Науқас К., 20 жаста, тәулігіне 4-6 ретке дейін қан және шырыш аралас сұйық дәретке, жалпы әлсіздік, салмақ жоғалту, тізе және табан буындарындағы ауру сезіміне шағымданып стацонарға түсті. Өзін 2 ай көлемінде формасы бар нәжіс бетінде қан ұйындыларын байқағаннан бастап ауру деп есептейді. Ауруханаға түсер алдында 2 апта бұрын қан және шырыш аралас сұйық дәрет пайда болды, 10 күн бойы антибиотиктер және лоперамид қабылдаған. Жағдайы нашарлай түсті: үлкен дәреті тәулігіне 4-6 ретке дейін жиіледі, дефекация алдындағы іштегі ауру сезімі қосылды, жалпы әлсіздік пайда болды, 2 кг-ға арықтады.Объективті: жағдайы орташа ауырлықты, тері жабындылары және шырышты қабаттары қалыпты түсті, тілі ылғалды, ақ жабындымен көмкерілген; перкуторлы өкпе шекаралары қалыпты, ашық өкпелік дыбыс; аускультацияда везикулярлы тыныс, сырылдар жоқ.Жүрек шекаралары өзгермеген, жүрек тондары анық, ритмі қалыпты, ЖЖЖ – 94 рет/мин. Курлов бойынша бауыр өлшемдері 10x9x8см, бауырдың төменгі қыры ауру сезімсіз. Сол жақ мықын аймағы пальпациясында іштегі ауру сезімі. Сол жерде тығыз, ауру сезімсіз сигма тәрізді ішек пальпацияланады. Бүйрек пальпацияланбайды. Перифериялық ісіктер жоқ. Қалқанша без ұлғаймаған. Патологиялық рефлекстер анықталмады. Буындарда сыртқы өзгерістер анықталмады.Қан анализі: Hb - 110 г/л, эритроциттер - 4,1х1012/л, лейкоциттер - 6,8х109/л, таяқша ядролы - 1 %, сегмент ядролы - 65 %, лимфоциттер - 30 %, эозинофилдер - 1 %, моноциттер - 3 %, ЭТЖ - 20 мм/сағ.Жалпы зәр анализі: салыстырмалы тығыздық - 1019, белок, эритроциттер - теріс, лейкоциттер - 1-2 к/а.Биохимиялық қан анализі: белок - 60 г/л, холестерин - 4,2 мг %, креатинин - 102 ммоль/л, калий - 3,5 ммоль/л, АСТ - 30 ЕД, АЛТ - 20 ЕД.Құрсақ қуысы мүшелері УДЗ – патология анықталған жоқ.

1. Болжам диагнозды қалыптасырыңыз.

2. Диагнозды нақтылау үшін қандай зерттеулер жүргізу керек?

3. Емді жүргізуде қандай қателіктер жіберілді?

4. Сіздің емдеу тактикаңыз.