BARU
Ukuran huruf
Lembar kerjaқазақ тілі 7 ә сыныбы
Total soal: 20
Worksheet time: 11mins
Бұрын бір тышқан болыпты. Ол өте ақкөңіл, достарымен тату екен. Бірақ жаңа келген мысық оған тыныштық бермепті.
Бір күні оның ұйықтап жатқанын көрген мысық байқамаған болып жалпақ табанымен жаншып өтті. Шошыған тышқан орнынан қарғып тұрып мысыққа:
– Мен ешқашан басқаларға жамандық жасаған емеспін. Сен неге маған өшігіп жүрсің? – дейді. Мысық тәкаппарлана:
– Саған тышқан бол деген кім? Тышқан екенсің, жеуге тиіспіз! – дейді.
Оның түпкі ниетін байқаған тышқан содан былай сақтанып, бұрыш- бұрышта тығылып жүретін болыпты.
Бір тәуірі мысық өте ұйқышыл екен. Басы жастыққа тиді болды, қорылдай кетіп, қанша оятса да оянбайды екен. Мұны білген ақылды тышқан ебін тауып, ұйықтап жатқан дұшпанының мойнына қоңырау байлап қойыпты. Сөйтіп, жүрген сайын сылдырайтын қоңыраудың арқасында алаңсыз ұйықтап, еркін жүретін болыпты.
1. Мәтін мазмұнына сай мақалды табыңыз.
A)Диірменде туған тышқан тарсылдан қорықпас
B)Досы көпті жау алмайды
C)Ежелгі дұшпан ел болмас
C)Мысықтың аңқаулығы
E)Жалғыз қаздың үні шықпас
2. Тышқанның алаңсыз өмір сүруіне негіз болған жағдай
A)Тапқырлығы
B)Ептілігі
C)Шыдамдылығы
D)Батылдығы
E)Шапшаңдығы
3. Мәтін мазмұнына сай тақырыпты таңдаңыз.
A)Қулығын асырған тышқан
B)Мысық пен тышқан
C)Тату-тәтті өмір
D)Ұйқышыл мысық
E)Жаңа дос
4. Тышқанның дұшпанын анықтаңыз
A)Жалқау
B)Айлакер
C)Өркөкірек
D)Батыл
E)Мақтаншақ
5. Мәтінде мысық қалай бейнеленген?
А) қорқақ
Ә) ұйқышыл
Б) батыр
В) еңбекқор
6.Тышқан өз айласын жүзеге асырды ма?
А) иә
Ә) жоқ
Б) Асыруға таяп қалды
В) Қорықты
. Мәтін түрін анықтаңыз
А) Сипаттау мәтіні
Ә) Пайымдау мәтіні
Б) Әңгімелеу мәтіні
В) Ғылыми мәтін
8. Мәтінге неше кейіпкер қатысып отыр?
А) 1
Ә)2
Б)3
В)4
9. Тышқан қандай?
А)Батыл, ақылды
Ә)өнерлі, ақкөңіл
Б)шапшаң, мейірімді
В)ақкөңіл, достарымен тату
10.Тышқан мысықтың қандай ойын байқады?
А) Адамгершілік
Ә) түпкі ниетін
Б) арман-тілегін
В) мақсатын
11.Жіктік жалғауы жалғанып тұрған сөзді табыңыз.
А) менің
Ә) соған
Б) оқушымын
В) оқушым
12.Көсемшені табыңыз.
А) кеткен
Ә) кетер
Б) кетпек
В) кеткелі
13.Тұйық етістікті табыңыз.
А) сөйле
Ә) жүр
Б) көру
В) шегеле
14.Есімшенің жұрнағын табыңыз.
А)-қан, -кен, -ған, -ген
Ә)-нан,-нен,-дан,-ден,-тан,-тен
Б)-ды,-ді, -ты,- ті
В)-н, -ын,- ін
15.Райдың қанша түрі бар екенін табыңыз.
А) 3
Ә) 2
Б) 4
В) 6
16.Мақсатты келер шақты табыңыз.
А) Үйренбек
Ә) Келемін
Б) Отыр
В) Болыпты
17.Еліктеу сөзі бар сөйлемді табыңыз.
А) Күн шықты.
Ә) Балалар көлде шомылды.
Б) Найзағай жарқ-жұрқ етті.
В) Олар тауға қарай бет алды.
18. Қарсылықты қатынасты білдіретін жалғаулық шылаулар қатарын анықтаңыз.
А)бірақ, мен
Ә) бірақ, егер
Б) бірақ, дегенмен
В) өйткені
19.Ыңғайластық жалғаулықтар қатарын көрсетіңіз.
А) мен, бен, пен, да, де, та, те, және, әрі
Ә) өйткені, себебі, неге десең
Б) сондықтан, сол себепті
В) алайда, әйтпесе, әйтпегенде, бірақ
20.Шақыру одағайын көрсетіңіз.
А) әрең- әрең
Ә) шөре- шөре
Б) қысқасы
В) ең әуелі
