PT3 தமிழ்மொழி (தொகுதி 7) - உமா பதிப்பகம்

பொருத்தமான இரட்டைக்கிளவியைக் கொண்டு வாக்கியத்தை நிறைவு செய்க.

கனத்த மழையில் நனைந்ததால் வேலனுடைய ஆடைகள் ________ இருந்ததோடு அவன் குளிர் தாங்க முடியாமல் ________ நடுங்கினான்.

• சிலுசிலுவென – வெடவெடவென

• நசநசவென – சிலுசிலுவென

• நசநசவென – வெடவெடவென

• கிடுகிடுவென – சிலுசிலுவென

கீழ்க்காணும் உரையாடலுக்குப் பொருத்தமான இரட்டைக்கிளவியைத் தெரிவு செய்க.

மலர் : எப்போதும் ____________ பேசிக் கொண்டிருக்காதே! எனக்குக் காது வலிக்கிறது.

அரசி : என்னை மன்னித்துவிடு மலர்.

• சடசடவென

• துருதுருவென

• கடகடவென

• தொணதொணவென

பின்வரும் கூற்றுக்குப் பொருத்தமான இரட்டைக்கிளவி எது?

சீலன் கிஞ்சிற்றும் தவறாமல் ஒப்புவித்த வாய்பாட்டைக் கேட்டு மற்ற மாணவர்கள் மலைத்துப் போயினர்.

• கடகடவென

• கிடுகிடுவென

• பரபரவென

• விறுவிறுவென

இணைமொழிக்குப் பொருத்தமான விளக்கத்தைத் தெரிவு செய்க.

• தங்குதடை – இடையூறு

• உயர்வு தாழ்வு – மேடுபள்ளம்

• அகமும் புறமும் – மன உணர்வும் மனத்தின் வெளிப்பாடும்

• உள்ளும் புறமும் – வீட்டின் உட்புறமும் வெளிப்புறமும்

கீழ்க்காணும் மருத்துவரின் கூற்றுக்குப் பொருத்தமான இணைமொழியைத் தெரிவு செய்க.

மருத்துவர்: கோவிட் – 19 ஓர் உயிர்க்கொல்லி நோய். இந்நோயால் பாதிக்கப்படும் முதியவர்கள் எளிதில் பலியாகிவிடுகிறார்கள். ஆகவே, முதியவர்களை நோயில்லாமல் பாதுகாப்பது அனைவரது கடமையாகும்.

• தங்குதடை

• கள்ளங்கபடு

• உள்ளும் புறமும்

• நோய்நொடி

பின்வரும் பாடல் வரிகளுக்குப் பொருத்தமான இணைமொழியைத் தெரிவு செய்க.

குழந்தையும் தெய்வமும் குணத்தால் ஒன்று

குற்றங்களை மறந்துவிடும் மனத்தால் ஒன்று

• குழந்தைகள் ஈடு இணை அற்றவை.

• குழந்தைகள் சீரும் சிறப்பும் மிக்கவை.

• குழந்தைகள் கள்ளங்கபடு அற்றவை.

• குழந்தைகள் உயர்வு தாழ்வு பார்க்காதவை.

பின்வருபனவற்றுள் சரியான இணைமொழியைக் கொண்டுள்ள வாக்கியத்தைத் தெரிவு செய்க.

• சிறுவர்கள் மாலை நேரத்தில் ஆடிப்பாடி மகிழ்ந்தனர்.

• மலைப்பகுதியில் உள்ள பாதை உயர்வு தாழ்வாக இருந்ததால் நடப்பதற்குச் சிரமமாக இருந்தது.

• கள்ளங் கபடு கொண்டு சாலையில் பயணித்த பயணிகளைக் காவல் துறையினர் கைது செய்தனர்.

• தன்னைத் திட்டிய பாட்டியைக் கண்டதும், அபிஷேக் நாணிக் கோணினான்

பின்வரும் பொருளுக்குப் பொருத்தமான உவமைத்தொடரைத் தெரிவு செய்க.

* விட்டுப் பிரியாமை

I. பசுமரத்தாணி போல

II. மலரும் மணமும் போல

III. மணியும் ஒலியும் போல

IV. உள்ளங்கை நெல்லிக்கனி போல

• I, II

• I, III

• II, III

• II, IV

பின்வரும் சூழலுக்குப் பொருத்தமான உவமைத்தொடர் எது?

நிருபர் : நீங்கள் அனைவரும் ஏன் உங்கள் தலைவருக்கு எதிராகப் போராட்டம் செய்கிறீர்கள்?

தொண்டர்கள் : எங்களுடைய சேமிப்புப் பணத்தை அவர் முறைகேடு செய்துவிட்டார். அதனால்தான்…

• நுனிப்புல் மேய்ந்தாற் போல

• உள்ளங்கை நெல்லிக்கனி போல

• ஊமை கண்ட கனாப் போல

• வேலியே பயிரை மேய்ந்தாற் போல

பின்வரும் வாக்கியத்திற்குப் பொருத்தமான உவமைத்தொடரைத் தெரிவு செய்க.

* தைப்பூசத் திருவிழாவின்போது மக்கள் கூட்டம் கடல் அலைபோலத் திரண்டிருந்தது.

• கும்பிடப்போன தெய்வம் குறுக்கே வந்தது போல

• அழகுக்கு அழகு செய்வது போல

• புற்றீசல் போல

• மணியும் ஒலியும் போல