Катер өзен ағысымен 18 км жүзіп, бөгелместен кері қайтып келгенде, барлық жолға 1сағат 45 минут уақыт жұмсады. Катер өзен ағысымен 12 км арақашықты өзен ағысына қарсы жүзгенге қарағанда 10 мин жылдам жүзіп өтеді. Катердің меншікті жылдамдығын табыңыз

Трактор бригадасы егістік жерді жоспар бойынша 14 күнде жыртып болуы керек еді. Бригада күн сайын жоспардағыдан 5 га артық жыртқандықтан жер жыртуды екі күн бұрын аяқтады. Егістік жердің ауданын табыңыз

23% -тік 120 г тұз қышқылына 31%-тік тұз қышқылын қосқанда 29%-тік тұз қышқылы пайда болды. Қанша 31%-тік тұз қышқылы қосылғанын табыңыз

А мен В қалаларының арақашықтығы 103 км. А қаласынан шыққан пойыз жолда тоқтап бөгелгендіктен, әрі қарай жылдамдығын 4 км/сағ-қа арттырды. Тоқтағаннан кейінгі В пунктіне дейінгі қалған жол тоқтағанға дейінгі жолда 23 км артық және оған тоқтағанға дейінгі жолға жұмсалған уақыттан 15 минут уақыт артық жұмсалды. Пойыздың бастапқы жылдамдығын табыңыз.

Арасы 650 км екі жерден бір-біріне қарсы екі пойыз шығады. Егер екеуі бір уақытта орындарынан қозғалса, 10 сағаттан кейін кездесер еді. Ал егер екінші пойыз біріншіге қарағанда 4 сағат 20 минут ертерек шықса, онда кездесу бірінші пойыз шыққан соң 8 сағаттан кейін болады. Әрбір пойыздың жылдамдығын табыңыз.

Қалайы мен мыстың қоспасы 12 кг тартады және 45%-і мыстан тұрады. Осы қоспаға қанша кг таза қалайы қосқанда алынған жаңа қоспада 40% мыс болатынын табыңыз

Қалайы мен қорғасыннан 36 кг қорытпаның 45%-і қалайы. Қорытпада 60% қалайы болу үшін қанша қосу қажет екенін табыңыз

Спорт мектебінде балалардың 65%-і футбол, 70 %-і волейбол, 75%-і баскетбол ойнау біледі. Ең аз дегенде балалардың неше проценті осы спорттың үш түріне де ойнай білетінін табыңыз.

Мекемедегі 100 қызметкердің 42-сі ағылшын тілін, 28-і француз тілін, 30-ы неміс тілін, 8-і француз және неміс тілдерін, 10-ы ағылшын және француз тілдерін , бесеуі неміс және ағылшын тілдерін, үшеуі ағылшын, француз және неміс тілдерін біледі. Неше қызметкер бір ғана ағышын тілін білетінін анықтаңыз?