ESP 7 - MODYUL 9: BIRTUD

1. 1. Ano ang unang hakbang sa paghubog ng mga birtud sa pamamagitan ng paulit-ulit na pagsasagawa ng kilos nang may pagsisikap?

• Gawi

• Kamalayan sa mga kahinaan

• Pagsasanay

• Pagsasabuhay

Nagdadalaga na si Kirsten. Dumating ang panahon na nagpapaalam siya sa kaniyang mga magulang na gagabihin sa pag-uwi dahil may mga proyektong kailangang gawin kasama ang kaniyang mga kaklase. Pinapayagan naman siya ng kaniyang mga magulang. Kailangan lamang na lagi niyang ipaalam sa kanila ang kaniyang pupuntahan at uuwi sa itinakdang oras. Kapag hindi niya ito magawa, hindi na siya papayagang muli. Ano ang aral na itinuturo sa iyo ng karanasang ito ni Kirsten?

• Mahalaga ang tamang pagpapasiya.

• Mahalaga ang pagsunod sa mga magulang.

• Mahalaga ang pagtataglay ng moral na integridad.

• Mahalaga ang pagsasabuhay ng tunay na kalayaan

Sinasanay ni Ade na gawin ang mabuti at umiwas sa masamang kilos. Sinisimulan niya ito noong bata pa siya nang ipinaunawa sa kaniya ng kaniyang ina kung ano ang mga dapat gawin at kung paano isagawa ang mga ito. Tinuturan din siya na iayon ang kaniyang kilos sa tamang katuwiran. Kahit nahihirapan siya, ipinagpapatuloy pa rin niya ang pagsusumikap na gumawa ng mabuti. Anong uri ng birtud ang hinuhubog niya

• Birtud bilang gitna

• Intelektuwal na birtud

• Moral na birtud

• Teolohikal na birtud

Kabilang ka sa group chat ng inyong klase. Dito ninyo ipinagpapatuloy ang inyong ugnayan at komunikasyon matapos ang oras sa paaralan. May mga kamag-aral ka na gumagamit ng mga salita tulad ng pagmumura, malaswa, o bastos, at panlalait. Ang ilan pa nga sa kanila ay tuluyan nang nag-aaway. Ano ang gagawin mo?

• Kakausapin ko ng personal ang mga nagmumura kong kamag-aral upang sabihing ihinto ito.

• Sasabihin ko sa aking mga magulang ang nangyayari

• Hahayaan ko ang class president na pagbatiin ang nag-aaway na mga kamag-aral.

• Kukunsultahin ko ang aming gurong tagapayo kung ano ang pinakamabuting gawain.

Alin sa mga birtud ang binibigyang halimbawa sa makabagong katagang, "Think before you click"?

• Katatagan

• Pagtitimpi

• Karunungan

• Maingat na paghuhusga

Ilan sa iyong kamag-aral ay naghahabulan habang wala pa ang inyong guro. Dahil dito, nabangga ni Teddy si Jude na naging dahilan ng pagkadapa at pagkasugat ng huli. Nang malaman ito ng iyong guro, kinakausap niya ang buong klase upang alamin ang pangyayari at kaniyang pinarusahan ang lahat na nabanggit na magulo sa loob ng klase. Sumasang-ayon ka ba sa ginagawa ng inyong guro?

• Opo, upang tumigit na sa pagiging magulo ang aking kamag-aral.

• Opo, dahil nararapat lamang na bigyan ng disiplina ang mga mag-aaral na magulo.

• Hindi po, dahil si Teddy lamang ang nakasakit, kaya siya lamang ang dapat parusahan.

• Hindi po, dahil mas makatutulong na magtanda ang lahat kung ipinauunawa ng guro sa klase ang mga kalalabasan ng pagiging magulo kaysa pagparusa.

Bilang kabataan, maraming pangyayari sa buhay mo ang hindi naayon sa iyong kagustuhan. Maraming pagkakataon na ikaw ay nakaranas ng kabiguan sa buhay. Anong birtud ang kakailanganin mo upang makayanan mo ang mga pangyayaring ito?

• Pagtitimpi

• Katarungan

• Katatagan

• Maingat na paghuhusga

May pagsusulit sa klase ng EsP ngunit napansin ni Vida na hindi nagsusulat ang kaniyang katabi. Nang tingnan niya, putlang-putla pala ito dahil sa matinding sakit sa tiyan. Nagtaas si Vida ng kamay upang sabihin sa kanilang guro ang sitwasyon ng kaniyang katabi. Siya na rin ang nagboluntaryo na magdala nito sa klinik. Anong Teolohikal na birtud ang ipinamamalas ni Vida sa pagkakataong ito?

• Pag-asa

• Pagmamahal

• Pagmamalasakit

• Pananampalataya