Adhyaya III (BAB 3) STRUKTUR KEBAHASAAN

Adhyaya III (BAB 3) STRUKTUR KEBAHASAAN

PAPLAJAHAN 5

KRUNA DWILINGGA

Kruna Dwilingga utawi kata ulang inggih punika kruna lingga sané kakapingkalihang miwah madué papalihan minakadi Kruna Dwi Sama Lingga, Kruna Dwi Maya Lingga, Kruna Dwi Samatra Lingga, Kruna Dwi Purwa, lan Kruna Dwi Wesana.

1.      Kruna Dwi Sama Lingga

Inggih punika kruna lingga sané kapingkalihang madué artos katah utawi langkungan

(kata ulang yang diucapkan sekali masih memiliki arti).

Upami : gedé-gedé, bajang-bajang, truna-truna

2. Kruna Dwi Maya Lingga

Inggih punika kruna lingga sané kapingkalihang wawu madue arti, yéning kantun marupa kruna lingga nénten madué arti.

(kata ulang yang memiliki arti bila diucapkan dua kali)

Upami : kupu-kupu, kunang-kunang, kapu-kapu, ogoh-ogoh.

 3.Kruna Dwi Samatra Lingga (Kata Ulang Berlawanan Bentuk)Inggih punika kruna lingga sané kawangun antuk kalih kruna, kruna sané rihinan mabinayan ring panguntat wanda utawi panguntat krunannyané sareng sané ungkuran.(kata ulang dengan suku kata berbeda satu dengan lainnya)

 Upami : dengak-dengok, sledat-sledét

 4.  Kruna Dwi Purwa (Kata Bereduplikasi).

Inggih punika kruna lingga sané wanda utawi kecap pangarepnyané kakapingkalihang tur kauwah tegesnyané ring kruna linggannyané.

(kata ulang yang suku kata awalnya diduakalikan)

Upami : sesari, sesaté, sesai, tetagihan.

5.  Kruna Dwi Wesana

Inggih punika kruna lingga sané wantah kecap/wanda sané ungkuran kakapingkalihang.

(kata ulang yang suku kata akhirnya diduakalikan)

Upami : paceburbur, pakeplugplug, paketéltél, pakecoscos. 

PAPLAJAHAN 6 KRUNA SATMA

Kruna Satma kanggén ngentosin istilah Kruna Dwi Bina Lingga Eka Sruti, sané ring bahasa Indonesia mawasta Kata Majemuk.

Kruna Satma inggih punika angkepan kalih kruna sané ngwetuang arti anyar (a siki).

Kruna Satma mawit saking kruna ([sa-] + atma ) sané suksmannyané kata senyawa. 

Kruna Satma punika madué ciri-ciri sakadi ring sor puniki.

1.      Ciri arti, inggih punika angkepan kalih kruna utawi lintang sané suksmannyané asiki. Minakadi : kacang lindung, nénten ja maarti kacang miwah lindung , sakéwanten maarti kacang panjang.

 2.  Ciri wangun, inggian punika angkepan kalih kruna sané marupa kruna lingga sareng kruna lingga, taler prasida kadagingin afiks marupa pangater, seselan miwah pangiring. Minakadi : kaja kangin polih afiks dados ngajakanginang.

 3. Ciri unsurnyané sané tan sida kapasahang. Makakalih unsur ring kruna satma tan prasida kapasahang miwah kadagingin kruna lian malih ring pantaraning wangun kruna punika.

Kruna Satma kapalih dados tigang soroh inggih punika :

1.      Kruna Satma Pepadan (Kata Majemuk Setara)

Inggih punika kruna-kruna sané ngwangun madué kedudukan setara, nénten saling nyinahang.

Kruna satma pepadan kapalih dados duang soroh inggih punika :

a.      Kruna Satma Pepadan Ngerasang Arti

Conto : olas asih

b.     Kruna Satma Pepadan Nungkalik

Conto : mémé bapa

2.   Kruna Satma Tan Pepadan (Kata Majemuk Tidak Setara)

Inggih punika kruna sané kawangun antuk kalih kruna, nanging silih tunggil kruna pinaka unteng, sané lianan pinaka katerangan.

Kruna Satma Tan Pepadan kapalih dados kalih :

a.      Kruna kapertama dados unteng, upami :

-         Gedang rénténg

-         Galang kangin

-         Tiing buluh

b.  Kruna kaping kalih dados unteng, upami :

-         Kali yuga

-         Kertha raharja 

3.   Kruna Satma “Unik”

Inggih punika kruna satma sané kawangun antuk kalih kruna , nanging wantah silih tunggil kruna sané madué arti yéning sampun kajangkepang ring untengnyané.

(kata majemuk yang salah satu katanya memiliki arti bila dua kata digabungkan)

Contonyané :

-         Selem ngotngot, selem denges, selem iet

(kruna ngotngot, denges, iet wawu madué arti yening wénten kruna selem)

-         Tegeh ngalik