Pasulit Bilang 4 – Sektor ng Paglilingkod

1.  Sa anong sub-sektor ng paglilingkod kabilang ang serbisyong ipinagkakaloob ng mga bangko, sanglaan, kooperatiba at iba pang institusyong pampinasyal? 

• A. Pampublikong Paglilingkod

• B. Pananalapi 

• C. Kalakalan

• D. Transportasyon, komunikasyon at imbakan

2.  Ibinibigay nang hindi lalagpas sa ika-24 ng Disyembre bawat taon sa mga manggagawang nakapaglingkod ng hindi bababa sa isang buwan sa isang taon.

• A. 13th Month Pay

• B. Service Charges 

• C. PAG-IBIG Benefits

• D. SSS Benefits

3.  Alin sa mga ito na kinokolekta ang mga hotel, restaurant, night club at iba pa na ang 85% ay ipinamahagi ng pantay sa lahat ng manggagawa nito?

• A. Bonus

• B. SIL  

• C. Service Charges

• D. Holiday Pay

4. Limang araw na may bayad na ipinagkaloob sa manggagawang nakapaglingkod ng hindi bababa sa isang taon.

• A. Service Charges

• B. Wage Rationalization Act

• C. Service Incentive Leave

• D. 13th Month Pay

5.  Ibinibigay sa mga manggagawang nagdadalang-tao, kasal man o hindi.

• A. Special leave for Women

• B. Parental leave for Solo Parent

•  C. Maternity Leave

• D. Paternity Leave

6.  Ang batas na ito ay pinagpatibay upang malabanan ang mga gawaing hindi patas pagdating sa kalakalan, maiwasan ang kartel at monopolyo, at maparusahan ang mga opisyal ng mga kompanyang hindi sumusunod sa patas na pagnenegosyo.

• A. anti-trust/competition law

• B. Intellectual Property Code

• C. Barangay Micro Business Enterprises

• D. Copyright Act

7. Alin sa sumusunod  na  sektor  ang  binubuo  ng  mga  pormal  na  industriya  tulad  ng pananalapi,  insurance,  komersiyo,  real  state,  kalakalang  pakyawan  at  pagtitingi, transportasyon,  pag-iimbak,  komunikasyon,  at  mga  serbisyong  pampamayanan, panlipunan, at personal?

• A. Sektor ng Industriya

• B. Sektor ng Agrikultura

• C. Sektor ng Paglilingkod

• D. Impormal na Sektor

8. "Salamin ng maunlad na ekonomiya ang sektor ng paglilingkod na nagtataglay ng malawak na kakayahan". Ano ang maaaring mahinuha sa pahayag na ito?

• A. Nakabatay sa dami ng bumubuo sa sektor ng paglilingkod ang kaunlarang pang-ekonomiya ng isang bansa.

• B. Makalilikha nang mas maraming kalakal at paglilingkod ang bawat kasapi ng lipunan kung nagtataglay ito ng sapat na kakayahan.

• C. Nakadepende ang kaunlarang pang-ekonomiya ng isang bansa sa sektor ng paglilingkod

• D. Pinakamahalagang sektor ng ekonomiya ang sektor ng paglilingkod.

9. Pangunahing gampanin ng sektor ng paglilingkod.

• A. Magkaloob ng buwis sa pamahalaan

• B. Magkaloob ng mga hilaw na materyales para sa produksyon

• C. Magkaloob ng serbisyo na tutugon sa pangangailangan ng tao

• D. Magproseso ng mga hilaw na sangkap upang makalikha ng kalakal

10. Paano nakakasama sa isang manggagawa ang lipunang may pagtatangi sa isang kasarian sa larangan ng paggawa?

• A. Magdudulot ito nang higit na di-pagkakapantay-pantay sa lipunan.

• B. Labag ito sa pagkakapantay-pantay ng tao.

• C. magdudulot ito ng kahirapan

• D. Nalilimitahan nito ang kakayahan at dignidad ng isang tao.