Prosa Bali Purwa ( Sampik Ingtai)

SAMPIK INGTAI

Geguritan Sampik Ingtai ngawit kakawi duk rahina Redite Umanis tanggal 16

Januari 1915 olih Ida Ketut Sari. Geguritan puniki sampun lumrah kauningin antuk

parajana Balinė, duaning sering kanggén lelampahan sajeroning unen-unen minakadi arja, perémbon, drama gong, miwah sane lianan. Sajaba punika Geguritan Sampik Ingtai sering kawacén sajeroning pailén mabebasan ring sekaa-sekaa pasantian sajebag jagat Bali. Punika mawinan para siswane patut uning ring daging ceritanipun.

​Lanturang ring slide 2

​taler kaaptiang mangda prasida nembangang pupuh-pupuh sane ngwangun geguritan punika. Ring sor puniki jagi katlatarang critanipun mawangun gancaran. Kacritayang wenten kocap anak lanang mapangkat mayor, magenah ring

Waciu Negari, maderbé pianak bajang adiri, Nyonyah Ingtai. Ni Nyonyah mamanah jagi masekolah ring Angciu Negari, raris nunas pacumponan ring reramanipune Nënten pisan ipun kawéhin nglanturang masekolah, duaning geriahé doh saha ipun madéwek istri. Yadiastun asapunika, duaning meled pisan ipun pacang nglanturang masekolah, metu manahipuné nyineb raga mabusana kadi anak lanang, rambutnyané kacukur, nganggén topi, saha maclana panjang.

​Lanturang ring slide 3

​Sarauhé ring tengahing pamargi, ipun kacunduk sareng anak lanang saking Bociu Negari, mawasta I Babah Sampik. Tetujonnyané pateh kadi Ni Nyonyah, jagi nglanturang masekolah ring Angciu Negari. Irika sang kalih mapinta tangan saha makenalan, raris sinarengan nyujur genah sekolahané. Gelising cerita, sampun reké sang kalih katerima dados siswa irika, mawinan sahasa ngrereh padunungan. Sang kalih nyéwa kamar wantah asiki, kanggén genah sirep sareng kalih.

Ni Nyonyah marasa ring padéwékan rikuh pisan duaning ipun madéwék istri pacang makalihan sareng anak lanang kadi I Babah Sampik. Punika mawinan ipun ngamedalang uwar-uwar, saha ngwatesin pasirepané antuk sabuk mangda nénten keni saling kosod. Daging uwar-uwarnyané, "Sapasira ja nglintangin sabuk punika, pacang keni danda marupa kertas, dawet, miwah mangsi", pinaka serana masasuratan duk punika. I Babah Sampik satinut ring daging uwar-uwarnyané, nanging sasampun makudang-kudang rahina, Ni Nyonyah sané nimpahin 1 Babah Sampik, mawinan ipun patut naur danda kadi pasemayannyané.

​Nénten kawilangin sampun suénnyané sang kalih masuitra, sirep sareng- sareng, masekolah sareng-sareng, malancaran sareng-sareng sakadi anak masemeton. Riantuk sampun rumaket pisan pasuitrannyané, Ni Nyonyah waneh ipun nyineb raga duaning sayan tumbuh rasa tresna asih ring I Babah. Irika raris ipun nyinahang raga, mungguing sujatinnyané ipun madéwék istri sané nyineb raga mabusana lanang. I Babah Sampik engsek, nyelsel déwék duaning nénten pisan maderbé rasa

sangsaya ring manah, saha sampun sué pisan sirep sareng anak istri. Nénten asué, I Babah Sampik ngwiwitin mapajar, mungguing ipun sampun banget kalulutan, tresna asih ring Ni Nyonyah. Ni Nyonyah taler asapunika, sampun saking sué ipun maderbé manah lulut asih ring 1 Babah Sampik.

​Durung puput sang kalih muponin rasa kalulutan matresna, raris rauh utusan saking reramanipun Ni Nyonyah, sané mawasta I Congliwat mangda Ni Nyonyah sahasa budal ka Waciu Negari. Duaning kalintang bendu tur brangti, I Sampik polih marebat sareng I Congliwat, nanging prasida kaandeg antuk Ni Nyonyah Ingtai. Ni Nyonyah nunas mapamit saha mapajar mangda digelis I Babah Sampik mamadik déwékipuné ka Waciu Negari. Ping tiga Ni Nyonyah majarang mangda ipun kapadik malih dasa rahinané, nanging I Sampik nampénin malih tigang dasa rahina.

Kacritayang rauh reké I Babah Sampik saha kulawargannyané mamadik Ni Nyonyah ka Waciu Negari. Sakéwanten Ni Nyonyah nénten nampénin saha nundung I Babah, riantuk ipun kabaos nitia wecana, linyok ring semaya, sampun telat kalih dasa rahina. Budal kocap ipun I Babah Sampik nyelsel déwék, sinengkaon nyakit ati, mawastu ipun padem.

​Lanturan ceritané, kabaosang mungguing sang kalih sida macunduk ring sunia

loka. Ri kalaning Ni Nyonyah ngamargiang pawiwahan sareng I Bandar Macun, ring pamargi ipun tedun mabakti ajebos ring kuburan I Babah Sampiké. Kacritayang kuburan punika engkag belah, raris Ni Nyonyah ical, ngranjing ring kuburan. Para kulin I Bandar Macuné sahasa ngalgal kuburan punika, nanging Ni Nyonyah nénten kakeniang. Wénten kocap cihna kekupu makalihan metu saking kuburan punika saha makeber nincap suargaloka. Kacritayang atman sang kalih nemu bagia, rauh ring meru tumpang salikur, kaayahin antuk watek widiadariné.

​Durusang cawis pitaken ring slide selanturnyane

Open Ended

1) Sapasira tokoh

protagonis (utama) ring ceritan Geguritan Sampik Ingtai?

Open Ended

2) Sapunapi panampen reramanipun Ni Nyonyah ri kala jagi masekolah?

Open Ended

3) Sareng sira Ni Nyonyah ngungsi kantor sekolahan?

Open Ended

4) Dija genah sekolahané sané katuju antuk sang kalih?

Open Ended

5) Sesampun katerima, kudang kamar sang kalih ngrereh padunungan?

Open Ended

6) Sapasira sané naenan keni danda?

Open Ended

7) Durung waneh sang kalih muponin kapitresnannyané, rauh utusan ngrereh Ni Nyonyah. Sapasira wastan utusan punika?

Open Ended

8) Sadurung budal, sapunapi daging pabesen Ni Nyonyah ring I Sampik?

Open Ended

9) Napi mawinan I Babah Sampik ngemasin padem?

Open Ended

10) Sapunapi kaceritayang sang kalih ring pamuput crita?