ວຽກງານບໍລິການ 09.05.25

1. ກໍລະນີໃດຕໍ່ໄປນີ້ ທີ່ຕ້ອງຂຽນເລກລະຫັດອ້າງອີງພະນັກງານໃສ່ໃນແບບຟອມເປີດບັນຊີ?

• ກ. ກໍລະນີລະດົມລູກຄ້າຈາກສາຂາ ຫຼື ໜ່ວຍບໍລິການອື່ນມາເປີດບັນຊີກັບສາຂາ ຫຼື ໜ່ວຍບໍລິການຂອງຕົນ
• ຂ. ກໍລະນີລະດົມລູກຄ້າທີ່ເປັນພີ່ນ້ອງ, ບໍລິສັດຕ່າງໆ ຫຼື ອົງການຈັດຕັ້ງ ທີ່ບໍ່ເຄີຍມີບັນຊີມາກ່ອນ
• ຄ. ກໍລະນີລູກຄ້າເຂົ້າມາຕໍ່ສັນຍາເງິນຝາກ ຫຼື ເປີດບັນຊີໃໝ່ ດ້ວຍຕົນເອງ
• ງ. ຖືກໝົດທຸກຂໍ້

2. ໃນໃບສະເໜີຂໍເປີດບັນຊີ ຊ່ອງວ່າງໃດທີ່ສາມາດປະວ່າງໄດ້?

• ກ. ຊ່ອງສະຖານະພາບ
• ຂ. ອາຊີບ
• ຄ. ເລກທີ່ເອກະສານຢັ້ງຢືນຕົວຕົນ
• ງ. ຜິິດໝົດທຸກຂໍ້

3. ການປະກອບແບບຟອມການມອບເງິນສົດຂອງລູກຄ້າ ກໍລະນີທຸລະກໍາມີວົງເງິນ ທຽບເທົ່າ 100 ລ້ານຂຶ້ນໄປ ຄວນປະກອບເອກະສານຄືແນວໃດ(ເພື່ອໃຫ້ຄົບຖ້ວນທີ່ສຸດ)

• ກ. ປະກອບຂໍ້ມູນຕາມແບບຟອມໃບມອບເງິນໃຫ້ຄົບຖ້ວນ ພຽງຢ່າງດຽວ
• ຂ. ປະກອບຂໍ້ມູນຕາມແບບຟອມໃບມອບເງິນໃຫ້ຄົບຖ້ວນ ແລະ ສໍາເນົາເອກະສານຢັ້ງຢືນຕົວຕົນຂອງລູກຄ້າທີ່ມາດໍາເນີນທຸລະກໍາ
• ຄ. ປະກອບເອກະສານແບບຟອມໃບມອບເງິນສົດໃຫ້ຄົບຖ້ວນ ແລະ ສໍາເນົາໃບຂັບຂີ່ຂອງລູກຄ້າຜູ້ມາດໍາເນີນທຸລະກໍາ
• ງ. ຜິດໝົດທຸກຂໍ້

4. ຖ້າລູກຄ້າຖືແຊັກເຂົ້າມາທີ່ທະນາຄານ ແຕ່ແຊັກດັ່ງກ່າວມີສັນຍາລັກຂີດ 2 ເສັ້ນ ຂະໜານພ້ອມທັງຂຽນວ່າ Account Payee Only ພະນັກງານສາມາດດໍາເນີນທຸລະກໍາໃຫ້ລູກຄ້າໃນຮູບແບບໃດໄດ້ແດ່?

• ກ. ສາມາດຖອນເປັນເງິນສົດໃຫ້ລູກຄ້າໄດ້ເລີຍ
• ຂ. ສາມາດມອບສິດ ແລະ ໂອນໄປບັນຊີອື່ນທີ່ບໍ່ໄດ້ລະບຸຢູ່ໜ້າແຊັກ
• ຄ. ສາມາດໂອນເຂົ້າບັນຊີເທົ່ານັ້ນ
• ງ. ຖືກທັງ ຂ ແລະ ຄ

5. ວັນທີ ທີ່ລູກຄ້າລະບຸສັ່ງຈ່າຍຢູ່ໜ້າແຊັກ ແມ່ນມີໄລຍະເວລາບໍ່ເກີນຈັກວັນ ຈຶ່ງສາມາດດໍາເນີນທຸະລະກໍາໄດ້?

• ກ. ບໍ່ເກີນ 120 ວັນ
• ຂ. ບໍ່ເກີນ 130 ວັນ
• ຄ. ບໍ່ເກີນ 160 ວັນ
• ງ. ບໍ່ເກີນ 180 ວັນ

6. ກໍລະນີລູກຄ້າຕ້ອງການນໍາໃຊ້ຜະລິດຕະພັນ LDB BIZ ໂດຍໃຫ້ພະນັກງານການເງິນ ຂອງບໍລິສັດເປັນຜູ້ສ້າງທຸລະກໍາ ພ້ອມກັບກວດກາ ແລະ ມີເຈົ້າຂອງບໍລິສັດເປັນຜູ້ອະນຸມັດລາຍການ ຖາມວ່າ ພະນັກງານ ທພລ ຈະປະກອບຟອມຂໍສະໝັກນໍາໃຊ້ໃຫ້ລູກຄ້າຄືແນວໃດ?

