Q3M5: QUIZ/PANAPOS NA PAGSUBOK

Alin sa sumusunod ang nagpapakita ng paglalarawan?

• Hiningi ni Rama ang tulong ng hari.
• Bihagin mo si Sita upang maging asawa mo.
• Niyakap ni Rama si Sita sa harap ni Surpanaka.
• Nakakita siya ng pinakamagandang babae sa gubat.

Alin sa sumusunod ang HINDI maiuugnay sa epiko?

• tula
• kultura
• kuwento
• tuluyan

Sa paanong paraan naiiba ang epiko sa ibang genre ng panitikan?

• isinasayaw ang epiko
• masining na isinasalaysay
• binibigkas nang paindayog
• mayaman sa supernatural na pangyayari

Alin sa mga pahayag ang HINDI TOTOO tungkol sa kahulugan ng epiko?

• Ito ay isang uri ng tulang pasalaysay.
• Binibigyang diin ang pinagmulan ng isang bagay.
• Binibigyang diin ang katangiang supernatural ng tauhan.
• Naglalarawan ng kabayanihan at katapangan ng pangunahing tauhan.

“Huwag mong iiwan si Sita kahit ano ang mangyari!” sabi ni Rama. Ang pahayag ay_______.

• nag-uutos
• nakikiusap
• nagpapaunawa
• nagmamakaawa

Dinala ni Ravana si Sita sa Lanka, ang kaharian ng higante at demonyo. “Mahalin mo lang ako ay ibibigay ko sa iyo ang lahat ng kayamanan,” sabi ni Ravana pero hindi niya napasuko si Sita. Ang hindi pagsuko ni Sita kay Ravana ay nangangahulugang _______.

• natatakot
• naniniwala sa milagro
• may mahal siyang iba
• tapat at mahal sa kanyang asawa

Alin sa sumusunod na pahayag ang sumasalamin sa kultura ng India batay sa epikong Rama at Sita?

• Paniniwala sa mga makababalaghang pangyayari.
• Paniniwala sa mga taong may supernatural na kapangyarihan
• Paniniwala na pinagpapala ng Diyos ang mga makapangyarihan sa lipunan.
• Paniniwala na pinagpapala ng Diyos ang maganda, matalino at kumikilos nang naaayon sa lipunan.

Ano ang ibig sabihin ng pahayag na “Kakampi nila ang mga Diyos” kung ang usapan ay pagkapanalo sa kaaway?

• Maiiwasan nila ang mga kaaway dahil sila ang mga Diyos.
• Lahat ng bagay ay kaya nilang gawin dahil binabantayan sila ng mga Diyos.
• Ang mga kaaway ay madali nilang matatalo dahil nasa panig nila ang mga Diyos.
• Hindi kayang labanan ng mga kaaway dahil sa supernatural na kapangyarihan na galing sa Diyos.

“Walang nangahas na umibig kay Ravana dahil siya ay hari ng higante at demonyo.’’ Ano ang mabubuo mong hinuha tungkol sa pahayag?

• Marahil, takot ang kababaihan sa kaniyang anyo.
• Siguro, ayaw siya ng kababihan dahil siya ay makapangyarihan.
• Baka walang magkakagustong babae sa kaniya dahil siya ay mabagsik na hari.
• Sa palagay ko, walang magkakagustong babae sa kaniya dahil siya ay higante at demonyo.

Sa sumusunod na sitwasyon, ano ang higit na maituturing na pangyayaring pang-epiko?

• Umalis siya at bumalik upang iligtas ang bayan sa halimaw.
• Pinarusahan siya ng isang diwata at ginawa siyang isang prutas.
• Siya ay ipinanganak sa kalsada at ito ang kaniyang naging tahanan.
• Naging masaya ang magkakaibigang pusa dahil sa kanilang tagumpay.