Во една вазна има 12 топчиња од кои 4 се бели. На колку начини можат да се извадат 6 топчиња од вазната, така што меѓу нив да има едно бело топче?

Една радио програма е составена од 10 нумери од кои 3 се соопштенија, 5 песни и 2 куси вести. На колку начини може да се состави програмата ако редоследот по кој се исполнуваат нумерите од ист вид меѓу себе не е битен?

Четворица ученици се јавиле во ист ден да одговараат по ист предмет. Тие биле оценети со некои од оцените 2,3,4,5. На колку различни начини можат да се распределат оцените ако сите се оценети со двете највисоки оцени?

Колку различни натпреварувачки екипи за шах можат да се формираат од 10 шахисти т.ш. секоја екипа да има по 4 натпреварувачи ?

За група од 10 деца се предвидени 20 чоколади .На колку различни начини може да се поделат чоколадите така што секое дете добива барем по едно чоколадо?

На колку начини може да биде оценет еден ученик на крајот на учебната година по 10 предмети ако по два предмети не може да добие оцена поголема од 3, а по три предмети оцена помала од 4.

Од непарните цифри се формира петоцифрен број. Колку од нив имаат различни цифри, не започнуваат со 1, а завршуваат со 3 ?

На еден фудбалски тим му останале до крајот на првенството да одигра уште шест натпревари. Според пресметката на тренерот на тимот било потребно да се добијат два натпревари и еден да се игра нерешено па да се обезбедат минимум бодови за останување во лигата. На колку начини може да се обезбеди потребниот минимум бодови? (Пораз - 0, Нерешено -1, Победа - 2)

Во еден клас од III година има 18 ученици и 14 ученички. На колку начини може да се изврши избор на класна заедница ако во класната заедница треба да се изберат двајца ученици и една ученичка ;