Lëtzebuerg-Quiz 2

Lëtzebuerg-Quiz

2. Editioun :)

Sidd dir Expert*innen?

Multiple Choice

Geschwë sinn d'Olympesch Wanterspiller zu Peking. Wéi eng Politikerin war scho mol fir Lëtzebuerg bei der Olympiad?

Colette Flesch

* 1937, Politikerin vun der DP

1960, 1964 an 1968 als Fechterin bei den Olympesche Spiller

Multiple Choice

Am Moment dominéiert d'Fussball-EM déi sportlech Aktualitéit. Wéi vill Mol huet Lëtzebuerg sech scho fir d'EM qualifizéiert (zënter 1960)?

• 0

• 1

• 2

• 3

Fussball-Nationalekipp

Aktuell Bilanz:

418 Matcher

44 Mol gewonnen

49 Mol gläich gespillt

325 Mol verluer

Multiple Choice

Wéi ee Minister ass schonn am längsten an der Regierung (= government)?

Jean Asselborn

Ausseminister zënter dem

30. Juli 2004 an domat deen

déngschteelsten Ausseminister vun der EU

Multiple Choice

Wat ass dem Jean Asselborn säi groussen Hobby?

• Vëlo fueren

• Marathon lafen

• kachen

• seegelen

En ambitionéierte Vëlosfuerer

Multiple Choice

Mir nennen de Jean Asselborn och heiansdo "Jang". Wat oder wien ass awer de "Jangeli"?

• e Monument an der Stad

• en alen Zuch

• e fréiere Grand-Duc

• eng Drëpp (= Branntwäin)

De Jangeli

En Zuch, dee vum 17. Februar 1882 bis zum 21. Mai 1955 vun der Stad op Réimech gefuer ass. Et goufen nach aner Zich, z.B. "de Charlely"

Et gëtt e bekannt Lëtzebuerger Lidd iwwer de Jangeli: https://www.youtube.com/watch?v=TF9XitizQu4

Multiple Choice

Bleiwe mer musikalesch: De "European Song Contest - Grand Prix Eurovision de la chanson" ass e grousst Evenement. Wéi oft huet Lëtzebuerg bei dëser Kompetitioun gewonnen?

• 2

• 3

• 4

• 5

5 Gewënner*innen:

1961 - Jean-Claude Pascal: "Nous les amoureux"

1965 - France Gall: "Poupée de cire, poupée de son"

1972 - Vicky Leandros: "Après toi"

1973 - Anne-Marie David: "Tu te reconnaîtras"

1983 - Corinne Hermès: "Si la vie est cadeau"

Multiple Choice

Komme mer bei typesch Lëtzebuerger Spezialitéiten:

Wéini kritt ee beim Bäcker déi typesch "Verwurrelter"?

• fir de Kleeschen

• fir Chrëschtdag

• fir Ouschteren

• fir d'Fuesend

Verwurrelter

typesch fir d'Fuesend

Multiple Choice

Apropos Séissegkeeten: Wéi ee Verb bedeit "Séissegkeeten iessen"?

• jauwen

• bëselen

• verbëtzen

• schneeken

schneeken

= Séissegkeeten iessen

Et gëtt och d'Adjektiv "schneekeg" an d'Substantiv "Schneekegkeet".

Multiple Choice

Den éischte Sonndeg no Fuesend ass dat traditionellt "Buergbrennen" zu Lëtzebuerg. Wat ass d'Iddi hanner deem Fest?

• Mir verbrennen de Wanter.

• Mir verbrennen d'Sënne (péchés/sins) vu Fuesend.

• Mir verbrennen déi béis Geeschter (spirits/esprits).

• Mir verbrennen d'Kalorie vu Chrëschtdag.

Buergbrennen

De Wanter gëtt verbrannt.

Multiple Choice

Wéi vill Quartieren huet d'Stad eigentlech?

• 13

• 18

• 24

• 31

Déi 24 Quartieren

Beggen, Belair, Bouneweg-Nord / Verluerekascht, Bouneweg-Süd, Cents, Zéisseng, Clausen, Dummeldeng, Eech, Gare, Gasperech, Gronn, Hamm, Hollerech, Kierchbierg, Lampertsbierg, Märel, Millebaach, Neiduerf/Weimeschhaff, Pafendall, Polvermillen, Rollengergronn, Uewerstad, Weimerskierch

Multiple Choice

Lëtzebuerg huet och eng räich Literatur an esouguer e Literaturarchiv.

