layanan masarakat téh mangrupa gabungan kamampuh ngagunakeun basa jeung seni. Basa anu digunakeun kudu narik ati anu maca, kitu deui jeung ilustrasi (gambarna) kudu matak ngahudang kapanasaran anu nénjo.

Iklan layanan bisa aya di:

1. Iklan layanan masarakat aya dina radio.

2. Iklan layanan masarakat mangrupa poster atawa stiker.

3. Iklan layanan masarakat dina televisi.

4. Iklan layanan masarakat; bisa ditéangan tina koran, majalah, atawa internét.