Edukasyon sa Pagpapakatao Module 4 (Day 1)

Edukasyon sa Pagpapakatao Ikatlong Markahan - Modyul 4: Salamat sa Karapatang Tinatamasa Ko

March 6, 2023 (Day 1)

Inihanda ni:

Ma. Veronica B. Belgar

Alamin

Sa pagtatapos ng modyul na ito, inaasahan na makapagbabahagi ka ng pasasalamat sa pamamagitan ng pagkukuwento tungkol sa tinatamasa mong karapatan. Ang mga inihandang pagsasanay ay tiyak na makatutugon upang makamit ang layuning ito.

Subukin

I-click ang tsek (✓) kung ang bata sa bawat pahayag ay nagpapakita ng pagpapasalamat sa karapatang tinatamasa at ekis (X) naman kung hindi.

Multiple Choice

Gumawa ng card si Carlo para sa kanyang nanay at tatay dahil sa paghahanda ng mga ito para sa kanyang kaarawan.

Multiple Choice

Pinaghuhusay pang lalo ni Grace ang kanyang pag-aaral upang hindi masayang ang kanilang pagsasakripisyo.

Multiple Choice

Ipinagmamalaki ni Andrew ang kanyang mga magulang dahil sa pag-aalaga ng mga ito sa kanya.

Multiple Choice

Nagbigay si Amanda ng rosas sa kanyang guro dahil sa pagtuturo nito nang maayos sa kanila.

Multiple Choice

Hindi pinakikinggan ni Carl ang mga payo ng kanyang mga magulang.

Basahin ang sinasabi ng mga bata sa dayalogo.

Open Ended

Sino-sino ang mga bata sa dayalogo?

Open Ended

Ano-ano ang kanilang mga wika?

Open Ended

Sino kaya ang pinasasalamatan ng mga bata?

Open Ended

Bakit kaya sila nagpapasalamat?

Balikan

Basahin ang bawat sitwasyon.

I-click ang tamang sagot.

Multiple Choice

Araw-araw na pumasok si Mildred sa paaralan upang matuto siya ng mga dapat niyang matutunan sa buhay.Anong karapatan ang ipinapakita dito?

• Magkaroon ng Pangalan

• Makapaglibang

• Makapag-aral

Multiple Choice

Tuwing Linggo ay namamasyal ang Pamilya Suarez kasama ang kanilang mga anak. Ito ay nagpapakita ng karapatang ________________

• Magkaroon ng Pangalan

• Makapaglibang

• Makapag-aral

Multiple Choice

Ang bawat bata ay nakikilala sa kanilang pangalan.

• Magkaroon ng Pangalan

• Makapaglibang

• Makapag-aral

Multiple Choice

Si Lucas ay lumaki sa bahay-ampunan. Hindi na niya nakilala ang kanyang tunay na magulang. Anong karapatan ang ipinagkait sa kanya?

• Mabuhay

• Makapaglibang

• Magkaroon ng pamilyang mag-aaruga

Multiple Choice

Ang Pamilya Santos ang kumupkop kay Leila nang makita ng mga ito na siya ay palaboy-laboy sa kalsada. Anong karapatan ito?

• Mabuhay

• Makapaglibang

• Magkaroon ng pamilyang mag-aaruga

Tuklasin

Basahin ang kuwento. Paano ipinakita ng bidang bata ang kanyang pasasalamat sa karapatang tinatamasa?

Salamat sa Karapatan

(ni: RG Arenas)

Biyernes ng hapon. Masayang-masayang umuwi si Josephine mula sa paaralan bitbit ang malaking star na papel na bigay ng kanyang guro. Nais niya itong ipakita sa kanyang ina.

Pagpasok pa lang ng pinto, “Nay, tignan po ninyo. Binigyan ako ni Teacher ng malaking star,” galak na bigkas ni Josephine.

“Aba, oo nga ano. Bakit ka nakakuha ng ganyang kalaking star?” tanong ng ina. “Nagprisinta po kasi ako na basahin ang liham pasasalamat ko inyo ni Tatay,” pagmamalaking sagot niya.

“May liham ka sa amin?” takang pagtatanong ng ina. “Opo. Sabi po ni Teacher, gumawa kami ng liham para sa mga taong nagbibigay sa amin ng aming mga karapatan. Kayo po iyon ni Tatay. Dahil mahal po ninyo ako. Nakakapag-aral po ako. Sinisigurado ninyo na malusog ako. Masaya po tayong nakatira sa tahanan natin. At higit sa lahat…teka nanay. May naaamoy po ako,” natigilang wika ni Josephine habang naaamoy ang niluluto ng kanyang ina.

