YÜKSƏLİŞ-Situasiya

Rasim hər gün işə gələrkən səhər tezdən ilk növbədə işlədiyi otağın havasını dəyişir. Bu isə onunla eyni şöbədə işləyən işçilərin xoşuna gəlmir. Bu halda sənin kollektivin üzvü kimi məsələyə münasibətin necə olar? (ən düzgün hərəkət hansı olar?)

• Bu barədə bütün iş yoldaşlarını məlumatlandıraraq ona qarşı öz fikirlərini bildirmələrini istəyirsən.

• Rəhbərliyə belə bir halın mövcudluğu barədə anonim müraciət göndərirsən və bütün iş kollektivini də buna sövq edirsən.

• İlk növbədə şöbə rəhbərinə məlumat verirsən və onun hərəkətinin aradan qaldırılması üçün tədbir görülməsini xahiş edirsən.

• Müəssisənin həmkarlar təşkilatını işə cəlb etmək üçün müraciət edirsən və iş mühitində belə halların mənfi nəticələri barədə izahat verirsən.

• Rasimlə danışaraq onun bu hərəkətinin iş kollektivinə təsirinin mənfi nəticələri barədə məlumat verirsən və məsələnin həllini onun özü ilə razılaşdırmağa çalışırsan.

Zavodun işçiləri gündəlik tapşırığın öhdəsindən gəlmək üçün bərabər şəkildə işləməli və işi bitirməlidir. Lakin işçilərdən biri davamlı olaraq səhhəti ilə bağlı iş görməkdə nisbətən arxa planda qalır və bu da ümumi işin bitmə vaxtına təsir edir. (atıla biləcək ən yanlış addımı seçin)

• Həmin işçinin səhhətinin yaxşılaşdırılması üçün rəhbərliyə kollektiv müraciət edilir.

• İşçinin tamamilə müalicə olunaraq işə davam edə bilməsindən ötrü ona işdən müvəqqəti ayrılmasını tövsiyyə etmək.

• Həmin işçinin işdən azad edilməsi üçün rəhbərliyə müraciət etmək.

• Kollektivlə danışaraq iş yükünün digər işçilər arasında daha ağır rejimdə bölüşdürülərək işi davam etdirmək.

• Məsələni görməzdən gəlmək və sadəcə öz üzərinə düşən tapşırığı yerinə yetirmək.

Şirkət rəhbərliyi işçilərə tapşırıq verərkən əməkdaşlardan birinə qarşı fərqli davranır və ona qarşı digərlərindən daha səmimi olur. Bu isə kollektivin digər üzvləri arasında haqlı narazılığa səbəb olur və bu da işin ləng getməsinə gətirib çıxarır. (Atıla biləcək ən düzgün addım hansıdır?)

• Yuxarı rəhbərliklə əlaqə yaradaraq bu davranışın işə mənfi təsirlərini izah edirsən və bunun iş mühitinə təsir etməməsi üçün fəaliyyətə davam edirsən.

• İşə davam edirsən və həmin seçilən işçi ilə bu davranışın doğru olmadığını müzakirə edirsən.

• Rəhbərliklə ayrılıqda danışaraq bu məsələni doğru olmadığını bildirirsən.

• İşə davam edirsən və baş verənlərə reaksiya vermirsən.

• Bu məsələni həll etmək üçün işçilərə tətil etməyi məsləhət görürsən.

Növbəli iş zamanı sizin gözlərinizin qarşısında iş yoldaşınız özünü itirir, əsəbi şəkildə başqa bir işçini divara doğru itələyir və qışqıraraq deyir: “Bir də məni vursan səninlə başqa cür danışacağam”. Siz heç kimin başqa birini vurduğunu görməmisiniz. Şikayət zamanı məsələni araşdırmaq üçün komissiya yaradılır. Belə halda ediləcək ən düzgün hərəkət hansıdır?

• İş yoldaşınızla baş verənlər haqqında söhbət etmək.

• Daha yuxarı rəhbərliklə görüşmək.

• Öz rəhbərinizlə hadisə barədə danışmaq.

• Hadisə haqqında gördüklərinizi olduğu kimi komissiyaya danışmaq.

• Komissiyaya iş yoldaşınızın özünü qoruduğunu demək.

Sizə öz işinizin və şöbədəki digər əməkdaşların işinin səmərəliliyini artırmaq üçün bəzi təkliflər verilib. Lakin iş yoldaşlarınızdan biri öz iş tərzini dəyişmək təklifinə etiraz edir. O bildirir ki, onun iş üsulu illərin sınağından çıxıb, “işləyən saat”ı təmir etməyə isə heç bir ehtiyac yoxdur. Bu vəziyyətdə atıla biləcək ən düzgün addım hansı olar?

• Etiraz edən əməkdaşa konsultasiya təklif etmək.

• Problemi rəhbərliklə müzakirə etmək.

• Problemlər barədə təlimçiyə müraciət etmək.

• Əməkdaşlara dəyişikliyin yaxşı nəticə verə biləcəyini xatırlatmaq.

• Onun davranışına məhəl qoymamaq.