A wéi engem Haus ass de Centre national de littérature?

Centre national de littérature

Lëtzebuerger Literaturarchiv

zu Miersch

Multiple Choice

Een Deel vun der Literatur sinn och d'Comics iwwer de Superjhemp. Wéi kritt de Superjhemp seng Superkraaft (superpower)?

• Hien drénkt Crémant.

• Hie klëmmt a säin SUV.

• Hien ësst Kachkéis.

• Hie séngt d'Nationalhymn.

De Superjhemp

alias Charel Kuddel

Superkraaft duerch Kachkéis

Multiple Choice

Eng aner Kulturinstitutioun ass de Centre Culturel Neumünster am Gronn. Dat historescht Gebai hat scho vill Funktiounen. Wat war nach NI an deem Gebai?

• eng Abtei

• e Prisong

• en Tribunal

• eng Klinick

Neumünster

- 1606: gebaut als Benediktinerabtei

- 1815-1867: Militärspidol (Deutscher Bund)

- bis 1980: Männerprisong

- haut: Centre culturel

Multiple Choice

"Ech brauch eppes fir hannert d'Knäpp!" (Knäpp = buttons / boutons). Wat heescht dat?

• Ech hunn Honger!

• Ech hunn näischt fir unzedoen!

• Et ass mir kal!

• Ech si midd a wëll schlofen.

Ech hunn Honger!

Hannert de Knäpp (vun enger Jackett) ass de Bauch! :)

Multiple Choice

Ëmmer méi Leit léieren a schwätze Lëtzebuergesch. Mee zënter wéini ass Lëtzebuerg offiziell eng Sprooch?

• 1945

• 1984

• 1995

• 2001

1984: Lëtzebuergesch als Nationalsprooch

Gesetz vum 24. Februar 1984

Multiple Choice

Den INL ass elo déi wichtegst Sproocheschoul zu Lëtzebuerg. Wéi eng Funktioun hat d'Gebai am Ufank?

• Et war de Sëtz vum Iewechte Geriicht.

• Et war déi éischt Europaschoul.

• Et war d'Gemengenhaus vun der Stad.

• Et war de Sëtz vum Roude Kräiz.

Déi éischt Europaschoul

Dofir huet d'Gebai (vun uewe gekuckt) d'Form vun engem groussen E. Och op der Fassad gesäit een en "E" fir Europa.

Multiple Choice

Am INL kann een awer net just Lëtzebuergesch léieren. Wéi vill Sproochen offréiert den INL am Moment?

• 5

• 7

• 9

• 11

9 Sproochen

Lëtzebuergesch, Däitsch, Franséisch, Englesch, Spuenesch, Italieenesch, Portugisesch, Hollännesch, Chineesesch

Multiple Choice

Typesch fir Lëtzebuerg ass och d'Schueberfouer. Zënter wéini existéiert d'Schueberfouer?

• 963

• 1340

• 1867

• 1912

1340

gegrënnt vum Jang de Blannen (Johann der Blinde; Jean l'Aveugle)

Multiple Choice

Vun der Fräizäit bei d'Aarbecht: Wat mécht eng Persoun berufflech, déi "um Bierg ass"?

• Hien/Si schafft op enger Bank.

• Hien/Si schafft bei enger europäescher Institutioun.

• Hien/Si ass um Haff vum Grand-Duc ugestallt.

• Hien/Si ass an der Arméi.

Um Bierg = an der Arméi

D'Zaldote sinn um "Härebierg" bei Dikrech stationéiert.

Multiple Choice

Dikrech ass net just bekannt fir den Härebierg a fir de Béier. Wéi een Déier ass d'Symbol vun der Stad Dikrech?

Ieselsstad Dikrech

Et gëtt e Sprangbuer mat Ieselen an zënter e puer Joer esouguer en Iesel um Kierchtuerm.

Multiple Choice

"Du dommen Iesel" ass eng Beleidegung (insult). Wéi eng Beleidegung existéiert NET?

• Du bass mätsch an der Bier!

• Du bass tibbi!

• Du bass komplett mëll!

• Du hues ze vill Kachkéis gies!

Du bass verréckt!

Mir hu vill Variante fir dat auszedrécken! :)