Tahanan ng Isang Sugarol Pagkakasunod-sunod

Habang inihahanda ang pampaligo ng asawa ay sumagitsit sa kawali ang inasnang isda kaya minura at sinigawan ni Li Hua si Lian-chiao dahil

Nang gabing iyon, kahit pagod ay hindi makatulog si Lian-chiao. Naalala niya kung paano siyang ipinagkasundo ng kanyang ina kay Li Hua sa edad na labinlima at ito ang naging simula ng miserable niyang buhay. Maya-maya'y biglang sumakit ang kanyang tiyan at naramdamang manganganak na siya.

Pagod na si Lian-chiao sa katatapos na labahin at sa walang tigil na pagtatrabaho, ngunit hindi siya puwedeng magbagal ng kilos. Mabilis niyang sinindihan ang apoy sa pugon, hiniwa ang mga gulay, pinakulo ang tubig, nilinis ang mga kawali at iba pang kasangkapan sa kusina dahil baka magalit ang asawa kapag dumating ito mula sa pagsusugal nang wala pang hapunan

Sumunod sa ina ang magkapatid na sina Ah Yue at Siao-Ian dahil nagising ang bunso kaya dinala ng ate sa Hsiang Chi Coffee Shop. Kahit hirap na hirap ang kalooban dahil maiiwan ang maliliit na mga anak nang walang kasama ay pinakiusapan ng ina na iuwi at alagaan muna ni Ah Yue ang nakababatang kapatid.

Naglalaba nag buntis na si Lian-chiao katabi ang bunsong anak habang nagsasampay ang panganay niyang si Ah Yue kahit hindi pa halos maabot ng bata ang sampayan.

Kinagalitan ni Li Hua ang mga batang sumunod sa kanilang ina at pagkatapos ay pinaandar ang inarkilang sasakyan para madala sa ospital si Lian-chiao.

Maya-maya'y dumating si Li Hua. Malakas ang boses habang sinasabihan ang nagsasampay na si Ah Yue. Pagkatapos ay mabilis na pumasok at nagalit dahil hindi pa luto ang hapunan.

Kahit hirap na hirap dahil sa sunod-sunod na paghilab ng tiyan ay tinungo ni Lian-chiao ang Hsing Coffee Shop para magpatulong sa asawang nadatnan niyang abalang-abala sa pagsusugal.

Habang abala at hindi magkandaugaga si Lian-chiao sa pagluluto ay naghanap ng pampaligo ang kanyang asawa kaya't mabilis niyang iniwan muna ang iniluluto at saka inihanda ang inigib na tubig para pampaligo ni Li Hua.

Nang matapos kumain at paalis na muli ang lalaki ay nagmakaawa si Lian-chiao na bigyan ng isang dolyar na pambili ng itlog na gagamitin sa nalalapit niyang panganganak subalit hindi siya binigyan ni Li Hua dahil natalo raw ito ng dalawampung dolyar sa sugal.