EDUKASYON SA PAGPAPAKATAO 4TH QUARTER REVIEWER

Ano ang dalawang kakayahang taglay ng bawat tao na magagamit niya sa pagpapasya at malayang pagsasakilos ng kanyang pinili at ginusto nang may pananagutan dito?

• kagalingang mangatuwiran at matalas na kaisipan
• kahusayan sa pagsusuri at matalinong pag-iisip
• kalinawan ng isip at masayang kalooban
• kakayahang mag-isip at malayang kilos-loob

Ano ang inaasahan sa atin bilang tao sa lipunan na nilikha upang makipagkapwa at makibahagi sa buhay-sa-mundo (lifeworld) na ang layunin ay makipag-ugnayan sa isa’t isa at makipagtulungan?

• makiangkop
• makialam
• makipagkasundo
• makisimpatya

Alin sa mga pansariling salik ang dapat pagbatayan tungkol sa pagpili ng kursong may kinalaman sa iyong kahusayan tulad ng pakikiharap sa mga taong nakakasalamuha, paglutas ng mga mahihirap na bagay, pagbubuo at masistemang paraan sa pagkuha ng datos at iba pa?

• hilig
• kasanayan (skills)
• pagpapahalaga
• talento

Sa teoryang Multiple Intelligences ni Dr. Howard Gardner (1983), ang lahat ng tao ay may angking likas na kakayahan, iba’t iba ang talino o talento. Bilang nasa Baitang 9, ano ang mahalagang gampanin na dapat mong gawin sa mga talino o talentong ipinagkaloob sa iyo na may kaugnayan sa pagpili mo ng nais na kurso sa pagtuntong mo sa Senior High School?

• pahalagahan at paunlarin.
• pagtuunan ng pansin at palaguin.
• paunlarin para sa sarili at ibahagi para sa kabutihang panlahat.
• tuklasin at gamitin sa pagpapayaman mula sa tinapos na kurso.

Ano ang dapat na maging aksyon mo sa panahong ikaw ay naguguluhan pa sa mga pagpipiliang kurso para sa nalalapit na Senior High School?

• makinig sa gusto ng mga kaibigan
• huminto muna at sa susunod na taon na lamang mag-aral
• magbasa at maglaan ng panahong makapag-isip at magplano
• humingi ng tulong sa Guidance Counselor sa inyong paaaralan at pag-aralan ang desisyon

Alam ni Cita na hindi niya kakayanin ang kursong Medisina gayundin ang kakayahan ng kanyang magulang na suportahan siya. Kaya ang kanyang ginawa ay naghanap siya ng mga scholarship sa kanilang munisipyo at iba pang institusyon at unti-unti ay nagsulat siya ng mga tiyak niyang plano at mga paalaala daan upang maging gabay niya. Anong pansariling salik ang isinagawa ni Cita?

• katayuang pinansyal
• mithiin
• hilig
• pagpapahalaga

Hindi lingid sa kaalaman ni Alfred ang mga naging puhunan ng kanyang mga magulang sa negosyong ipinundar simula noong bata pa siya hanggang sa kasalukuyan. Sila ngayon ay maginhawa at nakapagtapos lahat ng pag-aaral sa kolehiyo. Siya ang saksi sa kasipagan at pagiging bukas-palad ng kanyang mga magulang. Sa kanyang propesyon ngayon, dala niya ito lalo na kapag may mga mahihirap siyang pasyente sa probinsya kapag nagdaraos sila ng medical mission. Anong pansariling salik ang naging gabay ni Alfred sa pagpili ng kurso?

• hilig
• pagpapahalaga
• katayuang pinansyal
• kasanayan

Bata pa lamang si Cecil ay may interes na sa pagbabasa ng mga educational book, kasabay din ang pagguhit at minsang pagsusulat. Lalo niya itong napaunlad nang siya ay sumasali sa mga paligsahan sa paaralan at nananalo. Kaya sa pagdating ng pagpili ng kurso ay hindi siya nahirapan dahil alam na niya ang magiging linya ng kanyang propesyon, ang maging journalist. Alin sa mga sumusunod na pansariling salik ang naging daan upang makamit ni Cecil ang tagumpay ng kanyang piniling hanapbuhay?

• kasanayan
• hilig
• mithiin
• pagpapahalaga

Malungkot si Melchor dahil hindi niya mapilit ang kanyang mga magulang sa gusto niyang kursong Engineering at mag-aral sa isa sa mga unibersidad sa Maynila. Gayunpaman, ang kanilang lokal na pamahalaan ay nanghihikayat ng mga potensyal na mag-aaral na magtatapos sa kanilang batch na pakuhanin ng mga kursong Tech-Voc. Sila ay sasailalim sa 6-month training at pagkatapos ay may naghihintay na trabaho sa Middle East. Sa kanyang pagsasarili, naisip niyang ito ang magiging daan tungo sa kanyang magandang pangarap para sa kanyang sarili at pamilya. Pumayag siya at naging desidido sa kanyang desisyon na piliin ito. Anong pansariling salik ang isinaalang-alang ni Melchor sa kanyang naging desisyong maghanap ng alternatibo bilang tugon sa lumalaking demand sa lipunan?

• katayuang pinansyal
• mithiin
• pagpapahalaga
• kasanayan

Alam ni Diane ang kanyang galing at husay pagdating sa Matematika. Ang kahusayan niya sa pagkalkula ay namana niya sa kanyang ama. At ang kanyang determinasyon at pagtitiyaga ay nakuha sa kanyang ina. Apat na buwan bago ang kanilang pagtatapos sa Junior High (Baitang 10) ay mayroon na siyang ideya kung ano ang kanyang pipiliing kurso.Suportado rin siya ng kanyang mga magulang lalo’t siya naman ay bukas pagdating sa komunikasyon sa mga nais niyang kuning propesyon. Kahanga-hanga si Diane dahil siya ay may matatag na loob na magpasya para sa kanyang sarili. Anong pansariling salik ang naging tuntungan niya sa pagpili ng kurso?

• mithiin
• kasanayan
• pagpapahalaga
• hilig