Pagsusulit sa Ekonomiks

Ang salitang ekonomiks ay galing sa salitang oikos at nomos, isang salitang Griyego na ang ibig sabihin ay ___________________.

• pagtitipid

• pakikipagkalakalan

• pamamahala ng tahanan

• pamamahala ng negosyo

Ang ekonomiks ay isang agham panlipunan sapagkat:

• pinag-iisipan sa araling ito kung paano magkakamal ng salapi ang tao

• nagbibigay ito ng mga suhestiyon upang maging mapayapa ang ating daigdig

• pinag-aaralan dito kung paano natin mahihigitan ang kita ng ating kapwa tao

• pinag-aaralan dito kung paano nagtutulungan ang mga tao upang matugunan ang kanilang materyal na pangangailangan at mapataas ang antas ng kabuhayan

May tatlong pangunahing katanungang sinasagot ang ekonomiks. Alin ang HINDI kasama sa pangkat?

• Ano ang mga produkto at serbisyong kailangan ng lipunan?

• Paano lilikhain ang mga kailangang produkto at serbisyo?

• Para kanino ang mga lilikhaing produkto at serbisyo?

• Paano titipirin ang mga sangkap sa paggawa ng produkto?

Kung ikaw ay isang taong rasyonal, ano ang dapat mong isaalang-alang sa paggawa ng desisyon?

• dinadaluhang okasyon

• kagustuhang desisyon

• opportunity cost ng desisyon

• tradisyon ng pamilya

Bilang isang agham panlipunan, gumagamit ng siyentipikong paraan sa pag-aaral ng ekonomiks. Ano ang kahulugan nito?

• tinatanggap ang mga haka-haka lamang sa paggawa ng mga desisyon

• sapat na ang pansariling opinyon upang makabuo ng kongklusyon

• ang sasabihin lamang ng mga suplayer ang siyang tama sapagkat sila ang may hawak ng puhunan

• naglilikom at nagsusuri ng mga datos o impormasyon upang makapagbigay ng lapat o angkop na kongklusyon

Maraming tao ang naapektuhan ang kanilang kabuhayan dahil sa krisis dulot ng pandemya sa COVID-19. Bilang mag-aaral, paano mo matutulungan ang iyong pamilya sa pagharap ng krisis sa ekonomiya?

• Ikaw ay magtatrabaho upang madagdagan ang kita ng iyong pamilya.

• Hindi makikialam sa magiging desisyon ng iyong mga magulang sa usapin sa pera.

• Maging masinop sa paggasta ng iyong pera at bilhin lamang ang pangunahing pangangailangan.

• Pag-aaral lamang ang iyong aasikasuhin dahil hindi mo naman responsibilidad ang paghahanapbuhay sa kasalukuyan.

Sa pag-aaral ng Ekonomiks, pangunahing batayan nito ang suliranin ng kakapusan. Bakit nararanasan natin ang kakapusan?

• Ito ay dahil sa hindi tamang paggamit ng likas na yaman.

• Ito ay dahil sa mapaminsalang kalamidad na nararanasan.

• Ito ay dahil sa masyadong malaki ang populasyon at konti lang ang pinagkukunang-yaman.

• Ito ay dahil sa walang katapusang pangangailangan at kagustuhan ng mga tao kahit limitado ang pinagkukunang-yaman.

Mas pinili ni Fiona na mag-aral ng kanyang leksiyon sa Ekonomiks kaysa sa manood ng K-drama ng mga oras na iyon. Anong salik ng matalinong pagdedesisyon ang tumutukoy sa sitwasyon?

• Incentives

• marginal thinking

• opportunity cost

• trade-off

Ngayong nasa Grade 9 na si Mergie ay lalo pa siyang ginanahang mag-aral ng mabuti upang makakuha ng average grade na 90 pataas dahil sa pangakong mamahaling cellphone ng kanyang mga magulang. Aling salik ng matalinong pagdedesisyon ang inilalarawan sa sitwasyon?

• Incentives

• marginal thinking

• opportunity cost

• trade-off

Nakaugalian na ni Ardie na pag-isipan muna nang mabuti ang pagdesisyon sa isang bagay kung ito ba may pakinabang sa kanya o wala. Ang ginagawa ni Ardie ay isang halimbawa ng anong konsepto ng matalinong pagdedesisyon?

• Incentives

• marginal thinking

• opportunity cost

• trade-off