GP Blg.3 at 4

1. Nagtatanim sa bakuran ang nanay ni Daniel. Kailangan niya ng tulong ng anak. Sumagot ito, “Mamaya na ‘yan, naglalaro pa nga ako ng Mobile Legends.” Anong salita ang maglalarawan kay Daniel bilang isang anak?

• A. masunurin

• B. mapagparaya

• C. makulit

• D. tamad

2. Nabalitaan ni Mario na makatatanggap ang kaniyang pamilya ng ayuda dahil kabilang sila sa tinatawag na poorest of the poor. Hindi na siya gumawa ng paraan para kumita. “Tutulungan naman tayo ng gobyerno.” Anong uri ng mamamayan si Mario?

• A. masinop

• B. palaasa

• C. reklamador

• D. responsable

3. Nakikipaglaro si Paul sa kaniyang kaibigang si Julius. Napansin ni Julius na sabik na sabik sa laruan ang kaibigan. Bago umuwi, ibinigay niya ang ilan niyang laruan sa kaibigan at sinabi, “Sa iyo na ‘yan kasi marami pa naman akong laruan dito, pahiramin mo ang mga kapatid mo ha.” Alin sa mga sumusunod ang maglalarawan kay Julius batay sa kaniyang ikinilos?

• A. maaalalahanin

• B. mapagbigay

• C. mayabang

• D. mayaman

4. Umalis ang nanay at tatay ni Donnah upang magtinda ng isda. Dumating ang mga kaibigan niya at niyaya siyang maglaro. “Pasensya na, walang titingin sa mga kapatid ko,” tugon nito. Paano mo ilalarawan si Donnah?

• A. maingat

• B. mapagpabaya

• C. mapagmahal

• D. responsable

5. Napansin ni Bb. Rose ang pagbaba ng marka ng kaniyang mag-aaral na si Carlo. Nababahala siya dahil hindi niya makontak ang mga magulang nito. “Kailangan ko na siyang puntahan sa kaniyang bahay mamaya para naman malaman ko kung paano ko siya matutulungan.” Bilang isang guro, anong katangian ang ipinakita ni Bb. Rose?

• A. maalalahanin

• B. masayahin

• C. matapat

• D. masungit

Nalaglag ang pera ni Aling Ruby habang namamalengke. Nakita ito ni Angel at agad pinulot. Hinabol niya ang ale at ibinalik ang pera. Laking pasasalamat ni Aling Ruby sa dalaga at inalok itong kumain. Tumanggi si Angel at masayang umalis. Natanaw ni Aling Ruby na nagtitinda ng gulay ang dalaga. Isang tindera ang nagsalita, “Talagang mabait ang batang iyan. Sa murang edad ay nagtitinda para sa inang may sakit.”

6.Nang ibalik ni Angel ang pera ni Aling Ruby, anong katangian ang kaniyang ipinakita?

• A. maalalahanin

• B. mapagpanggap

• C. matapat

• D. sipsip

7.Anong katangian ng mga Pilipino ang ipinakita ni Aling Ruby nang alukin niyang kumain si Angel dahil ibinalik nito ang kaniyang pera?

• A. pagpapasalamat

• B. pagiging mapagmalaki sa pera

• C. pagtanaw ng utang na loob

• D. pagpapakita ng malasakit sa kapwa

8. Ano ang kahulugan ng pagtanggi ni Angel sa alok ni Aling Ruby na kumain?

• A. Ang ginawa niya ay labag sa kaniyang kalooban.

• B. Ayaw niyang makasabay kumain si Aling Ruby.

• C. Ang pagbabalik ng pera ang dapat lamang niyang gawin.

• D. Hindi siya naghihintay ng kapalit sa ginawa niyang pagtulong.

9. Sa murang edad ay nagtitinda si Angel para sa inang may sakit. Anong katangian ni Angel ang inilalarawan sa pahayag?

• A. madasalin

• B. makulit

• C. responsable

• D. tamad

10. Bilang anak, paano mo naman inilalarawan si Angel?

• A. madaldal

• B. makulit

• C. mapagmahal

• D. masinop