“Oo, Josephine. Nagluto ako ng paborito mong Chicken Pork Adobo. Alam ko kasing pagod ka mula sa paaralan. Ang dami ninyo kayang pagsusulit ngayon,” natutuwang paliwanag ng ina. “Salamat po nanay. Hindi lang po ako busog sa pagmamahal pati na rin po sa masasarap na ulam,” at sabay na nagtawanan ang mag-ina habang yakap ang isa’t isa.

Multiple Choice

Paano nakuha ni Josephine ang malaking star na bitbit niya pag-uwi ng bahay?

• sa pagkakaroon ng mataas na grado sa pagsusulit

• sa pagkakapanalo sa isang paligsahan

• sa pagbasa ng liham pasasalamat

Multiple Choice

Bakit sila pinagawa ng liham pasasalamat?

• upang pasalamatan ang mga taong nagbibigay ng karapatan

• upang pasalamatan ang mga mabubuting kalaro

• upang pasalamatan ang mga kapitbahay

Multiple Choice

Para kanino ang liham na ginawa ni Josephine?

• para sa mga kapitbahay

• para sa mga magulang

• para sa mga kapatid

Multiple Choice

Bakit kaya nagprisinta si Josephine sa pagbasa ng kanyang liham?

• upang ipagmalaki ang kabutihan ng kanyang mga magulang.

• upang makakuha ng malaking star

• upang matuwa ang kanyang mga magulang

Multiple Choice

Sa paanong paraan pa maipapakita ng isang batang tulad mo ang pasasalamat sa mga karapatang tinatamasa?

• sa pamamagitan ng pagiging mabuting bata

• sa pamamagitan ng pag-aaral nang mabuti

• lahat ng nabanggit

I-click ang puso kung ang karapatan ay iyong naranasan at tatsulok naman kung hindi.

Multiple Choice

Si Pedro ay naglalaro kasama ang kaniyang mga kaibigan.

Multiple Choice

Mahusay si Lee Roy sa pagpipinta at nais niya itong sanayin.

Multiple Choice

Madalas mag-away ang magkapatid na Dan at Rita.

Multiple Choice

Nagsisimba ang mag-anak ni Mang Ben tuwing Linggo.

Multiple Choice

Namamalimos ang batang si Lemuel upang makabili ng pagkain.

Sa nakaraang modyul ay natutunan mo na ang isang batang tulad mo ay may karapatan.

Ngayon naman, ating pag-aralan kung paano natin pasasalamatan ang karapatang ating tinatamasa. Ngunit bago iyan, subukin muna natin kung natatandaan mo pa ang iyong mga natutunan sa nakaraang modyul.

Basahin ang sumusunod na pangungusap.

I-click ang tsek (✓) kung ito ay tumutukoy sa karapatan mo bilang bata at ekis (X) naman kung hindi.

Multiple Choice

Si Lota ay lumaking malusog at matalino.

Multiple Choice

Masayang nag-aaral si Kaloy kasama ang kaniyang kaibigan.

Multiple Choice

Hinahayaan si Karla ng kaniyang magulang na maglaro at maglibang.

Multiple Choice

Si Rene ay nagtratrabaho sa murang edad.

Multiple Choice

Madalas makipag-away si Baldo sa kaniyang kaklase.

Basahin ang kuwento sa harap ng iyong kasama sa bahay.

Ang Galing Naman!

Masayang-masaya si Bella nang dumating mula sa paaralan. Niyakap at hinalikan niya ang kaniyang ina na kasalukuyang nagluluto.

“Inay, nakakuha po ako nang mataas na marka sa pagsusulit at napuri ako ng aking guro sa harapan ng aming klase”.

Tuwang tuwa ang ina ni Bella, “Binabati kita, anak. Ang galing mo naman! Sige magpalit ka ng damit at tayo’y kakain na”.

Nakita ni Bella na ang kaniyang nanay ay naghahanda ng masustansiyang pagkain para sa hapunan. Wow! “Ang sarap naman po niyan inay. Alam ninyo po talaga ang aking paborito! Maraming salamat po!”

Open Ended

Sino ang batang babae sa kuwento?

Open Ended

Bakit nagpapasalamat si Bella sa kaniyang ina?

Open Ended

Sino ang nagbibigay ng karapatan kay Bella?

Open Ended

Naranasan mo rin ba ang mga karapatang naranasan ni Bella?

Open Ended

Nagpapasalamat ka ba sa nagbibigay sa iyo ng iyong mga karapatan? Paano mo ito ginagawa?