Мектеп асханасында келесі тамақтар мәзірі берілген. Екі көже,үш түрлі екінші тағам, екі түрлі сусын. Бір көже бір екінші тағам және бір сусыннан тұратын неше түскі ас түрлері бар екенін табыңыз.

Меншікті жылдамдығы 22 км/сағ қайық, ағыс жылдамдығы 3,2 км/сағ өзенде t сағ жүзеді.Қайықтың ағыспен жүзу жолының уақытқа тәуелділік формуласын жазыңыз.

Логикалық амал келесі түрде берілген a & b = a⁻¹+ b⁻¹

2 & 3 мәнін есептеңіз.

Бір станок сағатына 57 тетік, ал екіншісі одан сағатына 14 тетік кем жасайды. Екеуі бірге жұмыс істегенде 800 тетікті неше сағатта жасағанын табыңыз.

Айгүлдің осы тоқсанда математика пәнінен алған бағалары 4; 5; 4; 4; 3; 4. Айгүлдің математикадан алған бағаларының модасы мен өзгеру ауқымын табыңыз

Футбол добының беті 20 дұрыс алтыбұрыш және 12 дұрыс бесбұрыштан,яғни барлығы 32 көпжақтан тұрады. Барлық көпжақтардың төбелерінің саны

Жеміс кептірілгеннен кейін өз салмағының 82% ін жояды. 18 кг кепкен жеміс алу үшін қажетті кептірілмеген жеміс салмағын анықтаңыз.

1457⁴¹ саны қандай цифр мен аяқталатынын табыңыз.

4-ке бөлгенде қалдығы 1-ге тең болатын натурал сандар тізбегінің жалпы мүшелерінің формуласын жазыңыз.

Бірдей 8 шаршыдан құралған фигураның периметрін анықтаңыз. Шаршының қабырғасы 3см.

Жеті оқушыдан екі кезекшіні таңдап алудың неше тәсілі бар.

Жылына 30% өсіп отыратын жинақ кассасына салынған 200 мың теңге 4 жылдан кейін қанша теңге болатынын табыңыз.

Арақашықтығы 20км екі елді мекеннен бір-біріне қарама-қарсы бағытта екі велосипедші шықты. Бірінші велосипедшінің жылдамдығы 15км/сағ, ал екінші велосипедшінің жылдамдығы 10км/сағ. Велосипедшілердің 5 сағаттан кейінгі арақашықтығын табыңыз.

Үш санның қосындысы 612-ге тең. Егер бірінші қосылғыш қосындының $$\frac{\text{4}}{\text{9}}$$ бөлігін, ал екіншісі $$\frac{\text{1}}{\text{6}}$$ бөлігін құраса, үшінші қосылғышты табыңыз.

Қазақстанда 2006 жылы ауылшаруашылық өнімдері 979,75 млрд тг, 2007 жылы 1067,9275 млрд тг болды. Ауылшаруашылық өнімдерінің өсу пайызын табыңыз.

$$\frac{\text{6}}{\text{75}}$$ санын пайызға айналдырыңыз.

Кілегей массасының 25% ы май. 5,6 кг кілегейде неше килограмм май бар екенін анықтаңыз.

Банкке 5 400 000 тг салынды. Оның бір жылдық өсімі алғашқы ақшаның 5% ы. Банкке салынған ақша бір жылдан соң қанша болғанын анықтаңыз.

Диас дүйсенбі күні 1км жүгіреді. Шарт бойынша қашықтықты әр келесі күні алдыңғы күнге қарағанда 10% ға арттырып отырады. Жұма күні Диас қанша км жүгіргенін есептеңіз.

Дүкенде айфон 13 про макс 613 мың, ал 12 про макс 576 мың. Екеуін сатып алған адамға 13% жеңілдік жасайды.Алған адам қанша теңге үнемдейді?

30 жұмысшы жұмысты 6 күнде бітіреді. Егер жұмысшы санын 20% ға арттырса, неше күнде бітіреді?

Заңдылықты пайдаланып 5; 8; 10; 24; 20; 72; x; y;

өрнегінің мәнін табыңдар:

$$\frac{\text{x + y}}{\text{2}}=$$

Шеңбер бойында 6 нүкте берілген. Осы нүктелер арқылы жүргізуге болатын хордалар санын табыңыз

Қорапта ақ, қара және сары шарлардың жалпы саны 19. Қара шарлар ақ шарлардан 12 есе артық болса, сары шарлар санын табыңыз.