Asesmen Sumatif Unggah-ungguh Kelas VII

Ing ngisor iki ora klebu ancas tetepungan yaiku ...

• Bisa nambah kanca anyar

• Bisa nuwuhake karukunan

• Bisa kanggo nambah kawruh

• Bisa kanggo nambah kanca geng

Pak Burhan : “Ngendi omahmu?”

Deni : ...

Kepriye wangsulane Deni kanthi unggah-ungguh kang trep?

• Omah kula ana ing Pleret

• Dalemku wonten ing Pleret

• Griya kula wonten ing Pleret

• Dalem kula wonten ing Pleret

Aisyah arep mangkat sekolah. Ukara kang trep digunakake nalika Aisyah arep pamitan marang bapak-ibuke yaiku ...

• “Pak, Bu, kula pamit ajeng mangkat riyin lan nyuwun pangestunipun”

• “Pak, Bu, kula nyuwun pamit ajeng tindak sekolah lan nyuwun pangestunipun”

• “Pak, Bu, kula nyuwun pamit badhe bidhal sekolah lan nyuwun pangestunipun”

• “Pak, Bu, kula nyuwun pamit badhe tindak sekolah lan nyuwun pangestunipun”

Nalika pamit, adate sawise matur banjur dipungkasi kanthi ...

• Dhil

• Salaman

• Jothakan

• Tos-tosan

Alya lan Diana arep ketemu Pak Rosyid saperlu nyaoske laptop Pak Rosyid kang katinggal ing kelas. Gandheng pas ngaso, Alya lan Diana mampir kantin tuku permen. Anggone mlaku karo ngemut permen. Ora krasa wis tekan ngarepe Pak Rosyid, banjur matur. Becike bocah loro mau ...

• Mature ora sambi ngemut permen lan tangane pethenthengan

• Mature ora sambi ngemut permen lan tangane ngapurancang

• Mature sambi ngemut permen ora papa amarga Pak Rosyid apikan

• Mature sambi ngemut permen amarga wis banjur dituku, lan tangane ngapurancang

Jam pitu esuk bel tandha piwulangan wis keprungu. Kelas VII A wulangan Basa Jawa jam kapisan, mula para siswa becike atur salam kanthi matur ...

• “Sugeng dalu, Bu!”

• “Sugeng enjing, Bu!”

• “Sugeng siyang, Bu!”

• “Sugeng sonten, Bu!”

Yen sliramu mlaku ing dalan bebarengan karo kancamu, prayogane ...

• Mlaku bareng-bareng ing sisih tengen

• Mlaku jejer karo kanca sing disenengi

• Mlaku loro-loro sambi gojeg supaya ora sepaneng

• Mlaku loro-loro ing sisih kiwa supaya ora ngganggu wong liya

Wong mlaku kudu nggatekake paugeran ing dalan. Tembung paugeran bisa uga ditegesi ...

• Aturan

• Tepa salira

• Keslametan

• Rambu-rambu lalu lintas

Brian ketemu Bu Siti ing Pamela. Unggah-ungguhe Brian kanggo aruh-aruh kang trep yaiku...

• “Badhe mundhut menapa, Bu?”

• “Badhe tumbas menapa, Bu?”

• “Ajeng mundhut menapa, Bu?”

• “Ajeng tumbas menapa, Bu?”

Tuladha aruh-aruh nalika mlaku ing ngarepe wong tuwa kang lagi lelenggahan, yaiku ...

• wun

• sewu, ndherek langkung

• nuwun sewu, ndherek langkung

• nyuwun sewu, ndherek langkung