தமிழ்மொழி ஆண்டு 4 - பழமொழி - ஆக்கம் : யமுனாவதி பொன்னுசாமி

அண்ணனின் கண்ணாடிக் கோப்பையைத் தம்பி உடைத்து விட்டான். அதனால், மனம் வருந்தினான்.

• குற்றமுள்ள நெஞ்சு குறுகுறுக்கும்

• சித்திரமும் கைப்பழக்கம் செந்தமிழும் நாப்பழக்கம்

• சிறு துரும்பும் பல் குத்த உதவும்

கயல்விழி பழைய நாளிதழ்களையும் சஞ்சிகைகளையும் தேவையில்லை என்ற எண்ணத்தில் குப்பையில் போட்டாள். ஆனால், அதிலுள்ள சில படங்களும் செய்திகளும் திரட்டேடு செய்ய உதவும் என்பதைத் தன் தாயார் கூற அறிந்து வருந்தினாள்.

• சிக்கனம் சீரளிக்கும்

• காற்றுள்ள போதே தூற்றிக் கொள்

• சிறு துரும்பும் பல் குத்த உதவும்

சிறு _____________ பல் குத்த உதவும் .

• துரும்பும்

• கரும்பும்

• எறும்பும்

சிகையலங்காரம் செய்யும் கலையை மதுமிதா முறையாகப் பயின்று பட்டம் பெற்றாள். சுயமாகக் கடை ஒன்றையும் வைத்து அக்கலையைச் சிறப்பாகச் செய்து வருகிறாள்.

• ஒன்று பட்டால் உண்டு வாழ்வு

• சிறு துரும்பும் பல் குத்த உதவும்

• சித்திரமும் கைப்பழக்கம் செந்தமிழும் நாப்பழக்கம்

அறிவியலில் சிறந்து விளங்கிய விமலன், தனது புத்தாக்க ஆற்றலைக் கொண்டு பல உருவாக்கங்களை உருவாக்கி, வெளிநாடு செல்லும் வாய்ப்பையும் பயன்படுத்திக் கொண்டான்.

• காற்றுள்ள போதே தூற்றிக் கொள்

• ஒன்று பட்டால் உண்டு வாழ்வு

• சிக்கனம் சீரளிக்கும்

வீண் செலவு செய்யாமல் பணத்தைச் சேமித்து வைத்த விமலாவிற்கு அப்பணம் அவளின் தம்பியின் அறுவை சிகிச்சைக்குப் பேருதவியாக இருந்தது.

• சித்திரமும் கைப்பழக்கம் செந்தமிழும் நாப்பழக்கம்

• சிக்கனம் சீரளிக்கும்

• ஒன்று பட்டால் உண்டு வாழ்வு

சாகில் தோட்ட மக்கள் அனைவரும் கொரோனா தொற்று நோயை விரட்டுவதில் ஒருமித்த கருத்துடன் செயல்பட்டு வெற்றி பெற்றனர்.

• ஒன்று பட்டால் உண்டு வாழ்வு

• சிறு துரும்பும் பல் குத்த உதவும்

• காற்றுள்ள போதே தூற்றிக் கொள்

சிறுவயது முதலே சேமிக்கும் பழக்கம் கொண்ட மலர்விழி தன் பள்ளியில் ஏற்பாடு செய்யப்படிருந்த சுற்றுலாவில் கலந்து கொள்ள தன் சேமிப்பு பணத்தைப் பயன்படுத்தியதால் ஆசிரியரின் நன்மதிப்பைப் பெற்றாள்.

• சித்திரமும் கைப்பழக்கம் செந்தமிழும் நாப்பழக்கம்

• சிக்கனம் சீரளிக்கும்

• காற்றுள்ள போதே தூற்றிக் கொள்

ஒன்று பட்டால் உண்டு வாழ்வு என்பதன் பொருள் என்ன ?

• கிடைக்கும் வாய்ப்பைப் பயன்படுத்தி, சூழ்நிலை சாதகமாக இருக்கும்போது தனக்கு வேண்டியதைச் சாதித்துக்கொள்ள வேண்டும்.

• எதையும் முறையாகப் பயிற்சி செய்து வந்தால்தான் அதில் நாம் வல்லமை பெற முடியும்.

• எல்லாரும் ஒன்றினைந்து ஒருமித்த கருத்தோடு செயல்பட்டால் நல்வாழ்வு அமையும்.

கிடைக்கும் வாய்ப்பைப் பயன்படுத்தி, சூழ்நிலை சாதகமாக இருக்கும்போது தனக்கு வேண்டியதைச் சாதித்துக்கொள்ள வேண்டும் என்ற கூற்றுக்குப் பொருந்தும் பழமொழி எது ?

• சிறு துரும்பும் பல் குத்த உதவும்

• காற்றுள்ள போதே தூற்றிக் கொள்

• சிக்கனம் சீரளிக்கும்