MGA WIKANG OPISYAL NG PILIPINAS

Ano ang tawag sa wikang ginagamit bilang pangunahing daluyan ng komunikasyon sa pagitan ng pamahalaan at mga mamamayan ng bansa?

• A. wikang opisyal

• B. wikang pangkomunikasyon

• C. wikang komon

• D. wikang banyaga

Answer explanation

Wikang opisyal ang opisyal na wika ng anumang pamahalaan. Ibig sabihin, ito ang pangunahing daluyan ng komunikasyon ng pamahalaan at ng mga mamamayan ng bansa.

Saan ginagamit ang wikang opisyal?

• A. opisyal na transaksyon ng pamahalaan

• B. pakikipagkomunikasyon o pahayag ng pamahalaan

• C. pakikipag-usap sa mga pinuno ng ibang bansa

• D. pakikipagnegosasyon sa ibang bansa

Answer explanation

Ang wikang opisyal ay ginagamit ng pamahalaan sa mga opisyal na transaksyon nito. Gayundin, ginagamit ito sa pagpapahayag ng mga patalastas, paalala, anunsiyo, at anumang pakikipagkomunikasyon ng pamahalaan sa mga mamamayan ng bansa.

Paano itinatakda ang wikang opisyal ng bansa?

• A. konsultasyon sa mga mamamayan at pagtatakda ng batas

• B. pamimili ng pangulo ng bansa at pagdedeklara sa pamamagitan ng executive order

• C. nagkakaroon ng halalan para sa pagpili ng wikang opisyal

• D. nagkakaroon ng debate tungkol sa gagawing wikang opisyal

Answer explanation

Sa bisa ng isang batas na nakapaloob sa Saligang Batas, pinipili at itinatakda ang opisyal na wika ng bansa. Dumadaan ito sa serye ng konsultasyon sa iba’t ibang pangkat ng tao sa bansa.

Ano ang unang naging opisyal na wika sa Pilipinas?

• A. Kastila

• B. Tagalog

• C. Ingles

• D. bernakular

Answer explanation

Sa Pilipinas, unang ginamit ng mga Espanyol ang wikang Kastila bilang opisyal na wika ng pamahalaang kolonyal sa Pilipinas.

Alin ang hindi naging wikang opisyal sa Pilipinas?

• A. Ilokano

• B. Tagalog

• C. Filipino

• D. Ingles

Answer explanation

Ang wikang Tagalog ay naging wikang opisyal ng Pamahalang Biak-na-Bato ni Pangulong Emilio Aguinaldo. Batay sa Saligang Batas ng 1987 Artikulo XIV Seksyon 7, “ang mga wikang opisyal ng Pilipinas ay Filipino at, hangga't walang ibang itinatadhana ang batas, Ingles.” Kung gayon, hindi naging wikang opisyal ang wikang Ilokano.

Alin ang totoo tungkol sa wikang opisyal?

• A. Ginagamit ito sa mga opisyal na dokumento ng pamahalaan.

• B. Lahat ng pangalan ng gusali, opisina, at mga palatandaan ay nasa wikang opisyal.

• C. Filipino ang wikang opisyal ng Pilipinas.

• D. Palaging wikang bernakular ang batayan ng wikang opisyal.

Answer explanation

Bilang wikang opisyal, ito ang wikang ginagamit sa mga opisyal na dokumento at pahayag ng pamahalaan. Dagdag pa, dapat tiyakin na ang mga gusali, opisina at palatandaan ay isinalin sa wikang opisyal. Sa Pilipinas, wikang Filipino at Ingles ang wikang opisyal. Kung gayon, ang isang banyagang wika ay maaaring maging wikang opisyal tulad ng Kastila at Ingles kung kinakailangan.

Dahil Filipino ang wikang opisyal ng pamahalaan sa Pilipinas, ano ang tungkulin ng mga kawani ng pamahalaan?

• A. Magsanay na maging mahusay sa paggamit ng wikang Filipino sa pagsulat ng mga opisyal na dokumento.

• B. Maghanap ng tagasalin ng mga dokumento mula sa iba't ibang wika tungo sa wikang Filipino.

• C. Magsanay na maging mahusay sa paggamit ng wikang Ingles dahil ito naman ang wikang kinikilala ng daigdig.

• D. Mamili lamang ng mga dokumento at pahayag na isusulat sa Filipino at isusulat sa iba pang wikang bernakular.

Answer explanation

Bilang kawani ng pamahalaan, dapat na magsanay na maging mahusay sa paggamit ng wikang Filipino upang epektibong maipahayag ang mga anunsiyo, patalastas, o kautusang nais ipalaganap ng pamahalaan sa mga mamamayan ng bansa. Ang wikang opisyal ay wikang nakikilala, ginagamit, at nauunawaan ng nakararami kaya dapat itong paunlarin pa.

Alin sa sumusunod ang nagpapakita ng wastong paggamit ng wikang opisyal?

• A. Ang pambansang awit ay nasa wikang Filipino.

• B. Ang Panatang Makabayan ay binibigkas tuwing flag ceremony sa munisipyo.

• C. Ang mga ahensiya ng pamahalaan ay may pangalang nasa wikang Filipino at wikang Ingles.

• D. Ang opisyal na liham ng gobernador para sa isang senador ay nasa wikang Cebuano.

Answer explanation

Bilang pagsunod sa batas tungkol sa wikang opisyal ng bansa, ang mga sagisag, opisina, at opisyal na komunikasyon ng pamahalaan at mga kawani nito ay dapat na nasa wikang opisyal o nasa wikang Filipino o wikang Ingles. Ang opisyal na liham na nasa isang wikang bernakular ay hindi paggamit ng wikang opisyal.

Nakatanggap ang pangulo ng bansa ng isang imbitasyon para sa isang pambansang pagtitipon sa bansang Hapon. Ang imbitasyon ay nasa wikang Nihonggo, at may salin sa wikang Ingles. Kung gayon, ano ang wikang opisyal sa bansang Hapon?

• A. Nihonggo

• B. Mandarin

• C. Ingles

• D. Koreano

Answer explanation

Dahil ang opisyal na imbitasyon para sa pambansang pagtitipon ay nasa wikang Nihonggo, nakatitiyak tayo na ito ang wikang opisyal ng bansang Hapon. Ang wikang Ingles na salin ng imbitasyon ay inilagay upang matulungan ang mga inimbatang opisyal ng ibang bansa na maunawaan ang mga detalye ng gaganaping pagtitipon.

Kung gagawa ng isang liham para sa isang ahensiya ng pamahalaan tungkol sa isang gawaing maaari silang makibahagi, anong wika ang gagamitin mo kung ang inyong organisasyon ay may opisina sa Lungsod ng Iloilo?

• A. Filipino

• B. Ingles

• C. Hiligaynon

• D. Cebuano

Answer explanation

Dahil opisyal na liham ang gagawin para sa isang ahensiya ng pamahalaan, ang gumagawa ng liham ay dapat gumamit ng wikang opisyal ng pamahalaan—Filipino at Ingles. Kung gayon, maaaring gumawa ng liham sa isa sa mga wikang ito.