ARALIN 1 - KAHULUGAN AT KAHALAGAHAN NG EKONOMIKS

Ang salitang ekonomiks ay galing sa salitang oikonomia, isang salitang Griyego na ang ibigsabihin ay:

• pamamahala ng negosyo

• pakikipagkalakalan

• pamamahala ng tahanan

• pagtitipid

Ang ekonomiks ay isang agham panlipunan sapagkat:

• pinag-aaralan dito kung paano nagtutulungan ang mga tao upang matugunan ang kanilang materyal na pangangailangan at mapataas ang antas ng kabuhayan.

• nagbibigay ito ng mga suhestiyon upang maging mapayapa ang ating daigdig.

• pinag-iisipan sa araling ito kung paano magkakamal ng salapi ang tao.

• pinag-aaralan dito kung paano natin mahihigitan ang kita ng ating kapwa tao.

May tatlong pangunahing katanungang sinasagot ang ekonomiks. Alin ang HINDI kasama sa pangkat?

• Ano ang mga produkto at serbisyong kailangan ng lipunan?

• Paano lilikhain ang mga kailangang produkto at serbisyo?

• Para kanino ang mga lilikhaing produkto at serbisyo?

• Paano titipirin ang mga sangkap sa paggawa ng produkto?

Ang kakapusan o scarcity ay maaaring umiral sa mga pinagkukunang yaman tulad ng yamang likas, yamang tao, at yamang kapital. Bakit nagkakaroon ng kakapusan sa mga ito?

• Dahil limitado ang mga pinagkukunang yaman at walang katapusan ang pangangailangan at kagustuhan ng tao

• Dahil sa mga bagyo at iba pang uri ng kalamidad na pumipinsala sa mga pinagkukunang-yaman

• Dahil sa mga negosyanteng nagsasamantala at nagtatago ng mga produktong ibinebenta sa pamilihan

• Dahil likas na malawakan ang paggamit ng mga tao sa pinagkukunang yaman ng bansa

Kung ikaw ay isang taong rasyonal, ano ang dapat mong isaalang-alang sa paggawa ng desisyon?

• Dinadaluhang okasyon

• Kagustuhang desisyon

• Opportunity cost ng desisyon

• Tradisyon ng pamilya

Ano ang pinakamahalagang layunin ng ekonomiks bilang isang agham panlipunan?

• Maibigay ang hilig ng mga maririwasang tao kahit na maraming

  mahihirap.

• Maitaas ang antas ng pamumuhay ng lahat ng mamamayan sa isang bansa.

• Mapag-aralan ang pamamaraan ng pagtaas ng pambansang kita.

• Makalikha ng mga produkto at serbisyong pang-internasyonal at makapaglingkod sa ibang bansa.

Mahalaga at makabuluhan ang pag-aaral ng ekonomiks para sa mga kabataan. Ano sa palagay mo ang pinakamabuting maidudulot sa iyo ng pagkakaroon ng kaalaman sa ekonomiks?

• Maisasaulo ang mga konsepto sa ekonomiks upang madaling makapasa sa kolehiyo.

• Maaari kang magsilbing kritiko ng pamahalaan.

• Mapag-aaralan ang mga gawi, kilos, at siyentipikong pamamaraang makatutulong sa iyo sa pagdedesisyong pangkabuhayan ngayon at sa hinaharap.

• Magkaroon ka ng kakayahang makapagturo rin ng ekonomiks.

Alin sa sumusunod ang pinakaangkop na kahulugan ng Ekonomiks?

• Ito ay matalinong pagpapasya ng tao sa pagsagot ng mga suliraning pangkabuhayan na kinakaharap.

• Ito ay tumutukoy sa siyensiya ng kaasalan ng tao na nakaimpluwensiya sa kaniyang pagdedesisyon.

• Ito ay pag-aaral ng tao at ng lipunan kung paano haharapin ang mga suliraning pangkabuhayan.

• Ito ay pag-aaral kung paano matutugunan ng tao ang kaniyang walang katapusang pangangailangan at kagustuhan sa harap ng kakapusan.

Ito ay umiiral dahil limitado ang pinagkukunang-yaman at walang katapusang pangangailangan at kagustuhan ng tao

• Kalabisan

• Kakapusan

• Kasapatan

• Kakulangan

isa sa dibisyon ng Ekonomiks na patungkol sa galaw at desisyon ng bawat bahay-kalakal at sambahayan. Ito ay tumitingin sa bawat indibidwal na yunit.

• Environmental Economics

• Maykroekonomiks

• Spatial Economics

• Makroekonomiks