• ກ. USER A ເປັນ ຊື່ພະນັກງານ ແລ້ວ ເລືອກປະເພດ USER ເປັນ ຜູ້ປ້ອນຂໍ້ມູນ
• ຂ. USER A ເປັນ ເປັນຜູ້ປ້ອນຂໍ້ມູນ ແລະ USER B ເປັນ ຜູ້ອະນຸມັດ
• ຄ. USER A ເປັນ ເປັນຜູ້ປ້ອນຂໍ້ມູນ ແລະ ກວດກາ ແລ້ວ USER B ເປັນ ຜູ້ອະນຸມັດ
• ງ. ຜິດໝົດທຸກຂໍ້

7. ການຈໍ້າຕາປະທັບທີ່ຖືກຕ້ອງຂອງການເຮັດທຸລະກໍາໂອນເງິນແມ່ນປະກອບມີຄືແນວໃດ?

• ກ. ຈໍ້າຕາປະທັບກວດກາລາຍເຊັນຖືກຕ້ອງ ແລະ ຈໍ້າຕາປະທັບ 8 ຫຼ່ຽມ
• ຂ. ຈໍ້າຕາປະທັບກວດກາລາຍເຊັນຖືກຕ້ອງໃສ່ກັບລາຍເຊັນພະນັກງານ ແລະ ຈໍ້າຕາປະທັບຂອງຂະແໜງ/ໜ່ວຍບໍລິການ
• ຄ. ຈໍ້າຕາປະທັບກວດກາລາຍເຊັນຖືກຕ້ອງໃນບ່ອນວາງຂອງເອກະສານໃກ້ກັບລາຍເຊັນຂອງລູກຄ້າ ແລະ ຈໍ້າຕາປະທັບຂະແໜງ/ໜ່ວຍບໍລິການ
• ງ. ຈໍ້າຕາປະທັບກວດກາລາຍເຊັນຖືກຕ້ອງໃນບ່ອນວາງຂອງເອກະສານໃກ້ກັບລາຍເຊັນຂອງລູກຄ້າ,ຈໍ້າຕາປະທັບຂະແໜງ/ໜ່ວຍບໍລິການ ແລະ ຈໍ້າຕາວັນທີ

8. ການປະກອບແບບຟອມໂອນເງິນໄປຕ່າງທະນາຄານຄວນເອົາໃຈໃສ່ຈຸດໃດແດ່?

• ກ. ຈໍານວນເງິນໃນການໂອນ ທັງຕົວເລກ ແລະ ຕົວໜັງສື
• ຂ. ຈຸດປະສົງຂອງການໂອນເງິນ ຕາມຄວາມເປັນຈິງ
• ຄ. ເລກບັນຊີ ແລະ ຊື່ທະນາຄານປາຍທາງ
• ງ. ຖືກໝົດທຸກຂໍ້

9. ໃນກໍລະນີທີ່ລູກຄ້າຕ້ອງການເປີດບັນຊີເງິນຝາກກະແສລາຍວັນ ພະນັກງານຈະຕ້ອງໃຫ້ລູກຄ້າປະກອບຟອມໃດແດ່?

• ກ. ໃບສະເໜີຂໍເປີດບັນຊີພຽງຢ່າງດຽວກໍ່ສາມາດເປີດໄດ້ແລ້ວ
• ຂ. ໃບສະເໜີຂໍເປີດບັນຊີ, ໜັງສືສະເໜີຂໍເປີດບັນຊີກະແສລາຍວັນ ແລະ ໃບສັນຍາເງິນຝາກ
• ຄ. ໃບສະເໜີຂໍເປີດບັນຊີ ແລະ ໜັງສືສະເໜີຂໍເປີດບັນຊີກະແສລາຍວັນ
• ງ. ໜັງສືສະເໜີຂໍເປີດບັນຊີກະແສລາຍວັນ ແລະ ໃບສັນຍາເງິນຝາກ

10. ຂໍ້ຄວນສັງເກດໃນການເຮັດທຸລະກໍາຖອນເງິນສົດ (ໃບຖອນເງິນສົດ) ປະກອບມີຫຍັງແດ່?

• ກ. ສັງເກດວັນທີທີ່ລະບຸໃນໃບຖອນ ວ່າກົງກັບມື້ທີ່ມາດໍາເນີນທຸລະກໍາ ຫຼື ບໍ່
• ຂ. ສັງເກດຈໍານວນເງິນທັງຕົວເລກ ແລະ ຕົວໜັງສືຕ້ອງກົງກັນ
• ຄ. ສັງເກດລາຍເຊັນຂອງເຈົ້າຂອງບັນຊີ ແລະ ເງື່ອນໄຂການສັ່ງຈ່າຍ
• ງ. ຖືກໝົດທຸກຂໍ້