WorksheetsEPP-AA-REVIEW 2
Total questions: 25
Worksheet time: 10mins
1 Ipagpalagay mo na mayroon kayong maliit na fishpond. Ano ang iyong gagawin upang maging kawili-wili ito sa lahat ng kasapi ng pamilya lalo na kung ang nakakatanda mong kapatid ay walang interes sa pag-aalaga ng isda?
Lagyan ng disenyo upang makaagaw pansin
Bigyan ng oras o pagkakataon na magpakain sa mga isda
Gumawa ng simpleng anunsiyo o kaya ay flyers na ibibigay sa mga kakilala mo na may kalakip na larawan ng iyong pamilya.
Hayaan na lang siya nawalan ng interes
2. Alin sa mga sumusunod ang HINDI kasama sa mga kahalagahang dulot ng pag-aalaga ng manok at iba pang kauri?
Pinagkukunan ito ng pagkain tulad ng karne at itlog
Nagpapalala ng problema sa kakulangan sa pagkain
Nakakatipid sa gastusin ng pamilya
Nagkakaroon ng tiwala sa sarili at nagiging responsible at maalalahanin
3. Ang Sunflower ay isang uri ng halamang Ornamental na kung saan itinatanim ito mula sa
buto
sanga
dahon
puno
4. Ito ay paraan ng pagtatanim na kinakailangan magpunla at ilipat ang sibol sa takdang panahon sa tamang taniman. Ano ito?
.tuwirang pagtatanim
artipisyal na pagtatanim
di-tuwirang pagtatanim
organikong pagtatanim
5 Ilan sa mga sumusunod ay mga epekto ng tamang pagpapakete ng mga aning produkto. Alin dito ang hindi kabilang?
Mapanatili ang pagkagusto ng mga mamimili
Maaaring magbigay ito ng pag-akit sa isang produkto
Maaaring mahadlangan ang proseso ng pagkasira at pagka bulok
Magiging magiliw ang nagtitinda sa lahat ng oras
6. Bakit mahalaga ang pagtatala at pagtutuos ng mga gastos a pinagbilhan sa mga inaning gulay?
Nagsisilbing pang-alis ng stress
Upang malaman kung may kinita o wala
Upang matugunan ang problema sa malnutrisyon sa ating bansa
Upang ipaalam lamang ang pagsasapamilihan ng iyong produkto
7. Kung ikaw a magnenegosyo, Ano ang maaari mong gawin upang maging matagumpay ang pagsasapamilihan ng produkto?
Ilako ito malapit sa paliparan
Ipaubaya na lang sa ibang negosyante
Gumawa ng simpleng anunsyo o flyers
Ibenta ang produkto sa tamang panahon
8. Ano naman ang tawag sa paraan ng pagbebenta ng inaning produkto na pakonti-konti at pira-piraso o pakilo-kilo?
tingian
tianggehan
pakyawan
sari-sari store
9. Ano ang tawag sa paraan ng pagbebenta ng inaning isda na maramihan ang pagbebenta?
tingian
tianggehan
pakyawan
sari-sari store
10. Ang mga sumusunod ay mga uri ng tingiang tindahan. Alin dito ang hindi kabilang?
sari-sari store
paliparan
tiangge
palengke
11.Mamimitas na ng malalaking bayabas si Tracy. Ano kaya ang gagawin niya upang hindi magasgas at mangitim ang mga ito?
ilagay sa basket
ibilad sa init ng araw
itago sa loob ng bahay
balutin ito ng papel o dyaryo
12. Malapit na ang pag-aani ng mga mangga na pagmamay-ari ni Mang Carding, ano ang dapat niyang ihanda para gamitin sa pamimitas nito?
mga asarol at araro
mga mahahaba na patpat
mga gunting at mga kutsilyo
mga kawayan na may sabitan
13. Madalas nag-iinspeksyon si Mang Naldo sa kanyang mga pananim na bungang-kahoy bukod nito, ano pa ang maaari niyang sundan upang makatiyak sa tamang panahon ng pagaani?
balita tungkol sa panahon
kalendaryo sa pagtatanim
listahan ng mga pananim
talaan ng mga pananim
14. Maraming naaning kamote si Aling Carol kaso lang maputik ang mga ito. Ano ang wastong paglilinis nito?
.ibilad sa araw para matuyo
isa-isa itong punasan ng tela
ilublob ito sa tubig para malinis
ilagay lang sa basket para matagal ang putik
15. Mag-aani na ng kanyang pananim na kamote si Aling Carol. Ano ang kagamitang gagamitin niya sa pag-aani nito?
gunting
kutsilyo
patpat na mahaba
malaking tinidor o bareta
16. Alin sa mga sumusunod ang mga pananim na nabibilang sa mga bungang-ugat?
okra, karot at sitaw
kalabasa, gabi at sili
patatas, karot at kamote
talong, sitaw at labanos
17. Alin sa mga sumusunod na pananim ang HINDI ginagamitan ng dulos sa pagkuha o pagbubungkal ng mga bungang-ugat na gulay?
karot
repolyo
patatas
sibuyas
18. Si Dwayne ay mag-aani na nang kanyang mga pananim na sitaw at okra. Kailan kaya higit na mainam itong anihin para hindi mabilis malanta?
gabi
tanghali
umaga o hapon
kahit anong oras
19. Paano mapanatili ang kalidad ng isang produkto tulad ng mga gulay na ibinebenta sa palengke?
.anihin ito kung kailan gusto
sundin ang wastong paraan ng pag-aani
gamitan ito ng mga artipisyal na pataba
ilagay ito sa malamig na lalagyan tulad ng refrigerator
20. Alin sa mga sumusunod na mga pananim na gulay ang inaani ng 35-45 na araw?
okra
sitaw
petsay
kamatis
21. Planong anihin ni Cris ang mga tanim niyang labanos at kamote. Ano kaya ang palatandaan na puwede na niya itong anihin?
berde pa ang mga dahon
malambot na ang mga bunga
mapintog at makinis ang mga bunga
matigas at malutong pa ang mga bunga
22. Gusto nang anihin ni Aling Marta ang kanyang mga pananim na talong, sitaw at kamatis. Alin sa mga sumusunod ang HINDI niya dapat gamitin sa pag-aani nito?
kutsilyo
gunting
kamay
pliers
23. Nananabik na si Tony na anihin ang kanyang pananim na sili at talong. Ano kaya ang palatandaan na pwede na itong anihin?
kapag pula na ang mga ito
.kapag malaki na ang mga ito
.kapag kumulubot ang mga balat nito
kapag mapintog at makinis na ang mga bunga nito
24.Ano ang dapat isaalang-alang sa pag-aani ng mga pananim na gulay?
anihin ito nang maaga
anihin ito kapag hinog na
anihin sa takdang panahon
anihin ito kung kailan gusto
25. Ito ay paraan ng pagpitas ng bunga o gulay sa panahon na maaari na silang gamitin o dalhin sa pamilihan
pag-aani
pagtitinda
pagtatanim
paghahalaman
