IX Malayalam state

"പന്തിരണ്ടോമനത്തിരുവയസ്സിൽ

പയറ്റിത്തെളിഞ്ഞ് പണിക്കരാക്കി"

ഇവിടെ 'പയറ്റിത്തെളിയുക' എന്ന ശൈലിയുടെ ആശയമെന്ത്?

• എല്ലാവരോടും തർക്കിച്ച് വിജയിക്കുക

• പതിനെട്ടടവും പഠിച്ചും പ്രയോഗിച്ചും തഴക്കം വരിക

• വഴക്കുണ്ടാക്കി വിജയിക്കുക

• മത്സരിച്ച് പരാജയപ്പെടുക

മരന്ദംതുളുമ്പുന്ന മലരിൻ ചുറ്റുംകൂടി

മുരളും തേനീച്ചകൾ പറന്നുകളിക്കവേ - മരന്ദം എന്ന പദത്തിൻ്റെ അർത്ഥം ഏത്?

• വണ്ട്

• പാൽ

• പൂന്തേൻ

• തേന്മാവ്

ഇത്തരം സൌന്ദര്യം ഞാൻ നുകരാൻ തുടങ്ങിയി-

ട്ടെത്ര കാലമായിനിയും തീർന്നില്ലല്ലോ - ഇനിയും തീർന്നില്ലല്ലോ എന്ന് കവി പറയുന്നതെന്തുകൊണ്ട്?

• സൌന്ദര്യം ആസ്വദിച്ച് മടുത്തതുകൊണ്ട്

• ആസ്വദിക്കാൻ തക്ക സൌന്ദര്യം ഇല്ലാത്തതുകൊണ്ട്

• എത്രമേൽ ശ്രമിച്ചിട്ടും ആസ്വദിക്കാൻ കഴിയാത്തതുകൊണ്ട്

• പ്രകൃതിസൌന്ദര്യം അനന്ദമായതുകൊണ്ട്

കേവലസൌന്ദര്യം എന്ന പദത്തിൻ്റെ വിഗ്രഹാർത്ഥം

• കേവലത്തിൻ്റെ സൌന്ദര്യം

• കേവലമാകുന്ന സൌന്ദര്യം

• കേവലമായ സൌന്ദര്യം

• കേവലവും സൌന്ദര്യവും

ലക്ഷ്യപ്രാപ്തിയെ മുൻനിർത്തിയുള്ള ഉപകരണസംവിധാനത്തിൽനിന്നുളവാകുന്ന സൌന്ദര്യാവിഷ്കരണം കാണപ്പെടുന്നതെവിടെ?

• കലാസൃഷ്ടിയിൽ

• ആസ്വാദനത്തിൽ

• പ്രകൃതിസൌന്ദര്യത്തിൽ

• പരസ്യപ്പെടുത്തലിൽ

തൻ്റെ കൈയിലും ഒരു കോടിയുടുപ്പായി! അടിച്ചുനനച്ചു കുളിക്കുമ്പോൾ മാറിയുടുക്കാൻ ഒരു വസ്ത്രമെന്നല്ലാതെ - കണ്ണമ്മയുടെ ഈ വാക്കുകളിൽ തെളിയുന്ന ഭാവമെന്ത്?

• സന്തോഷം

• ദേഷ്യം

• സങ്കടം

• പ്രതിഷേധം

ഇന്ത്യയുടെ സ്വാതന്ത്ര്യസമരത്തെപ്പറ്റിയാണ് ഞാൻ പറയാൻപോകുന്നത്. സ്വാതന്ത്ര്യസമരം എന്ന പദത്തെ വിഗ്രഹിക്കുന്നതെങ്ങനെ?

• സ്വാതന്ത്ര്യവും സമരവും

• സ്വാതന്ത്ര്യത്തിനായുള്ള സമരം

• സ്വാതന്ത്ര്യത്തോടുള്ള സമരം

• സ്വാതന്ത്യം എന്ന സമരം

അടിമരാജ്യമായ ഇന്ത്യയെ ഞാൻ വെറുക്കുന്നു(അമ്മ) - ഈ വാക്യത്തിന് യോജിക്കുന്ന ആശയമേത്?

• പാരതന്ത്ര്യമാണ് നല്ലത്

• സ്വാതന്ത്ര്യം ലക്ഷ്യമായി കാണുന്നില്ല

• സ്വതന്ത്ര ഇന്ത്യക്കായുള്ള ദാഹം

• അടിമത്തത്തെക്കുറിച്ച് വേവലാതിയില്ല

പേന മരിച്ചു കിടപ്പൂ നിൻ ട്രങ്കിൻ്റെ

മൂലയിൽ, കൊക്കുകൾ പൂട്ടിയിരുന്നു നാം - ഇവിടെ കൊക്കുകൾ പൂട്ടിയിരുന്നു എന്നതുകൊണ്ട് അർത്ഥമാക്കുന്നതെന്ത്?

• കൊക്കുകൾ തുറക്കാൻ പറ്റിയിരുന്നില്ല

• നിശബ്ദരായിരുന്നു

• പിണങ്ങിയിരുന്നു

• ഉറക്കമായിരുന്നു

മൂത്താപ്പ അകത്തേക്കു വന്നപ്പോൾ ഇലയനക്കമില്ല - ഇലയനക്കം എന്ന ശൈലിയുടെ അർത്ഥം

• ഇലകളൊന്നും അനങ്ങുന്നില്ല

• വീട് നിശ്ശബ്ദമായി

• കാറ്റു വീശുന്നില്ല

• വീട്ടിലാരുമില്ല